2 RÊNGHAI 3:25 - PATHIAN LEKHABU IRTHIANG C.L. Bible (BSI)

²⁵ An khua khom an insiat pehaia, an loi hmun hoihaia khan Israelhai fe hongna lamin lung an intheka, an loihai chu lungin a sip zoi tâka. An tuikuanghai khom thing leh an inbit pehai tâka, a hnungkhôn taka chu an khopui Kir-hareseth vai la siat maka, kha khom kha sâilungdêng hmang theihaiin an irhuala.

2 RÊNGHAI 3:25 ပူးပေါင်းရင်းမြစ်များ

IRPHUTNA 26:15

Khan a pa dam laia a sinthotuhaiin tuisunsuak hmunhai kha Filistian-haiin an hong nel inbit pehaia,

IRPHUTNA 26:18

Khan, Isaka’n a pa Abrahama dam laia tuisunsuak choi angin a choi nôka; Abrahama thi hnungin Filistianhaiin an nel inbit pehai sikin: khan, a pa’n irhming a iphuahai angin irhming an neitirhai nôka.

2 SAMUELA 8:2

Kha zoiin Moab mihai a doi inhne nôka, a hringa a ichelhai kha irnênga an zâltirhaia, inthum laia inhni a thathaia. Khanchu Moab mihai kha a thuhnuaia an om tâka, khâzana an hong ichôi ngai a ni ta.

2 RÊNGHAI 3:19

Kul neihai le khua hoi ualhai insiat unglân, thing sa chihai irkit unglân, tuikuang sûnga buk unglân, loi hoina hmunhai khom lung dêng hnôk inbit roi,” a tia.

2 RÊNGHAI 3:24

An râlhai omna hmun an zu tungin chu Israelhaiin an lei doihaia, an irzûl kîrhaia, Israelhaiin an irzûlhai maia, Moabhai chu an thathai oka.

2 RÊNGHAI 3:26

Moab rêngin a râlhai inhnê loi hrang ti an hriatin chu khandai chôi sipai irzasarihai leh a râlhai chu nakhrât songin a palthûthaia, Suria rêng rama intân a tuma; khannisian intân thei maka.

2 THURCHI SUINA 32:4

Hruaituhai khan mi tamtak an hruaihaia, tuikuang om murdi chu tui irhmu loiin an nelinbit zita.

ISAIA 15:1

Moab chungthu chu zân khat sûngin Ar khua soisakin a oma, Moab chu a dok taa, zân khat sûngin Kir khua khom soisak a nia, Moab chu a dok nôk ta.

ISAIA 16:11

Khasikin ki sûnga rîlhai khom Moabhai inrenna sikin perkhuang irhâi angin ar hâi a oma, ki phîng khom Kir-heres inrenna sikin perkhuang irhâi angin a om zoi ta.

ISAIA 16:7

Khasikin Moabhai chu Moab mihai chunga khêk an ta; Kir-hareseth grep inhrolhai chu milung hoi loi pumin la an ti.

JEREMIA 48:31

Khasika khan Moab khuaa omhai ta hrangin le Kir Heres khuaa omhai ta hrangin mitrithi sôm ki ti.

JEREMIA 48:36

“Mi an inei murdi an inchân zoi hrangin, theihle tuma a chûlpuina hla an isak ngai ang hin, ki lungrîl chu Moab le Kir Heres ta hrangin a ichap a ni.

DÂN INHNINA 2:9

Rengpa’n ki kuang, ‘Lota irchi, Moabhai chu, hong inbuai no roi, nin idoi hrang ni ma. Ar khopui chu an ilua hranga ki ipêk hrang ni ma,’ a tia.

ROIRÊLTUHAI 9:45

Abimeleka’n khua chu sûn sôtin a doia, a lâk tâka. A sûnga mihai chu a thathaia, khua chu an siata, michi a phul zuta.