2 RÊNGHAI 21:6 - PATHIAN LEKHABU IRTHIANG C.L. Bible (BSI)

⁶ A nâipa inkhat chu hâlirvôm thilinhlanna hrangin a thata. Kutzia en le tasân a hmang uara, ramkhohri le mithi kaithoi theihai an phûthai ngaia. Rengpa mithmua thilsual tamtak a thoa, a milung an natir pe a ni.

2 RÊNGHAI 21:6 ပူးပေါင်းရင်းမြစ်များ

IRPHUTNA 13:13

Khan, Sodom khua mihai chu Rengpa mithmua a satêrenga sual sin tho an nia.

2 RÊNGHAI 16:3

Israel rênghai tho dân saloi a zui a ni. Ama nâipa inkhat chu hâlirvôm thilinhlan hrangin a thata. Millimhai makunga ar hlana; Israelhai kôla Rengpa inhnotsuakhai nam danghai thil tho intirom tak an itho ngai a thopuihai a ni.

2 RÊNGHAI 17:17

An nâinu le nâipahai khom nam dang pathian makunga hâlirvôm thil inhlanin ram khohri le mitphil theihai leh irthopin. Rengpa mithmua thil saloi tinrêng tho hrangin an irpêk lût a ni; khasikin, a ning an inmurtir a ni.

2 RÊNGHAI 23:24

Ochai inlaltak Hilkia’n tempila dân lekhabu a imana chuang, dânhai chu an zôm theina hrangin Josia’n Jerusalem khua le Judai ram ata kutzia en theihai mi chinginrîla thi len tumhai ngai, in sûngkua pathian lei biakhai, millim le nam dang pathian biakhai khom an paitirhaia.

1 THURCHI SUINA 10:13

Rengpa ata an sin insiatna sikin Saula chu a thi tâka, Rengpa thu a zôm no sikin.

2 THURCHI SUINA 28:3

Hinom irhôra mirimhoi a hâla, Israel mihai makunga Rengpa inhnotsuakhai nam dang tho dân intirom tak takhai chu a thoa, a nâipasalhai ngêt khom millimhai makunga hâlirvôm thilinhlan hrangin a thata.

2 THURCHI SUINA 33:6

Hinom irhôra hâlirvôm thilinhlanna’n a nâipahai an hlana;

ISAIA 19:3

Aigupta mihai chu irzûlhai ki ta, an irfûktirhai chu insiat pehai ki ti, millimhai, dôitheihai, mithi châ theihai, tasân theihai inpathai an ti.

ISAIA 66:4

Keima’n anni hranga thilirkhêl tak tho pehai ki ta, an ichitak thil intungtir pehai ki ti; ki khêk lai khan ni lei sâm mahaia, ki hrilhai lai khan irngai mahaia, ki mithmua ki inuam loi thil an thoa. Ki ilôm loi hrang thil tho an inthanga.

ISAIA 8:19

Mithi chongpui theihai, dôi theihai, itin anga irkhek hranga a theihai irdon hrangin nang ti a ti. Ama’n chu, “Irthahai hi irdon hrang a nia, a thihai khom hi a la damhaiin irdon hrang an ni,” lei ti an ti.

JEREMIA 19:4

Mihaiin an mâksana, hi hmuna ram dang pathian chongpuina’n an hmang tâka, anni le an irchibulhai Judai rama rênghai khomin, an inhriat ngai loi pathianhai kuang mirimhoi an hâla, mi siat sin loihai thisenin ki hmun hi an insip zoi ta.

JEREMIA 19:5

An nâihai mei leh irbôlna hranga an inhlan theina hrangin, Baal ta hrangin maichâmhai an isiam a ni. Khahai tho hrangin thu ite pehai ma unga; ki lungrîla lua ki insâp phâk loi a ni.

EZEKIELA 23:39

Ki nâihai millimhai kuang an inhlan nîhai khan, ki biakbuk sûng lûtin an porinchetira.

LEVI DÂN 18:21

Moleka biakna hrang hâlirvôm hrangin ni nâi ni ipêk viat viat hrang ni ma, ni Pathian irhming ni porinchetir ni ti, Rengpa ki ni.

LEVI DÂN 19:26

Sa rêng rêng a thisen le ileh fa no roi, mitvai dôihai, tasânhai, uar no roi.

LEVI DÂN 19:31

Ramilhli ikop mani, mithi kaithoi thei mani irdon hrangin fe no ro; khaang kha ni tho’n chu porinche ni ti. Rengpa nin Pathian ki ni hi.

MIKA 6:7

Rengpa kha ki belra chal sâng tamtak mani, sahriak dung sîngkhathai manin milung a inchuk hrang ma ni? ki tho’nchâina sikin ki nâilutîr kha ki pêkin, ki’rtha sualna sikin ki taksa ra kha ki ipêk hrang ma ni?

TÎRTÔNHAI SINTHO 16:16

Khan, nikho khat chu chongchaina hmuna kin fe laiin suak dôngmate inkhat ramilhli ichel tasân thei hin a ni chongpuia, khanu khan tasân a theina sika khan a puhai sum tamtak a lei pêk ngaia.

DÂN INHNINA 32:16

Millim an ibiak kha a khôkmâk tak taka, thil porinche an ithohai khan a ning an murtira.

DÂN INHNINA 32:21

pathian ni loi an biak tika ki ningmur an kêlsuaa, an millimhai khan ki ning an inmurtira, Irchia tep kâi loihai hmangin ki ninginmurtir an ta, nam invêttak takhai khom hnarsa an ti.