2 RÊNGHAI 5:15 - PATHIAN LEKHABU IRTHIANG C.L. Bible (BSI)

¹⁵ A neinun hmang murdihai leh khan Pathian mi kuanga a hong kîr nôka, a hmâikunga a ngîra, “Israel rama ti no hin chu ram danga Pathian om mah ti kin hriat ta, en ro, ni siahlo hin thil nang ki ipêk hi lungkham takin ni la pe ro,” a tia.

2 RÊNGHAI 5:15 ပူးပေါင်းရင်းမြစ်များ

DANIELA 2:47

Rêngin Daniela kuang khan, “Hi thilirthup ni inpuang theinaa hin, nin Pathian chu pathiante-hai Pathian, rênghai RENG, thilirthup inpuangtu a lei ini pial kêng a ini,” a tia.

2 KORINTH 9:5

Khasikin, inrenna thilpêk nin lei intak kha nin lei irsiam diam theina hrangin, hi urênghai hi ki matona nangni lei zuang sir bak hrangin ngên an nang niin kin hriata. Khanchu, ki zuang tung tena chu lei irfûk diam ta nin ta, nin nei sika ni loiin, nin nuam sika nin ipêk a nih ti inlang a ti.

ROM KHUAA MIHAI KUANGA TÎRTÔN PAULA LEKHATHON 10:10

Lungrîla iam chu thiam inchangtir an nia, bâia thop chu saninhringin an om sa ngai.

DANIELA 3:29

“Khasikin mi tin, nam tin, chong tinhaiin Sadraka, Mesaka le Abednego-hai Pathian chunga thil saloi hril murdi chu sâtpai ni an ta, an inhai khom insiat ni an tih ti thupêk ki siam nôk ta. Ama ang dôra sansuak theitu pathian dang rêng rêng om ta mahai,” a tia.

ISAIA 45:6

nisua tiang ata nitâk tiang dênin, Keima ti no chu Pathian dang zel om mahai ti mihaiin inhre thei an ti, Keima ti no chu Pathian dang rêng om mahai.

ISAIA 44:8

Inlâi no unglân chi viat no roi, tianlai ata nangni ki lei insîr pe sai mo ni ma? Ki thu inhriattu nin ni, keima ta no hi Pathian dang moh an la om? Ki inhriat zoi loi Pathian roiinpui an la iom ma ni?

ISAIA 44:6

Itinrêng Rengpa, Israelhai rêng, anni irtanpu Rengpa’n hiang hin a ti: ‘Kei hi a bul le a mong ki ni,’ Keima ti no hi Pathian dang om mahai.

2 RÊNGHAI 5:8

Reng chardong hraiin a puan an potthêr tah ti Pathian mi Elisa’n a len hriatin chu rêng kuanga mi a tîra. “Itho mo ni puan teh nin potthêra? ki kuang zuang sianlân, Israel rama deipu a om ti inhria a ti,” a tia.

1 RÊNGHAI 18:36

Khohloi irbôlna zoroa chu deipu Elija’n maichâm chu a hong nâia, a chongchaia, “O Rengpa Abrahama, Isaka le Jakoba Pathian, Israelhai Pathian ni ni le ni thupêkin hi thil ki ini le ni loi atûn hin târinlang roh.

1 SAMUELA 25:27

Khan irngaihoi takin ka pu, ni ta hranga thilpêk ki hong ichôi hi ni pom pe’n lân, ka pu ruathartehai hi pêk ni ri sehai.

JOSUA 9:9

Khan, anni’n Josua kuang, “Ni siahlohai hi ram hlatak ata hong kin ni, ni Pathian Rengpa thurchi kin lei inhriata, Aigupta rama a sintho inthangtak takhai,

DANIELA 4:34

Khan zoro hek tiang chu kei Nebukadnezara hin irvân tiang ki tanga, ki hor hriat suaka, anchungtakpu sat ki vura, a hring mai chu kin pâka, kin zaa. A roirêlna khom kumtuanga roirêl a nia: a ram khom rammuala irlo tamtaka om a ni sikin.

IRPHUTNA 33:11

Pathianin a nin renna sika ki inei a ni sikin, lungkham takin ki thilpêk chu ni pom pe ro,” a tia. Khaangin an thêm an thêma, a pom pe tâka.

JOSUA 9:24

Josua chu an sâma, “Rengpa nin Pathianin a siahlo Mosia chu ram pumpui hi pe hrang a tia, nin fena mi om murdi chu that zit hrangin a ti ngeia. kha kha kin lei inhriata, kin chi tak taka, khaang khan kin iti mai a ni kha, kin chi sika a ni.

1 SAMUELA 9:7

Saula khan a zuitu kuang khan, “Fe ta ngân inlân, imo ei ichôi pe hrang? Ei phura ite bai lak nei ta mak mea, Pathian mi kha ite lômman chôi pe hrang lak nei mak mea, imo ei irhmu ta hrang o?” a tia.

1 RÊNGHAI 13:7

Reng khan deipu kuang, “Ki ina hongin lân, ki kôla fâk nêk zong ro; khanchu lômman nang pe ki ti,” a tia.

2 RÊNGHAI 19:15

Hezekia chu Rengpa makunga a chongchaia, “O Rengpa, Israelhai Pathian, cherub chunga toi, nang hi Pathian tak chu ni ni, ram murdi luatu le roirêltu ni nia, irnêng le irvân khom hi nangma isiam a ni.

2 RÊNGHAI 19:19

O Rengpa, hi a kut ata hi ni sansuakin lân; khanchu, rammual hmun tina mihaiin nang vai hi Pathian Rengpa ni nih ti nan hrethei an ti,” a tia.