2 RÊNGHAI 2:23 - PATHIAN LEKHABU IRTHIANG C.L. Bible (BSI)

²³ Kha hmun ata kha Bethel khuaa a fe tâka; lampuia a fe laiin kho sûng rengata nâipang an honga, innuisanna hrang takin, “Lukol, lukol, kîr nôk ta ro,” an tia.

2 RÊNGHAI 2:23 ပူးပေါင်းရင်းမြစ်များ

IRPHUTNA 21:9

Khan Aigupta mi, Hagari nâipa, Abrahama hranga a ineipui khan an nuisan lai tak Sari’n a hmua.

2 RÊNGHAI 2:11

Fe puma an chong lai takin, mei sakor le mei tâli ikai an honga, an laia a senhai raka. Elija chu kêllaiherin irvân tiang an lâkin a vuangpui tâka.

2 RÊNGHAI 2:2

“Hi hin lei om ro, Rengpa’n Bethel nei hrangin a ni tîr,” Elija’n a tia. Elisa’n, “Pathian hring le ni hringna sâlin nang ki ti, lei om no ning,” a tia. Bethel hmuna an fe suam ta.

2 RÊNGHAI 2:22

Atûn ten hin Elisa iti angin tuihai hi a irthiang tâk a ni.

2 THURCHI SUINA 36:16

Khannisian Pathian mi tîrhai chu an lei manêphaia, an thu lak ite la pehai mahaia. Deipuhai chu innuisanhaiin, inhnung tiang chu Rengpa kha a sate’n a ning an mur pea.

JOBA 19:18

Nâipangtehai khomin an ni êsêla, ki hor thoi leh, ki chunga an ni hrilsiata.

JOBA 30:1

Atûn chu keima nêka nâipangtehaiin an nin nuisana, An pahai khom ki insûng sa enkol ngai an nia, Ui laia om hrang lua ki inuam loihai khan.

INPÂKNA HLAHAI 31:17

O Rengpa, mualinphoiin nin omtir no’n lân; nang ki koia. Mi siahai kha mualinphoiin omhai sianlân, Seol-ah dâihrekin om ri sehai.

INPÂKNA HLAHAI 31:18

Hmûr milaktheihai kha chongthei loiin om ri sehai; Khahai khan lârirpâk takin mi fel an hrilsiat ngai.

INPÂKNA HLAHAI 35:15

Khannisianlân keima ki’rtetin chu an lôma, an inkhômpui rak a ni: Mi sual mai maihai chu ni bei hrangin an irbuka kha kha lei inhre ma unga; Bâng nuam loiin an ni soisak bita:

THUVÂRHAI 20:11

Nâipangte lua a sinthoa khan a nina an langtir ngai; nâipang sa a ni le ni loi a sintho ata inhre thei a ni.

THUVÂRHAI 22:15

Nupanghai lungrîla khan intona a kop ngita, khannisian irchutirna hnukirhâi sa khan siam insa a ti.

THUVÂRHAI 22:6

Nâipang chu a fena hrang lam irhoia khan irchûtirin lân, a hring sûngin inthâ no ni.

THUHRILTU 11:10

Khan, ni milunga chardongna chu khâipaiin lân, ni taksa irthoka thil saloi khom khâipai sa ro, vânglaiin sôttak ni om no hrang sikin.

ISAIA 1:4

O! nam tukullian, sualna sip, irchi saloihai, mi helâk loihaio! Rengpa nin mâksana. Israel mi irthianghai nin hnôlhaia, nin mâksanhai tâka.

ISAIA 3:5

Mipui ir-ep sup sup an ta, pasal le pasal irsual an ta, rual le rual irdoi an ti. Ruatharhaiin an ulianhai chitna nei no nihaia, mi chîntehaiin mi inzakomhai ite bêin bê no nihai.

JEREMIA 20:7

Rengpa, nangin ni ni huanga, ihuang ki ini tâk a ni. Nang chu keima nêkin ni hrâta, ni ni inhnê a ni tâk. Mi tinin an ni phengsana, sûn sôtin an ni inuiso a ni.

JEREMIA 20:8

Thu ki hril richamin nakhrât thôna le irsiatna irkhêl tak ki khêkpui a nang ngai. Rengpa ni chongbe kin puang sikin zoro tina nuiso le hmûsit ki ni.

JEREMIA 7:18

Nâipanghaiin thing an bûma, pasalhaiin mei an sêma, nupanghaiin irvân rêngnu ta hranga bai siam hrangin baidi an inhmet a ni. Nin natir hrangin uain thilpêkhai pathian danghai ta hrangin an ibunthuan ngai a ni.

HOSEA 10:15

Nangni Bethel mihaio, nin sual irkhêl tak sikin kha thil kha nin chunga zuang tung hrang a ni. Israel rêng khom kôlirsal mân thi a ti.

HOSEA 10:5

Samari rama lênghai kha Bethaven sehrâtte sika khan chardongin om an ta. Ama ata a irhmang tâk angin khataka mihai kha an chardong a ta, khataka ochaihai a roiinpuina chunga la lôm ngaihai khom.

HOSEA 4:15

Israel, nang chu notizuar uar khomin lân, Juda kha chu tûk sa no ri se. Gilgal-a khan hong no unglân, Bethaven-a khom hong fe no ro; “Rengpa a hring mai angin,” tiin chong irkhâm no roh.

LEVI DÂN 13:40

A tukburung tiang le a michal tianga sam chil sianlân, lukol papai a nia, a irthiang a ni.

AMOSA 3:14

Israel tho’nsualna kha ama chunga ki hremin chu, kha nikhua khan Bethel khuaa maichâmhai khom hrem seng ki ti; khan, maichâm irkihai kha koi a ta, irnênga tâk a ti.

AMOSA 4:4

Bethel-a khan hong unglân, tho’nchâi roi; Gilgal-a khan hong unglân, tho’nchâina kha inpungtir roi, khan nin irbôlna kha nîtin hong la unglân, nin sôma inkhathai kha sûn thum danh zêla hong chôi roi.

AMOSA 5:5

Khannisianlân Bethel khua zong no unglân, Gilgala lût viat no unglân, Beerseba khuaa kâi no roi: Gilgal khua kha irningloiin sala an iman hrang a nia, Bethel khua kha chanlamboi hong ni a ti.

AMOSA 7:13

Khannisianlân Bethel khuaa thu hril nôk ta no ro; rêng hmun irthiang le rêng in a ni sikin,” a ti saa.

GALATIA 4:29

Mihriam dân pangai anga nei khan Irtha sinthotheinaa nei chu deng a inthei ang dênin, atûn khom a ni mai.

HEBRAI toc2 HEBRAI 11:36

Senkhat chu nuiza siamna’n an hmanga, an zêma, senkhat nôk chu kolbun le intângna ina an khum.