2 RÊNGHAI 2:15 - PATHIAN LEKHABU IRTHIANG C.L. Bible (BSI)

¹⁵ Jeriko-a om deipu sômringahaiin an hmua, “Elija irtha dong ang kha Elisa chunga a iom a ni ta hi te,” an tia.

2 RÊNGHAI 2:15 ပူးပေါင်းရင်းမြစ်များ

1 RÊNGHAI 19:16

Nimsia nâipa Jehua khom kha Israel rêng hrangin sahriak pol roh. Khanchu Abel Mehola khuaa, Safata nâipa Elisa chu ni’rthûla deipu sintho hrangin sahriak pol sa roh.

1 RÊNGHAI 20:35

Khanchu deipu laia mi inkhatin Rengpa thupêkin a deipu chanpui inkhat kuang, “Ni hei vîk ta,” a tia. Ama khan vîk nuam maka.

2 RÊNGHAI 2:19

Jeriko khuaa mi a senkhathai Elisa kuang an honga, “Kin khua hi ni ihmu tâk angin kho hoitak a nia. Khannisianlân, kin tui fâk a sa no sikin nâi inhring thei ma ung,” an tia.

2 RÊNGHAI 2:7

An fe nôk suama, deipu sômringa’n an zuia, hla vit ata an thîrhaia, Jordan dung kôla khan an ngîra.

2 RÊNGHAI 4:37

A tentan sûnga khan a lûta a ke bula khûksadel pumin, a nâipa chu a pom suak tâka.

2 RÊNGHAI 5:22

Ama khan, “A sa lama chu a ni, ka pu’n, Efraima tâng ram rengata deipu inhni an honga, tangka sum sângthum le puan sil inhni mo pe thei ni?” a ti va ti ro, a tia.

2 RÊNGHAI 9:1

Kha zoroa khan deipu Elisa’n deipu ruatharte nâipang tak hi a koia, “Irsiamin lân, hi sahriak bûr hi chôiin lân, Ramot Gileada va fe roh.

ISAIA 11:2

Rengpa irtha’n ompui a ta, vârna le inhriattheina hai, irfûktir theina le hâina hai, Rengpa chitna le inhriattheina irtha inneitir a ti.

ISAIA 59:21

“Keima’n nin laia thu ki ithung chu hi hih a ni,” Rengpa’n a ti. “Ki’rtha nin kuanga om le ki thu nin bâia ki isia khan atûn ata kumtuangin nangni suaksan ta ngai no ni; nin nâihai le nin tuhai nâihai ten khomin mâksan ngai no ni,” ti hi Rengpa thusuak a ni.

AMOSA 7:14

Khan, Amazia kuang Amosa khan, “Deipu ni ma unga, deipu nâipa khom ni ual ma ung; sâ pâl enkoltu le theipui thing enkoltu ki ni ual a ni.

NAMBAR 27:20

Khan Israel irchi murdihaiin a thu an zômna hrangin a chunga nir chamneina senkhat irnghat roh.

TÎRTÔNHAI SINTHO 1:8

Khannisianlân, Irtha Irthiang nin chunga a zuang tung tika sinthotheina la nei nin ti; khanchu, Jerusalema, Judai le Samari ram pumpuihaia kôlkung dênin ki thu inhretuhai nin ini hrang a ni,” a tia.

2 KORINTH 12:9

Khannisianlân, ama khan, “Ki lungkhamna hi kêng ni irhelpui tak, ni hrât loi zoro’n kêng ki sinthotheina a irkip ngai,” tiin a ni sâm. Khasikin ki chunga Krista sinthotheina ki chunga a om theina hrangin lôm takin ki hrât loinahai hi song ual ta ki ti.

JOSUA 3:7

Rengpa’n Josua kuang, “A vuan hin Israelhai mithmua nang chôiirsâng ki ti, Mosia kuanga ki iom ang khan ni kuanga khom ki om mai, ti lei inhriat an ti.

JOSUA 4:14

Kha laia khan Israel murdi mithmua Rengpa’n Josua chu a chôiirsânga, a dam sûng chu Mosia ang takin a’rngaiirsânga.

1 PETERA toc2 1 PETERA 4:14

Krista irhminga hal nin ni’n chu nin vân a sa kêng, Irtha roiinpui tak, Pathian Irtha kha, nangnia a om tihna a ni.

1 SAMUELA 10:5

Kha hnung chu Filistia sipaihai omna Pathian tâng va tung ni ta, hiang hin hong ni a ti, kha khua lûtnaa khan, deipuhai perkhuang, khuangte, theihle le serânda chôia bozôl ata zuanghai irtongpuihai ni ta, khêkpuma lâmin om an ti.