2 RÊNGHAI 17:18 - PATHIAN LEKHABU IRTHIANG C.L. Bible (BSI)

¹⁸ Israel mihai chunga Rengpa ninginmur, a hmu loina hmuna a’rzûlhaia, Judahai vai an iom tâk a ni.

2 RÊNGHAI 17:18 ပူးပေါင်းရင်းမြစ်များ

1 RÊNGHAI 11:13

Ram pumpui nang sut zit no ninga, ki siahlo Davida le ki ta hranga ki inding Jerusalem sikin nam inkhat chu la chang a ti,” a tia.

1 RÊNGHAI 11:32

Ki siahlo Davida zârin Israel ram pumpui ki ta hrang bîka ki inhlan, Jerusalem sikin nam inkhat chu chang ri se.

1 RÊNGHAI 11:36

Nam khat chu a nâipa pe ki ti, an ni biakna hranga ki inthang Jerusalem khuaa Davida irchihaiin roirêl an ti.

1 RÊNGHAI 12:20

Israel mihaiin, Jeroboama chu Aigupta ram ata a hong ti an inhriatin chu, an irbukkhômna ngaia an koia ama chu Israelhai rêng hrangin an siam ta. Juda namhai vai kêng Davida tianga om an ni ta.

1 RÊNGHAI 8:46

“Ni mihaiin thil an tho inchâiin chu, (tûte thil sual tho loi om mahai) ningmurin an râlhai nin hnêtira, suaka hruaiin, ram hlatak ni khomsian,

2 RÊNGHAI 13:23

Khannisianlân, Rengpa’n lung a thunghaia, insiat chit an ini hrang a nuam no sikin, Abrahama, Isaka le Jakoba hai kuanga a thuthung chu a’rngaiinnatin, irnghil thei maka, atûn ten hin a la irngaisâng a ni.

2 RÊNGHAI 17:6

Hosea kum kuak an lal kumin, Samari khua chu Assuria rêngin a lâk tâka; Israelhai chu suakin a hmanghai ta. Assuria rama a hruaihaia, senkhat chu Hela khuaa an omtirhaia, senkhat chu Gozan bial Habor tui kôla le Media ram khuaa an omtirhaia.

2 RÊNGHAI 21:14

Ki mi, la thi zoi loihai khom hi hnôlhai ki ta, an râlhai kuta la pe ki ta, khanchu an nuam takin soisakhai an ti.

2 RÊNGHAI 23:27

“Israelhai chunga ki itho ang kha Judahai chunga khom tho ki ti, Judahai chu ki ihmu phâk loina rama inhnotsuakhai ki ti. Ki omna thân hmun, ki inkung tempil chu suaksan ki ti,” a ti a ni.

2 RÊNGHAI 24:3

Reng Manasea thilsual tho hai, ite ti loia a thathai hluk sikin, a hmuphâk loina rama Judahai a’rzûlhai theina hrangin hi thil hi Rengpa thupêk zuang tung a ni;

INPÂKNA HLAHAI 51:13

Khanchu tho’nsualtuhai chu lampui thurchihai irchutir ki ta; Khanchu, mi sualhai chu ni tiang irhei nôk an ti.

JEREMIA 15:1

Khanchu Rengpa’n ki kuang, “Mosia le Samuela khom ki makunga, hi mihai hrang hin hong ngîrpuihai khomsian, irngai pehai ual no ning. Anni chu irzûlhai unglân, ki mithmu ata hi om ta no ri sehai.

JEREMIA 52:3

Rengpa chu Jerusalem le Judai rama mihai chunga a ning an mur hrai sikin, a mithmu ngêtin a itîrsuak a ni. Zedekia chu Babulon rama rêng chunga tehel a zong pea,

JEREMIA 7:15

Nin sûngsuak Israelhai ki inhnotsuak ang takin ki mithmu ata nangni inhnotsuak ki ti,” keima Rengpa’n ki iti a ni.

HOSEA 11:12

Efraima khan milak thu’n a nir hual vêla, Israel sûnghai khan huangna’n; Juda khomin Pathian tiang ngaisak maka, mi irthiang chunga khan iam a iom loi a ni.

HOSEA 12:3

Sula khom khan a urêngpa kha a ke ârtui a hong chela, a hong puihling khan Pathian kha a beia.

HOSEA 9:3

Rengpa rama khan lêng no nihaia, Efraima kha Aigupta tiang kîr lik a ta, Assuria rama bu irthiang loi nêk an ti.

DÂN INHNINA 32:20

‘Irbîksan ki ta, Itin mo an iom hrang thîr ki ta, irlo ihnang tâk an ni. Nâi sual tûngnaboi an ni.

JOSUA 23:13

Rengpa nin Pathianin hi namhai hi nin maton zela inhnotsuak viat no ni. Rengpa nin Pathianin hi ram satak nangni a pêk ata nin irhmang zit mâka chu nin hrangin châng mani châng khur ichiom mani ni an ti, hruihruala vîk mani mita ilhling isun mani an ini hrang ti inhre roi.

JOSUA 23:15

Rengpa nin Pathianin thil sa pêk hranga a inkung chu a tho ngai angin thil saloi a inkunga khom a tho ngai.

ROIRÊLTUHAI 18:30

Dana irchihaiin thing millim sumrua inluan chu an biak tâka. Mosia nâi Gersoma nâipa Jothama chu ochaia an hmanga; kha mi irchihai chu suaka intâng ten khan Dana hai ochaia an changa; Mika millim siamhai chu a om mai tâka.