2 RÊNGHAI 21:16 - PATHIAN LEKHABU IRTHIANG C.L. Bible (BSI)

¹⁶ Manasea’n ite ti loihai a that intamhaia, Jerusalema thisen a iluang hluk a ni. Juda mipuihai chu millim biak an uartirhaia, Rengpa ta hrangin thilsual an itho a ni ta.

2 RÊNGHAI 21:16 ပူးပေါင်းရင်းမြစ်များ

2 THURCHI SUINA 33:9

Manasea’n Judai ram le Jerusalem mihai chu thil dik loi an thotirhaia, Israelhai makunga a inhnotsuak namhai ti nêka sual lian ual an tho tâk a ni.

2 RÊNGHAI 21:11

‘Manasea’n thil intiromtak takhai, hi rama an om mân ata om Kanaan mihai itho ngai nêka intirom a thoa, millim siamin Judahai a ihruai insual a ni.

NAMBAR 35:33

Khanchu, nin omna ram kha, porinchetir hrang ni ma, thisen khan ram kha nin porinchetir tâka, thisen suakna ram porinche sôpna hrang khan thisen insuaktu thisen ringot no chu hmang thei ni mah.

HEBRAI toc2 HEBRAI 11:37

Lunga dêngin an oma, bong hnia âtin an oma, khandaia thatin an oma, Belra vun le kêl vun silin an invâia; inriangin, intak takin le dengtheiin an oma.

LUKA 13:34

“O Jerusalem, Jerusalem, deipuhai thattu, ni kuanga tîrhai lunga lei dêng thattu! Ârpuinu’n a tehai a mitha hnuaia a iop khôm angin ni nâihai voi iza op khôm ki tuma, nin inuam loi kha?

MATHAIA 27:6

Ochai inlalhai khan sum kha an lâka, “Hi hi Tempil suma sia chu irthiang mah, thisen man kêng a ni,” an tia.

JEREMIA 19:4

Mihaiin an mâksana, hi hmuna ram dang pathian chongpuina’n an hmang tâka, anni le an irchibulhai Judai rama rênghai khomin, an inhriat ngai loi pathianhai kuang mirimhoi an hâla, mi siat sin loihai thisenin ki hmun hi an insip zoi ta.

JEREMIA 15:4

Jerusalema Juda rêng Hezekia nâipa Manasea Juda rêng a ni laia a sin tho sika khan rammuala mihaiin an china hrangin dûk ki itho hrang a ni,” a tia.

JEREMIA 7:6

Ram dang mihai, farahai le meithâihai hnuaisia ma unglân, hi rama thilsual tho loihai that ma ta roi. Nangni an siat hrang sikin pathian danghai chubai mûk kha ma ta roi.

JEREMIA 2:34

Ni puanhai chu mi inmokhai thisen ni loiin, mi’nriang le sual sin loihai thisen a kop uala. Khannisian hi thilhai tho pumin,

2 RÊNGHAI 21:7

Davida le a nâipa Solomona kuanga Rengpa’n, “Hi Jerusalem khuaa tempil hmun hi Israel nam sôm le nam hnihai laia ram murdihai ni biakna hmun hranga ki inthang a ni a ti, tempil sûnga khan Aseri irlim a iphun a ni.

FESUAKNA 32:21

Arona kuang khan, “Itin takin mo hi mipuihai hin sin an itho, hiang dôra sual sin irkhêl an itho tâk hi?” a ti pea.

2 RÊNGHAI 21:15

An irchihai Aigupta ram ata an hong suaka irthokin, atûn ten hin, an la itho insual a ni! ki iti anga om loiin ki ningmak an la itho mai ang hin ki mihai a sate’n la soisakhai,’ ki ti.

JEREMIA 32:31

Hi khopuia mihai hin, an ding nî a ta ki ning an inmurtir a ni. Hi khopui hi insiat chit hrangin ki rêl tâka,

EZEKIELA 9:9

Khanchu ama’n ki kuang, “Israel le Juda in sûngkuahai sualna chu a sân a lûminna tak taka, ram chu thisenin a sipa, khopui sûng chu roirêlna uksak loina’n a sipa, Rengpa’n ram chu a mâksan ta, Rengpa’n ite hmu ta ma, an tia.

EZEKIELA 22:4

Ni thisen insuaknahai sika hin thiam no chang ni lei ni tâka, ni millim siamhai sika khan ni porinche tâk sikin, ni zorohai hekin, a nikhua a hong itung a ni ta. Khasikin nam tinhai nuiso hrang le, ram tinhai tufiam thôna hrangin nang ki isiam tâk a ni hi.

2 RÊNGHAI 3:3

Khannisian, a matona rêng Nabota nâipa Jeroboama thilsual tho chu masan thei maka Israelhai a hruai insuala, irlet nuam maka.

2 RÊNGHAI 21:2

A mipuihai laia, Rengpa inhnotsuakhai nam tho dân intiromtak takhai khom Manasea’n a thoa, Rengpa mithmua thil saloi a thoa.

THUVÂRHAI 6:16

Rengpa’n thil sari hnôl ta taka a ihnôl le a irngai thei viat loi a om: Lârirpâkhai, milak milei hai, mi ningthik sin loi thisen insuana kut hai, thil saloi ngaitua ngai lungrîl hai, sual sin hranga kal inhrâttir ngai ke hai, inhriatpuitu dol milak chungirchuan ngai hai, rual laia buaina siam ngai mi hai.

EZEKIELA 22:2

“Mihriam nâipa, thisen insuaktuhaia isip khopui chungthu hi rêl hrangin ni irsiam ma ni? Thil porinche a itho murdi hi fel takin inhretir roh.

EZEKIELA 23:45

Mi felhaiin chu an uirena le an thisen insuaknahai sika hin theiloi inchangtirhai an ti, uirea omin an kuthai chu thisen a kop sikin,” a tia.