2 RÊNGHAI 6:15 - PATHIAN LEKHABU IRTHIANG C.L. Bible (BSI)

¹⁵ Pathian mi siahlo ruatharte an laia a ngîra, zînga a thoiin chu, a suaka sipai tamtak le sakor leh tâli hmangin an khua an irhual chu a hmua, a pu kuang khan, “Ka pu dik loi kêng a ni ta! itin mo ei itho ta hrang? eini tianga ni san hrang an tam,” a tia.

2 RÊNGHAI 6:15 ပူးပေါင်းရင်းမြစ်များ

MATHAIA 8:26

Jisua’n an kuang, “Itho mo ang dôra nin ichi? Iti hraia iamna tôm mo nin ini!” a tia. Khanchu, a thoia, phâivua le tui irsok kha irngam hrangin thu a pêka, kha hnung chu a dâi dup zôi zel tâka.

2 THURCHI SUINA 20:12

O kin Pathian an chunga roi hong rêlin lân; a ni doi hrang sipaihai hi an tama, ite châng thei ma ung. A thôna lam zel inhre ta ma ung, ni makunga kin hong intung phot a ni hi,” an tia.

INPÂKNA HLAHAI 53:5

Chitna rêng rêng om loinaa khan chi dor dorin an oma: Pathianin bei tuma pantu ruhai chu an thekindartir tâka; Pathianin anni chu a paithâk sikin ni mualinphoitir anni tâka.

FESUAKNA 24:13

Mosia a thoia, ama santu Josua hruaiin Pathian omna tânga khan a hong lui tâka.

TÎRTÔNHAI SINTHO 13:5

Salamis khua an tungin chu Judahai Sinagokhaia Pathian thu an hrila. Johan Marka khom anni changpuitu hrangin an hruai sa.

2 RÊNGHAI 6:5

Mi inkhat thing a tan lai takin, a hrei ar khek pea, tuia a tâk pea, “Ka pu itina hrang ma ni ta, mi ta kêng kin ihmang,” a tia.

2 RÊNGHAI 5:27

Naamana inphâr irvei hi nangma le nir chihai chunga nangni kâi pe ta ri se,” a tia. A pu makung ata a suakin chu, ivur anga vârin a vun chu inphârin a tuam invâr pe ta.

2 RÊNGHAI 5:20

Hlataka a fe mân zel khan, Pathian mi Elisa hnungzui Gehazia’n, “Ka pu hin Naamana chu ite la loiin an fetira, kha Suria mipa’n pêk a itum kha la sianlân a isa hrang, Rengpa irhming sâmin la va’rzûl hi rong, i zât mo khôk la va sut ngêt hrang,” a tia.

2 RÊNGHAI 3:11

Reng Jehosafata’n, “Rengpa kin irdon hrang deipu mo an om?” a tia. Jehorama sipai hruaitu inkhat hin, “Safata nâipa Elisa, hitaka hin a om, deipu Elija hnungzui ngai kha,” a tia.

1 RÊNGHAI 19:21

Elisa chu a hong kîr nôka a sialhai chu a thathaia, a sin thôna rua thinghai chu bu anh suangna’n a hmanga, a hme chu mihai semhaiin an fâka, kha hnung chu Elija zui hrangin a suaka, a sin a itho pe a ni ta.

2 RÊNGHAI 6:14

Khanchu, sakor le tâlihai irfûkin sipai tamtak a tîra, kha khua kha zâna an va irhuala.

2 RÊNGHAI 6:16

Khan, Elisa’n, “Chi no ro, anni tianga kop nêkin eini tianga kop an tam ual,” a tia.