2 RÊNGHAI 22:17 - PATHIAN LEKHABU IRTHIANG C.L. Bible (BSI)

¹⁷ An ni rotsana, pathian dang kuanga thil an inhlana, an sintho dânhai hi ki ning a inmur a ni. Jerusalem chunga hin ki milung ir-al a ta, doi thei ta no ni. Rengpa’n a ti.

2 RÊNGHAI 22:17 ပူးပေါင်းရင်းမြစ်များ

2 RÊNGHAI 21:22

An irchibulhai Pathian Rengpa chu a hnôla, Rengpa thupêkhai zôm nuam loiin a oma.

2 THURCHI SUINA 28:25

Judai ram khopuia le kho sûnga hai nam dang pathian biakna hmun irsâng, mirimhoi hâlna hrang a sin pher phura. Hiang hin ar chibulhai Pathian Rengpa chu a ning a inmurtir a ni.

2 THURCHI SUINA 36:16

Khannisian Pathian mi tîrhai chu an lei manêphaia, an thu lak ite la pehai mahaia. Deipuhai chu innuisanhaiin, inhnung tiang chu Rengpa kha a sate’n a ning an mur pea.

FESUAKNA 32:34

Atûn hin fe’n lân, nang ki ihrilna hmuna khan ni mihai hi hruaihai roh. Ki vântirtônin nang a ihruai hrang a nih ti hi inhre mai ro, hi mihai an sual sika dûk ki ithohaina hrang nikhua khom anâi teng ta,” a tia.

ISAIA 33:14

Zion-a om mi sualhaiin an chia, sakhua ngaipoimo loihai chu inthing an ti. “Ei laia tuhai hin mo a ningmurna mei tuang thei hrang? Kumtuanga chok mai hrang hih tu mo tuang zoi hrang?” ti an ti.

ISAIA 5:25

Khasika khan a nih Rengpa ningmurna chu mihai chunga a zuang itung a ni. A kut irlekin a vîkhaia. Khanchu tânghai hi inhnîng a ta, mithi ruak chu sahrok angin, kholaidunga irthek rumin, kha dôr khom khan a ningmurna hek ual maka, a kut a la thâk maia.

JEREMIA 17:27

Hianga ki thu zômin Sabat nî chu sûn irthiangin an iser ngêt hrang a ni. Kha ni khan Jerusalema dâi mikothai khêlin ite an ichôi hrang ni maka. An chôi duaia ni’n chu, Jerusalem dâi mikothai chu mei leh hâl ki ta, kha mei khan Jerusalema rêng inhai le a rêngin kâng ving a ta, tukhomin that thei no nihai,” a tia.

JEREMIA 22:9

Khanchu nangni’n thuthung keima le nin inei nin mâk raka, pathian danghai chubai nin mûka, a sin nin tho tâk sika a ni,” ti hril an ti.

JEREMIA 36:7

Rengpa’n a ningmur ichiom tak leh an sîhai sikin, an omdân saloihai ata irletin Rengpa kuang ngaidamna an zong duai khom a ni thei,” tiin.

JEREMIA 7:20

Hi sika hin keima Rengpa Pathian hin ki ningmurna tak hi tempil chunga hin bun ki ti. Mihriamhai le sahai chunga ir-angnatin bun ki ta, thing le chîmuhai chunga khom; ki ningmur chu tûte’n an ithat thei loi, mei ang ni a ti.

MIKA 5:13

Nangma ata ni millim siam chophai le ni lungphunhai kha inboipai ki ta; ni kut suak thil kha biak ta no chi ni.

ZEFANIA 1:18

Rengpa ninginmurna nia chu an rângachak mani, An tangkarua’n mani khomin anni kha sansuak thei no ni; Ram pumpui hi a khôkmâkna meia khan kâng irhmang zit a ti. Rama omhai murdi inboi a ta, A ni, inboina irkhêl tak a siam hrang sikin.

ZAKARIA 1:2

Rengpa kha nin pahai chunga khan a sân a milunghoi maka.

DÂN INHNINA 32:21

pathian ni loi an biak tika ki ningmur an kêlsuaa, an millimhai khan ki ning an inmurtira, Irchia tep kâi loihai hmangin ki ninginmurtir an ta, nam invêttak takhai khom hnarsa an ti.

DÂN INHNINA 32:22

Ki ninginmur chu mei angin chok a ta, irnêng thil murdi kâng irhmang a ti. rammual hnuaia zu tung a ta, mualhai irzunghai khom zu fapai ving a ti.

DÂN INHNINA 32:23

Siatna chi tinrêng an chunga intungtir ki ta, an chunga thal intha ki ti.

1 THESALONIKA 2:16

Saninhringna an ni theina hranga thuhril khom an ni khapa, sual chungirchuan thoa, a hnungkhôn taka chu Pathian ningmurna an chunga a itung tâk a ni.