2 RÊNGHAI 24:14 - PATHIAN LEKHABU IRTHIANG C.L. Bible (BSI)

¹⁴ Reng Nebukadnezara’n Jerusalem khua mi, rêng in sûng mi murdi mi lian ualhai sîngkhat suak chang hrangin a hruaihaia. mi kut theithiam, thîrsuhai khom a hruaihai zita. Judai rama chu mi’nmôltehai vai a mâksanhai ta.

2 RÊNGHAI 24:14 ပူးပေါင်းရင်းမြစ်များ

2 RÊNGHAI 24:16

Nebukadnezara’n sipai chang thei loihai chu Babulon tiang a hruaihai zita, mi sângsari le kut theithiam, thîrsuhai sângkhat a hruaihai a ni. Sipai chang zit an ni.

2 RÊNGHAI 25:12

Mi chukloitehai vai grep irhuan le loi infâi hrangin Judai rama a mâksanhaia.

1 THURCHI SUINA 9:1

Israel mi murdihai irhming chu irziak ving a ni. “Israel rênghai ti lekhabua” irziak lût a ni. Judai ram mi murdihai sualna sikin Babulon sala hruai lût ving an ni.

EZRA 2:1

Judai rama mi sala hruai, Babulon rêng Nebukadnezara’n a ihruai, Jerusalem le Judai rama kîrhai, mi tin mâni khua tianga kîr nôkhai chu hihai hi an ni.

NEHEMIA 1:2

ki urêng inkhat Hanania le Judai ram ata mi senkhat an honga; khan Judahai sala om a la damhai thurchi le Jerusalem thurchi ki’rdonhaia.

ESTHERI 2:6

Babulon rêng Nebukadnezara’n Jerusalem ata Judai rama rêng Jehoiakina leh mi a ichelhai sala a hruaihai lai khan Mordekaia khom hi a kop sa.

ISAIA 3:2

An pasal sahai le an mi hrâthai khom, roirêltuhai, deipuhai, kutzia entheihai le sipaihai,

JEREMIA 28:4

Judahai rêng Jehoiakina, Jehoiakima nâipa le Juda mipui sala intâng Babulon-a fe murdihai khom, hi hmuna hin hruai kîrhai nôk ving ki ti. A ni, Babulon rêng thuneina chu ki intômtir hrang a ni. Keima Rengpa hin ki iti a ni,” tiin.

JEREMIA 29:2

Kha kha Juda rêng Jehoakina le a nu, rêngin a mi lianhai, Judai ram le Jerusalema hruaituhai, kutsin theihai le thîrsuk theihai intângna ata hruaisuaka an om zoia a ni.

JEREMIA 39:10

Judai rama khan mi inrianghai senkhat, ite nei loihai a mâka, anni kha grep irhuan le loihai a pêkhai sa tâka.

JEREMIA 40:7

Sipai hruaituhai le mi dang ar pêk loihai khan Babulon rama rêng Ahikama nâipa Gedalia chu ram optu, kha ram sûnga inriang tak, Babulon rama hruaia om loihai enkoltu hrangin bê a nih ti an len hriata.

JEREMIA 52:16

Khan Judai rama inriang hai, ite zel nei loihai kha a mâksana, grep irhuan le loia sin an inthotirhai a ni.

JEREMIA 52:28

Hi hi Nebukadnezara’n mipui sala a ihruai intamhai chu an ni. A rêng chang kum sarina khan mi sângthum sômhni inthum a hruaia.

EZEKIELA 17:14

an lalna ram kha a hong irhnuaia, a bingin an dingsuak thei loina hrangin, le a thuthung kha an vong nôk mai theina hrangin.

EZEKIELA 17:3

Rengpa pathian khan hiang hin a ti: Irmupui roiinpui tak, mitha roiinpuitak le irmei sei takhai nei, mula sip, ze dang dang nei chu Lebanon-ah khan a honga, sidar thing rêla khan a chuanga;

MATHAIA 1:11

Babulon-a sala intâng lai vêl khan Josia’n Jehoiakina le a urênghai a neia.

MATHAIA 1:12

Babulon-a sala intâng hruai hnungin Jehoiakina’n Sealtiela a neia, Sealtiela’n Zerubabela a neia.

MATHAIA 1:17

Khanchu, Abrahama le Davida kâra irlo sôm irlo minli an oma, Davida le Babulon-a sala intâng hruai kâra khom irlo sôm irlo minli an om a ni. Kha rengata irthokin Messia suak dênin irlo sômhleiminli a ni.

DÂN INHNINA 28:36

Rengpa khan, nin rênghai le nam dang ram, nin pi le puhai la om ngai loina rama khan suaka nangni hruai a ta; kha rama khan thing le lunga siam pathianhai biak nin ti.

1 SAMUELA 13:19

Israelhai ram pumpuia khan thîrsu tûte om mahaia; Filistia mihai khan, “Hebrai mihai hin khandaiin mani, ufeiin mani, an irsiam duaiin chu,” an iti a ni.