2 RÊNGHAI 17:7 - PATHIAN LEKHABU IRTHIANG C.L. Bible (BSI)

⁷ Israelhaiin an Pathian Rengpa rengata thilsual an tho sikin, Samari khua chu a isiat a ni ta. Aigupta rêng kut ata a sensuaka, Aigupta rengata a hruai suaka; khannisian, pathian dang an biaksan ta.

2 RÊNGHAI 17:7 ပူးပေါင်းရင်းမြစ်များ

1 RÊNGHAI 11:4

A hong tar hnungin chu, a dôngmahaiin an pathian biak hrangin an ihruai tâk a ni, a pa Davida ang khan Rengpa a Pathian mit tung thei ta maka.

1 RÊNGHAI 15:3

A pa angin thil sual a thoa, a pu Davida inhlan angin a lungrîl chu Rengpa kuang irpe maka.

2 RÊNGHAI 16:2

kum sômhni mi a nia, Juda rêng a changa. Jerusalema kum sômhleiruk an lala. A pu Davida angin Rengpa mithmua thil sa tho maka; Rengpa nuam lam tho loiin a oma.

2 RÊNGHAI 17:35

Israel mihai le Rengpa’n a thuthunga, “pathian dang biak no roi, chubai khom mûk no roi, an sin khom tho no roi, an kôla thil khom inhlanhai no roi.

1 THURCHI SUINA 5:25

Mihaiin an pahai Pathian mâksana; kha rama lei om, Pathianin a inhnotsuak hai pathian an biak tâka.

2 THURCHI SUINA 36:5

Jehoiakima chu kum sômhni ringa a niin Judai rama rêng a changa. Jerusalema kum sômhleikhat an lala.

NEHEMIA 9:26

Khannisian an irhmôla, nang an tehel pea, ni dânhai mâksanin, nangma tianga hong nôk hranga hriltu deipuhai an thata, ningmurom thilhai an thoa.

INPÂKNA HLAHAI 78:12

An irchibulhai mithmua sinirkhêl tak a tho ngai, Aigupta rama, Zoan phâia khan.

FESUAKNA 20:2

“Suaka nin omna Aigupta rama irthoka nangni hruai suaktu, Rengpa nin Pathian chu ki ni.

ISAIA 57:5

Sesua thing hnuaia Pathian irhmingin nin inhoia, thing dâihlîm hnuai nin pana, nin nâitesuihai irbôlna’n nin thathaia, tui kôla rôl panghai laia nin inhlanhaia.

JEREMIA 10:5

Khaanga millimhai chu fanghma bila mamîm ang an nia chong thei mahai. An fe thei no sikin thon an inang ngai a ni. Annihai kha chihai no roi: ite nangni lo no nihai, thil sa khom nangni tho pe thei no nihai,” a tia.

EZEKIELA 39:24

An porinchena le an pualoinahai sikin an idongtumhai chu dong an ta, anni ata a dang tiang irheisanhai ki ti,” a tia.

HOSEA 12:14

Efraima lak khan a ninginmur tak taka, khasikin a thisen insua kha ama chunga a chum tâka. A hrilsiatna kha ama chunga Rengpa’n inchumtir a ti.

HOSEA 4:12

Ki mihai khan thing millim an irdona, an khianghrolin a hril ngai; notizuarna lungrîl khan a hruai irhmanga, an pathian ata an hur irhmang tâka.

HOSEA 4:13

Tâng sîphaia khan an irbôla, mualhaia khan mirimhoi an hâla, thing sesua le bero le tarpin thing hnuaihai khan a raifân a hoi sikin. Khasikin nin nâinuhai khan notizuar an uara, nin moihaiin uire an iuar a ni.

DÂN INHNINA 31:29

Ki thi hnunga chu a sân siat zoi nin ta, ki thu nangni irchutir kha zôm nuam no chin ni. Inhnung tena len vâng chu Rengpa ikhap kha tho si sit nin ta, a ninginmurtir nin ta, irhmangna nin ti,’ a tia.

JOSUA 23:16

Rengpa nin Pathianin zôm hranga a iti, a thuthung kha nin insiata, Pathian dang nin pana, a sin nin zongin chu, Rengpa nin chunga a ninginmur a ta, ram satak nangni a ipêk rengata irhmang zit nin ti,” a tia.

ROIRÊLTUHAI 6:10

Rengpa nin Pathian chu ki ni. Amor mihai rama om nin nia, an pathianhai chu biak no roi ki iti kha, ki chong zôm nuam mak chêi,’ a ti e,” a tia.