2 RÊNGHAI 23:11 - PATHIAN LEKHABU IRTHIANG C.L. Bible (BSI)

¹¹ Juda rênghaiin misa ta hranga thil inhlan hrang sakor an ipêkhai kha chu tempil inkhâr tuala khan, sorkâr mi liantak Nathan-meleka omna in ata hla ok loiin an siahaia. Khahai kha hrêpaiin, a kaia an ikai ngai tâli chu a hâlpaia.

2 RÊNGHAI 23:11 ပူးပေါင်းရင်းမြစ်များ

EZEKIELA 8:16

Rengpa khan in sûngrîl uala khan a ni hruaia, irngai ta, Rengpa in irthiang mikota khan tualbuk le maichâm kongkâra khan mi sômhni ringa vêl hi an lei oma. Rengpa in irthiang chu an hnung tiang irnghatin, an hmâihai chu nisua tiang an irheia, nisua tianga misa hong suak chu chubai an lei mûka!

2 THURCHI SUINA 34:4

Ama thuin a rualhaiin Baal biakna maichâmhai chu an insiata, a kôla mirimhoi hâlna maichâmhai khom an insiata; Aseri irlimhai le a millim danghai chu an insiata, ama biaktuhai thâna an phûma.

2 THURCHI SUINA 14:5

Judai ram sûng kho tina nam dang pathian biakna hmun irsânghai le an mirimhoi hâlna maichâmhai chu a pai pehaia, an lal sûng chu lungthi takin an iom a ni.

2 RÊNGHAI 23:5

Juda khopui le Jerusalem vêla nam dang pathian biakna hmun irsânga thil inhlantu hranga Juda rênghaiin ochai an lei isia, Baal kôla, misa le tha kôlhaia ârsi le irvâna thil omhai kôla thilinhlan murdi kha a mâka.

DÂN INHNINA 4:19

Irvân tiang hong thîr nin ta, misa, tha, ârsihai le irvâna thil dang om tinrênghai khi chubai mûkin a sintho irzuk chin ni; a sân irdîn roi. Rengpa nin Pathian khan khihai khi nam dang biak hrang vaia a isia a ni.

1 THURCHI SUINA 26:18

Nitâk tianga tentan hai, lampui kôla mi minli, tentan sûnga mi inhni an siahaia.

JOBA 31:26

Misa khi a vâr hrai sika le tha khom a roiinpuina sika chubai lei mûk ngai ma ung.

EZEKIELA 40:17

Khanchu mihriam khan dâi mikota a ni lûtpuia, khanchu pên tianga banga khan tentan sômthum a oma, kholaidung chu lungphêka dâp ving a nia, a tualzôl dên raka dâp a ni.