2 RÊNGHAI 18:4 - PATHIAN LEKHABU IRTHIANG C.L. Bible (BSI)

⁴ Nam dang pathian biakna hmun irsânghai an siata, an lungphunhai khom an khiakpaia, pathiannu Asera illim, thing an iphunhai khom an siatpaia, Mosia dâr mirûl illim siam Nehustan an iti khom kha an siatpaia, kha zoro dênin Israelhaiin dâr mirûl illim ta hranga hâlirvôm thilinhlan ngai a ni.

2 RÊNGHAI 18:4 ပူးပေါင်းရင်းမြစ်များ

2 THURCHI SUINA 31:1

Kût an chînin chu Israel mihai chu Judai ram kho tina an fe irtheka, an lungphunhai, an pathiannu Aseri irlim an iphunhai an naminrîla, maichâmhai le hmun irsâng, nam dang pathian an biakna hmunhai an insiata, Judai ram khêla Benjamina hai, Efraima hai le Manasea biala mihai khom an insiata, mâni in tiang an kîr nôk tâka.

2 RÊNGHAI 18:22

Nin Pathian Rengpa chu kin irnghat nin itihna mo a ini? Judahai le Jerusalem mihaiin Jerusalema vai Rengpa chu biak hrang a nih tiin hmun danga Rengpa maichâm le a biak in hmun insiattu chu Hezekia hi a ni.

2 RÊNGHAI 12:3

Khannisian nam danghai pathian biakna hmunhai chu masan thei loiin a oma, mihaiin thil an la inhlan thei mai a ni.

1 RÊNGHAI 22:43

A pa angin Pathian mithmua sin sa a thoa. Millim biakna hmun irsâng chu insiat ual maka; khasikin mipuihai chu kha hmun irsânga khan an la irbôl mai ngaia, mirimhoihai an la ihâl ngai a ni.

ROIRÊLTUHAI 6:28

Zînga chu mihai an hong thoia, Baal maichâm chu a lei chima, a kôla Aseri irlim thing phun khom a kiak an hmua; maichâm thara khan sehrâtchal inhnina kha hâlirvôm thilinhlanna khan inhlan an hmua.

ROIRÊLTUHAI 6:25

Kha nî zâna khan Rengpa’n a kuang, “Ni pa sehrâtchal le sehrâtchal dang kum saria irchangtak hong kaiin lân, ni pa isiam Baal maichâm chu insiatin lân, a kôla pathian phun khom kha phôipai roh.

DÂN INHNINA 7:5

Khasikin, an maichâmhai kha insiatpai pehai zit unglân, an lungphunhai insiat unglân, an Aseri irlim thing phunhai kha irkit unglân, an thing millimhai kha hâl zit roi.

LEVI DÂN 26:30

Nin millim pathian biakna hmun irsânghai kha insiatpai ki ta, nin mirimhoi hâlna maichâmhai kha insiat ki ta, nin ruakhai chu nin millim biakhai chunga pai ki ta, ki hringna khan nangni khôkmâk a ti.

FESUAKNA 23:24

an pathianhai chubai nin mûk hrang ni ma; an sakhua khom nin ilâk hrang ni mah. An pathian chu nin insiat chit hrang a nia, an lung chopui khom nin ivîk siat pehai hrang a ni.

INPÂKNA HLAHAI 78:58

An hmun irsânghaiin ama kha an ninginmurtira, An millim siamhaiin an inhnarsatira.

2 THURCHI SUINA 33:3

A pa Hezekia’n a lei insiatpai tâk, nam dang pathianhai biakna hmun irsânghai kha a sin insatira, Baal makunga irbôlna inhlanna hranga maichâm an sintira, pathiannu Aseri irlimhai an sintira, ârsihai chubai a mûka.

2 THURCHI SUINA 19:3

Kha sûnga khom khan satna viat chu ni nei; mihai ibiak Aseri irlim murdi inboia Pathian nuamlam ni izong hi,” a tia.

2 RÊNGHAI 16:15

Uria kuang khan, “Ki maichâm hi a lian ual a nia, zîng tiang le khohloi tianga hâlirvôm thilinhlanna’n hmang inlân, rênghai le mipuihai hrang bîka thilinhlanna’n bu le bâlhai khomin hmang sa inlân, mipui uain thilinhlan khan bun sa ngai ro. Hâlirvôm le thil dang thisen khom hi maichâm hi inthek ngai ro. Dâr maichâm chu ki Pathian biakna hrangin hrê irthiangtir ro,” a tia.

2 RÊNGHAI 15:35

Nam dang pathian biakna hmun irsânghai chu masan loiin; mihaiin thil an la inhlan nôk maia, thil rimhoi an la ihâlna mai a ni. Tempil hmâr tianga inkhâr hi Jothama isiam a ni.

2 RÊNGHAI 15:4

Khasikin, rêng kha Rengpa’n a zuang tôna, a dam sûnga inphâr, a bingin an isia a ni ta.

2 RÊNGHAI 14:4

Nam dang pathian an ibiakna hmunhai chu insiat ual maka, mipuihaiin thilinhlanin rimhoi an la hâl mai ngai a ni.

2 RÊNGHAI 23:4

Reng khan ochai inlaltak Hilkia le a hnuaia ochai danghai le mikot hrungtuhai khom Rengpa tempil sûnga Baal hai Aseri le vân ârsi an ibiakna thil tuidung irhôra khan a hâla, a’rvâm kha Bethel-a khan an chôitirhaia.

FESUAKNA 34:13

An maichâmhai setpai unglân, an lungphunhai insiat unglân, pathiannu Aseri irsinsianahai insiat zit roi.

2 RÊNGHAI 21:3

A pa Hezekia insiat, nam dang pathian biakna hmun irsânghai chu a siam insata, Baal ta hrangin maichâm a siama, Israel rêng Ahaba ang khan Aseri irlim a phuna, irvâna ârsihai khom a biak ngaia.

ISAIA 36:7

Rengpa kin Pathian kêng kin irnghat, ni itih mah ni? Ama biakna hmun irsâng le maichâmhai hih Hezekia nuam lam takin a son thi thiaia, Jerusalem le Judai ram mihai laia, hi maichâm vai hin ama ni ibiak hrang a ni, a iti Pathian kha moh nin la iiam mai?

DÂN INHNINA 5:5

Kha zoro lai khan Rengpa le nangni kâra ki ngîra, Rengpa thu insîr nôktua ki chang a ni, mei nin chi sikin tânga nin ife ngam loi a ni.

2 RÊNGHAI 10:26

Kha hmun khan Baal illim thinga an isin, phun indet kha an lâka, an hâlpaia.

2 RÊNGHAI 11:18

Mipuihai chu Baal tempila an fea, an insiata, maichâmhai insiatin, millimhai chu an vîk siathai vinga. Baal ochai Matana chu a maichâm kôla khan an thata. Ochai Jehoiada’n tempil hrung hrangin mi a siaa.

2 RÊNGHAI 23:14

Josia’n lungphunhai chu ar chûm khoihaia, pathiannu Aseri irlim kôla tûngsam thing an iphun khom a tan irkita; kha hmunhaia khan mihriam ru a sia pehaia.