2 RÊNGHAI 17:16 - PATHIAN LEKHABU IRTHIANG C.L. Bible (BSI)

¹⁶ Rengpa an Pathian thupêk murdi chu an hnôla, dâr thîrin sehrâtte irlim inhni an irkula, chubai an mûka. pathiannu Aseri irlim an siama, ârsi chubai an mûka, Baal sin an thoa.

2 RÊNGHAI 17:16 ပူးပေါင်းရင်းမြစ်များ

1 RÊNGHAI 12:28

Khaanga thil ar ngaitua zoiin chu, rângachakin sehrâtte irlim inhni a siama, a mihai kuang khan, “Nin ta hrangin Jerusalema fe mai mai nangni an tak pe hrang sikin, hi hi nin Pathian, Aigupta ram ata nangni hruai suak kha a ni hi,” a tia.

1 RÊNGHAI 14:15

Rengpa’n Israelhai chu soisakhai a ta, tuipui kôla phâiruang kung angin inhnîng sup sup an ti. Israel mihaiin pathiannu Aseri irlimhai an siama, Rengpa ning an inmurtir pe sikin, an puhai ata ram satak a ipêkhai ata chu inhnotsuakhai a ta, Eufrates tui râla semindarh ving an ti.

1 RÊNGHAI 14:23

Millim pathian biakna hmun tamtak an siama, tâng sîphai le thing hnuai haia, lung saloi le pathiannu Aseri irlimhai an phuna.

1 RÊNGHAI 15:13

A pi Maaki’n Aseri irlim intirom tak a phun sikin rêngnu a initna ata a paia. Asa’n millim pathianhai chu a tukirkithaia, Kidron phâiruama a hâla.

1 RÊNGHAI 16:31

Nebata nâipa Jeroboama angin sual mai a nuam sikin, Sidon rêng Ethbaala nâinu Jezebeli chu dôngma’n a neia, Baal pathianhai a biakpui tâka.

1 RÊNGHAI 16:33

Ahaba’n Asera millim a phuna, a matona Israel rêng murdihai nêkin Rengpa Israelhai Pathian ningmak a tho ual sikin,

1 RÊNGHAI 22:53

A pu ang ngêtin Baal pathian sin a tho sikin Israelhai Pathian RENGPA chu a ning an murtir pea.

2 RÊNGHAI 1:2

Reng Ahazia chu Samari khuaa a omna in chung sîpa a tâka, a na oka a dam le damloi hrang thua Filistia Ekron khuaa pathian Baalzebuba irdon hrangin mi a tîra.

2 RÊNGHAI 11:18

Mipuihai chu Baal tempila an fea, an insiata, maichâmhai insiatin, millimhai chu an vîk siathai vinga. Baal ochai Matana chu a maichâm kôla khan an thata. Ochai Jehoiada’n tempil hrung hrangin mi a siaa.

2 RÊNGHAI 16:3

Israel rênghai tho dân saloi a zui a ni. Ama nâipa inkhat chu hâlirvôm thilinhlan hrangin a thata. Millimhai makunga ar hlana; Israelhai kôla Rengpa inhnotsuakhai nam danghai thil tho intirom tak an itho ngai a thopuihai a ni.

2 RÊNGHAI 17:10

Mual le tâng tam dôrin, thingkung sa le inhrip omna dôra lung millim le pathiannu Aseri irlim thing an phun insiphaia.

2 RÊNGHAI 18:6

A Rengpa intûk indetin a oma, a he khom sêl ngai maka, Mosia kuanga Pathian thupêk kha satakin a izôm ngai a ni.

2 RÊNGHAI 21:3

A pa Hezekia insiat, nam dang pathian biakna hmun irsânghai chu a siam insata, Baal ta hrangin maichâm a siama, Israel rêng Ahaba ang khan Aseri irlim a phuna, irvâna ârsihai khom a biak ngaia.

FESUAKNA 32:4

Ama’n kuarkâihai kha a lei lâka, an zôia, a suangna hrang hmun a isiam khan a buna, rângachak sehrâtchalte irlim an luan pehai tâka. Mihaiin, “O Israel mihai hi Aigupta ram ata ni hong hruaisuaktu ei Pathian kha a ni,” an tia.

FESUAKNA 32:8

An lampui zui hranga ki iti kha an imâk tâk kêng; rângachak inzôia siamsuak sehrâtchal irlim chubai mûkin irbôlna thil an inhlan tâk kêng, ‘Ama hi Aigupta ram ata hruaisuaktu an Pathian kha a ni,’ an ti,” tiin.

ISAIA 2:8

An rama khan millim a bita, An kuta an isinhai chubai an mûka.

JEREMIA 19:13

Jerusalema inhai, Judai rama rêng inhai le irvâna ârsihai kuang mirimhoi hâla pathian danghai kuang uain an bun thuanna ngaihai kha Tofet hmun ang taka porinchetir ni a ti,” tia anni chu hril hrangin.

JEREMIA 44:17

Tho hranga kin iti kai chu tho hrang a ni. Irvân rêngnu kin pathiannu kuang irbôlna inhlan kin ta, uain thilinhlan a ta hrangin bunthuan kin ti, keini le kin irchibulhai kin rênghai le kin hruaituhaiin Judai ram khopuihai le Jerusalem kotsuahaia kin itho ngai ang khan. Kha laia khan bu nêk hrang kin nei hluka, vâng kin saka, ite buaina tong ngai ma ung.

JEREMIA 8:2

Khataka a sin an itho, an zonga, an zuia, chubai an imûk ngai misa, tha, le irvâna ârsi murdi kôla phoi inlang ni an ti. Lâkkhôma omin phûm khom ni no nia, irnêng insatir ngai sahrok irnênga om angin an ruhai chu om a ti.

EZEKIELA 23:8

Aigupta rama a om laia a dôngmate irthiang nina irhmangtira, a notizuar thohai kha mong loiin a la tho maia, a thoibop ata kha ama chu pasalhaiin notizuar zâlpuiin an lei iompui ngai a ni.

LEVI DÂN 26:1

“Ite ni ual loi, millim sinhai, lung millimhai, chubai mûk hrangin nin isiam hrang ni ma, kei hi Rengpa nin Pathian ki ni.

DÂN INHNINA 16:21

Rengpa nin Pathian maichâm nin siamnaa kôla khan Aseri irlim, thing nin iphun hrang ni ma.

DÂN INHNINA 4:19

Irvân tiang hong thîr nin ta, misa, tha, ârsihai le irvâna thil dang om tinrênghai khi chubai mûkin a sintho irzuk chin ni; a sân irdîn roi. Rengpa nin Pathian khan khihai khi nam dang biak hrang vaia a isia a ni.