2 RÊNGHAI 23:14 - PATHIAN LEKHABU IRTHIANG C.L. Bible (BSI)

¹⁴ Josia’n lungphunhai chu ar chûm khoihaia, pathiannu Aseri irlim kôla tûngsam thing an iphun khom a tan irkita; kha hmunhaia khan mihriam ru a sia pehaia.

2 RÊNGHAI 23:14 ပူးပေါင်းရင်းမြစ်များ

DÂN INHNINA 7:5

Khasikin, an maichâmhai kha insiatpai pehai zit unglân, an lungphunhai insiat unglân, an Aseri irlim thing phunhai kha irkit unglân, an thing millimhai kha hâl zit roi.

FESUAKNA 23:24

an pathianhai chubai nin mûk hrang ni ma; an sakhua khom nin ilâk hrang ni mah. An pathian chu nin insiat chit hrang a nia, an lung chopui khom nin ivîk siat pehai hrang a ni.

2 RÊNGHAI 23:16

Josia’n a hei thîr vêla, mual inkhata khan thân a hmua, a choia, mihriam ruhai kha ar fuanga maichâma khan a hâla, Khaanga thil hong om hrang chu matona kût hmang laia rêng Jeroboama’n maichâma thil ar hlan laia deipu’n thil a lei insîr kha Josia’n a hei insâp vêlin chu kha laia thu lei insîrtu

MIKA 1:7

A millim siam chop murdihai kha inkhoi irnôi chit ni a ta, a notizuar hlohai kha meia hâlpai zit ni a ta, notizuar mana a ilâk khôm a nia, a notizuar mana pe nôk an ti.

NAMBAR 33:52

Kanaan ram nin lût tika chu kha rama om murdihai chu inhnotsuakhai ving an ti, lung leh thîra millim an isiamhai le an irbôlnahai insiatpai pehai hrang a ni.

NAMBAR 19:18

Khanchu mi irthiangin husop kha la a ta, tuia khan inchie a ta, puan inhai, bêl le bûrhai, khataka mi a om murdihai ru mani, mithi ruak mani, thân mani a tônpuhai chu inthek a ta;

NAMBAR 19:16

Khan mi tukhomin pên tianga irdoinaa thi mani, aninole thi balama thi, a ruak mani, a ru mani, aninole a thân mani khom a tôna ni’n chu, ama chu sûn sari sûng chu irthiang loiin om a ti.

FESUAKNA 34:13

An maichâmhai setpai unglân, an lungphunhai insiat unglân, pathiannu Aseri irsinsianahai insiat zit roi.

ISAIA 44:19

Senkhat chu thingtuain ki hmanga, bu ki phoinaa, sa ki roa, ki fâka, senkhat chu millim ki siamnaa, thingtum bong kôla kûnin chubai ki imûk a ni hi, ti inhriat zel om mahaia, a hmu thei khom om mahai.

EZEKIELA 6:5

Israel nâihai ruak chu an millim bulhai khan siakhôm ki ta, an ruhai chu nin maichâm irhîla khan inthekindarh ki ti.

2 RÊNGHAI 18:4

Nam dang pathian biakna hmun irsânghai an siata, an lungphunhai khom an khiakpaia, pathiannu Asera illim, thing an iphunhai khom an siatpaia, Mosia dâr mirûl illim siam Nehustan an iti khom kha an siatpaia, kha zoro dênin Israelhaiin dâr mirûl illim ta hranga hâlirvôm thilinhlan ngai a ni.

ISAIA 27:9

Nam dang maichâm lunghai chu, chinai lung angin an suk khoia, Aseri irlim le lung danghai an pai ving zoi hnunga, Israelhai sualna chu ngaidam ni a ti.