2 RÊNGHAI 2:6 - PATHIAN LEKHABU IRTHIANG C.L. Bible (BSI)

⁶ Elija’n Elisa kuang, “Hi hin lei om ro, Rengpa’n Jordan dunga fe hrangin a ni ti,” a tia. Elisa’n hiang hin a sâma, “Pathian hring le ni hringna hin, nang om pe no ning,” a tia.

2 RÊNGHAI 2:6 ပူးပေါင်းရင်းမြစ်များ

IRPHUTNA 22:6

Khan Abrahama’n hâlirvôm thilinhlanna thing kha a lâka; a nâipa Isaka a’rputtira; ama’n mei le chemte chôiin a nâipa leh an fea.

IRPHUTNA 22:8

Khan Abrahama’n, “Ki nâipa, Pathianin ama ta hranga thilinhlan hrang chu a zoro taka ni pe a ti,” a tia. Khaang khan an irzui maia.

2 RÊNGHAI 2:2

“Hi hin lei om ro, Rengpa’n Bethel nei hrangin a ni tîr,” Elija’n a tia. Elisa’n, “Pathian hring le ni hringna sâlin nang ki ti, lei om no ning,” a tia. Bethel hmuna an fe suam ta.

2 RÊNGHAI 4:30

Nâipangte nu khan, “Rengpa mithi le mihring irhming sâmin ki hril, ni hong no’n chu kei khom fe viat no ning,” a tia. Khanchu, a thoia nupangnu chu a zuia.

JOSUA 3:15

Kha lai khan bu ât zoro a nia, Jordan vadung lian lai a nia, a kuang kha tui a sip mata. Thuthung bôm irzôntuhaiin Jordan tuidung an va sirin chu,

JOSUA 3:8

Khan thuthung bôm irzôntu ochai chu Jordan vadung pang nin tungin chu ngîr mai ri sehai, tiin thu pe ro,” a tia.

RUTHI 1:16

Khannisianlân Ruthi’n chu, “Nang mâksan hrang le nang zui loi hrangin chu nin thêm no ro; ni fena ti tiang fe ki ta, ni riakna ti tiang riak ki ta, nir chihai chu ki’rchihai ni an ta, ni Pathian chu ki Pathian ni a ti.

1 SAMUELA 1:26

Hani khan a kuang “O ka pu, ni’rhming inzakpumin hi hi ki hril, keima hi chu ka pu, hi hmuna hin ni kôla ngîra Rengpa kuanga chongchaitu kha ki ni;

1 SAMUELA 20:3

Khannisian Davida khan, “Ni pa khan lung ni ni inkham dân hi an hriat infel vinga, khasikin Jonathana khan hi thu hi chu inhre ual no ri se. khano’nchu, a lungrîl a na pe hrai itinin, a iti khom a ni thei. Khasikin Rengpa irhming chôiin ni kuang chong kin kung a ni, thina le kin kâr chu kalkhat vai a ni,” a tia.