2 RÊNGHAI 3:27 - PATHIAN LEKHABU IRTHIANG C.L. Bible (BSI)

²⁷ Khanchu, a nâipa uliantak, ama thûl hrangtu chu, a chela, Moabhai pathian kôla kulbang bula khan a thata, ar hlan tâka. Israel mihaiin an hmu’n chu an chia, kha khua kha an mâksana, an rama an ikîr nôk tâk a ni.

2 RÊNGHAI 3:27 ပူးပေါင်းရင်းမြစ်များ

MIKA 6:7

Rengpa kha ki belra chal sâng tamtak mani, sahriak dung sîngkhathai manin milung a inchuk hrang ma ni? ki tho’nchâina sikin ki nâilutîr kha ki pêkin, ki’rtha sualna sikin ki taksa ra kha ki ipêk hrang ma ni?

DÂN INHNINA 12:31

An Pathian an ibiak hrang ni ma; Rengpa intir lam tak, thil chi tinrêng tho hi an uar ngai. An maichâmhai khan an nâinu le nâipa hai ngêt khom hâlirvôm thilinhlana an hâl ngai a ni.

ROIRÊLTUHAI 11:31

in rengata râl ram kin hong kîr nôka ni lei lôm hranga hong suak masatak chu tukhom ni ri se, Rengpa hranga ser irthiang a ini hrang, hâlirvôm thilinhlanin hmang ki ti,” a tia.

AMOSA 2:1

Rengpa’n hiang hin a ti; “Moab tho’nchâina inthum sikin, a ni, minli sikin, a hremna kha inboi no ning; Edom rêng ruhai kha chinai ang dênin a hâl sikin:

EZEKIELA 16:20

Khakhêla khom, ni nâinu ni nâipa, ni inei pehai chu an kuanga irbôl hranga hmang zit hrangin ni pêka; ni hurna hi thil irnêp a ini ma ni?

ROIRÊLTUHAI 11:39

Tha hni zoia khan a pa kuanga a hong kîr nôka, Rengpa kuanga a chonginkung chu a tung tâka; nupang dôngmate irthiangin a thi tâka. Kha kha Israelhai nam lei tho dân a ni.

IRPHUTNA 22:13

Khan Abrahama khan a hnung a’rheia, a en vêla, a hnung tiang belrachal a’rki thinga inôk hi a ngîr pea; khanchu Abrahama’n belra kha a chela, a nâipa irthûlin hâlirvôm thilinhlanna hrangin a hmang tâka.

IRPHUTNA 22:2

Khan ama’n, “Ni nâi, ni nâikhât neisun, ni inrentak Isaka kha hruaiin lân, Moria rama khan fe ro, kha hmuna nang ki ihril hrang tâng inkhata khan hâlirvôm thilinhlan ro,” a tia.

1 RÊNGHAI 20:28

Khan deipu inkhat hi Israel rêng Ahaba kuang a honga, “Rengpa’n hiang hin a ti; Suriahaiin Rengpa chu tâng ram Pathian a nia, phâizôl Pathian chu ni mah an ti sikin hi sipai tamtak hi ni kuta nang ki pêk, nang le ni mihai hin Rengpa ki nih ti nin inhriatna hrangin,” a tia.

1 RÊNGHAI 20:13

Kha laitaka khan, deipu inkhat hi rêng Ahaba kuang a honga, “Rengpa’n hiang hin a ti; hi sipai tamtakhai hi chihai viat no ro, a vuan ni kuta nang pe ki ti; khanchu, Rengpa ki nih ti inhria ni ti,” a hong tia.

1 RÊNGHAI 20:43

Khanchu Israel rêng chu a ning an mur pea, nuar pumin Samari khuaa a fe tâka.

2 RÊNGHAI 3:26

Moab rêngin a râlhai inhnê loi hrang ti an hriatin chu khandai chôi sipai irzasarihai leh a râlhai chu nakhrât songin a palthûthaia, Suria rêng rama intân a tuma; khannisian intân thei maka.