2 RÊNGHAI 7:6 - PATHIAN LEKHABU IRTHIANG C.L. Bible (BSI)

⁶ Rengpa’n Suriahai kha sakor tâli le sakor intân irhâi an hriattirhaia, “Israel rêng hin Hit rêng Aigupta rênghaiin ni doi hrangin an hong irsiam a ni hi,” an ti a ni.

2 RÊNGHAI 7:6 ပူးပေါင်းရင်းမြစ်များ

2 SAMUELA 10:6

Amona irchihai khan Davida kha râl an inchangtir tah ti an hriat tâka. Khanchu Amon irchihai khan Bethrehob-a le Zoba ata Suria sipai sînghni, Tob ata mi sîngkhat sânghni le rêng Maaka mi sângkhat an hruaihaia.

2 SAMUELA 5:24

Thingtheimu kung rêla lui irhâi nin hriat tena châng ro! Filistia sipaihai doi hrangin ni matona keima Rengpa ki suak ta tihna ni a ti,” a tia.

1 RÊNGHAI 10:29

Aigupta rama sakor tâli an thon sa. Hit mi le Suria rênghai kuang sakor tâli inkhatin sumru irzaruk le sakor inkhatin sumru irzakhat sômringa’n an izuar a ni.

1 RÊNGHAI 20:20

mi tukhom an irdîna om chu an thathaia, Suriahai chu an intân tâka. Israelhai khan an irzûlhaia, Suria rêng Benhadada chu a sakor chung chuang zât senkhathai leh an intân suak hrâma.

2 RÊNGHAI 19:7

Irngai ro, a lungrîl indôptir ki ta, thu nan hretir ki ti; a rama kîr nôk a ta, a ram sûnga ngêt chemseiin thatpai an ti, tiin nin pu makunga hril roi,” a tia.

2 RÊNGHAI 7:5

A zîngbup tena chu Suriahai kuanga fe hrangin an irsiama, Suriahai omna an va tungin chu tûte lei om mahaia.

JOBA 15:21

Ichiom irhâi chu a mikuarin an hriata, Khannisian lungthi taka a om laiin, Mi pualoihaiin an hong doia.

INPÂKNA HLAHAI 14:5

Pathian chu mi fel irchihaia a om ngai sikin, Chi tak tak an ti.

ISAIA 31:1

Changpui hrang zonga Aigupta rama fe sakor hrâtna irnghattuhaio! sakor tâlia irnghat, an sakor chungchuanghai dârsuam a ngar sika ir-iam an ni. Israel mi irthianghai tiang irnghat nuam loiin, Rengpa lak irdon nuam mahaia.

ISAIA 36:9

Aigupta sakor tâli leh sakora irnghat ni ni’n chu itin mo ka pu sipai hrât loihai ni idoi thei hrang?

JEREMIA 46:21

Sipai a irhlotirhai lua khom sete anga ite tho thei loi an ni. Sirsan lâkin doi maka, hnung kîrin laizâm an tho vinga. An chunga intak nî a hong ni tâka, an siatchitna hrang zoro chu.

EZEKIELA 1:24

Khan, an vuangin chu an mitha irhâi kha tuipui irhâi anga inring, sipai pâl irhâi anga om mur mur le Itinrêngthotheia irhâi anga om kin hriata, an ngîrin chu an mitha kha an thepin an irtumtir nôka,

EZEKIELA 10:5

Cherubhai mitha zâp irhâihai chu Pathian Itinrêng thotheiin thu a hril laia a hnukirhâi angin, tual pên tiang ata khom inhriat thei a nia.

THUPHUANG 9:9

Thîr rôppho ang hin rôppho an neia, an mithâ zâp irhai chu sakor tamtakin irdoina hmun pana sakor tâlihai an intânpui sup sup irhai ang kha a ni.

ROIRÊLTUHAI 7:21

Râlhai riakbuk irhîlin an ngîrna hmun chita khan an ngîra, riakbuka sipaihai chu an khêka, an intân zoi tâka.

1 SAMUELA 14:15

Filistia mi murdi tâng rama omhai khom an irlo a len thing sêpa; râl hrungtuhai le riakbuka omhai khom a satêrenga irlo inthinga ichiin an oma, irnêng inhnînga, chardong irkhêl tak an ituang a ni ta.

1 SAMUELA 26:6

Kha hnung chu Davida khan Hit mi Ahimeleka le Joaba sangpa Abisaia kuang, “Tu mo keima kuanga Saula riakbuka hong hrang?,” a tia. (Joaba le Abisaia-hai nu chu Zeruii a ni.)