2 RÊNGHAI 3:3 - PATHIAN LEKHABU IRTHIANG C.L. Bible (BSI)

³ Khannisian, a matona rêng Nabota nâipa Jeroboama thilsual tho chu masan thei maka Israelhai a hruai insuala, irlet nuam maka.

2 RÊNGHAI 3:3 ပူးပေါင်းရင်းမြစ်များ

1 RÊNGHAI 13:33

Israel rêng Jeroboama’n a nunchan sualna ata irlet nuam loiin, mi narânhai lai ata a maichâm siam ata sinthopui hrang deipu tharhai a siamhaia. Deipu chang nuam murdi’n hmun irsânga sintho hrangin a tihaia.

1 RÊNGHAI 14:16

Israelhai chu Jeroboama’n a hruai sualhai sikin, Rengpa’n chu masanhai a ti,” a tia.

1 RÊNGHAI 14:9

Nang chu ni matona mihai nêkin ni sual uala; ki itheimâk tak, pathian danghai, millimhai siamin ni ni mâksana.

1 RÊNGHAI 15:26

A pa ang ngêtin Rengpa mithmua thil sual a thoa, Israelhai chu a hruai sualhai tâka.

1 RÊNGHAI 15:34

Rengpa mithmua thil sual a thoa, Jeroboama angin Israelhai hruai insualtu a ni.

1 RÊNGHAI 16:31

Nebata nâipa Jeroboama angin sual mai a nuam sikin, Sidon rêng Ethbaala nâinu Jezebeli chu dôngma’n a neia, Baal pathianhai a biakpui tâka.

2 RÊNGHAI 13:11

Ama khomin Rengpa mithmua thilsual, Israel rêng Nebata nâi Jeroboama’n Israelhai a hruai sualna kha masan thei loiin a sunzom maia.

2 RÊNGHAI 13:2

Reng Jeroboama Nebata nâipa angin Rengpa ta hrangin thil sual a thoa, Israelhai a hruai insualhaia, a thil saloi thohai masan nuam maka.

2 RÊNGHAI 13:6

Nebata nâipa rêng Jeroboama in sûng mihaiin Israelhai an ihruai insualna dikloi ata irlet nuam loiin, an la sual maia, Asera illim chu Samari khuaa khan an la donsui mai ngaia.

2 RÊNGHAI 14:24

Rengpa mithmua thilsual a thoa, an pu Nebata nâipa Jeroboama thilsual tho, Israelhai a hruai insualna chu masan nuam maka.

2 RÊNGHAI 15:18

Rengpa mithmua thilsual a thoa, Nebata nâipa Jeroboama thilsual tho, Israelhai hruai insualna sual kha a dam sûngin masan thei maka.

2 RÊNGHAI 15:9

Ama matona rêng danghai angin, Rengpa mithmua thilsual a thoa, Israelhai a ihruai insualna sual kha, masan thei loiin.

2 RÊNGHAI 17:21

Rengpa’n Israelhai kha Judahai leh a’rsentirhai zoiin, Nebata nâipa Jeroboama chu rêngin an siama, Rengpa mâksan hrangin Israelhai chu a hrilhaia, sual saloi tak a inthotirhai a ni kha.

2 RÊNGHAI 17:22

Jeroboama hnung an zuia, thilsual a itho dôr, anni khomin an thoa.

2 RÊNGHAI 17:23

A siahlo deipuhai hmanga a ihril angin a hmuphâk loina rama a inhnotpai sabak a ni ta. Khanchu, Israel mihai chu Assuria rama atûn ten hin sala an intâng a ni ta.

2 RÊNGHAI 21:16

Manasea’n ite ti loihai a that intamhaia, Jerusalema thisen a iluang hluk a ni. Juda mipuihai chu millim biak an uartirhaia, Rengpa ta hrangin thilsual an itho a ni ta.

2 RÊNGHAI 23:15

Israelhai hruai insualtu Nebata nâipa Jeroboama’n bethel khuaa Pathian biakna hranga maichâm a isiamhai khom Josia’n an siatpaia, a lunghai an khoihaia. Aseri irlim khom a hâlpaia.