2 RÊNGHAI 16:3 - PATHIAN LEKHABU IRTHIANG C.L. Bible (BSI)

³ Israel rênghai tho dân saloi a zui a ni. Ama nâipa inkhat chu hâlirvôm thilinhlan hrangin a thata. Millimhai makunga ar hlana; Israelhai kôla Rengpa inhnotsuakhai nam danghai thil tho intirom tak an itho ngai a thopuihai a ni.

2 RÊNGHAI 16:3 ပူးပေါင်းရင်းမြစ်များ

1 RÊNGHAI 14:24

Khahai nêka la sual ual chu an millim siam laia nupang le pasal enhoi loitaka an om laihai siamin an oma, Israel nâihai Kanaan rama an hong lûta an inhriat suakhai nam an omdân saloi murdi chu Judahai hin an irchu tâk a ni.

2 RÊNGHAI 17:16

Rengpa an Pathian thupêk murdi chu an hnôla, dâr thîrin sehrâtte irlim inhni an irkula, chubai an mûka. pathiannu Aseri irlim an siama, ârsi chubai an mûka, Baal sin an thoa.

2 RÊNGHAI 17:17

An nâinu le nâipahai khom nam dang pathian makunga hâlirvôm thil inhlanin ram khohri le mitphil theihai leh irthopin. Rengpa mithmua thil saloi tinrêng tho hrangin an irpêk lût a ni; khasikin, a ning an inmurtir a ni.

2 RÊNGHAI 17:19

Judahai khomin an Pathian Rengpa thupêkhai zôm ual loiin, Israelhai tho dân angin an oma.

2 RÊNGHAI 17:8

Nam dang, anni ata inhnotsuakhai omdân kha an lâka, Israel rênghaiin thil saloi tak an itho ngai kha an la tho nuam maia.

2 RÊNGHAI 21:11

‘Manasea’n thil intiromtak takhai, hi rama an om mân ata om Kanaan mihai itho ngai nêka intirom a thoa, millim siamin Judahai a ihruai insual a ni.

2 RÊNGHAI 21:2

A mipuihai laia, Rengpa inhnotsuakhai nam tho dân intiromtak takhai khom Manasea’n a thoa, Rengpa mithmua thil saloi a thoa.

2 RÊNGHAI 21:6

A nâipa inkhat chu hâlirvôm thilinhlanna hrangin a thata. Kutzia en le tasân a hmang uara, ramkhohri le mithi kaithoi theihai an phûthai ngaia. Rengpa mithmua thilsual tamtak a thoa, a milung an natir pe a ni.

2 RÊNGHAI 21:9

Judai rama mihaiin Rengpa thu zôm loiin, an matona Rengpa inhnotsuakhai nam tho dân anga thilsual ual tho hranga Manasea’n a ihruai a ni.

2 RÊNGHAI 23:10

Molekhai, an nâipasalhai an that thei ta loi hranga Hinom irhôra Tofet kha a soisak ngheka.

2 RÊNGHAI 8:18

A dôngma chu Ahaba nâinu a ni. Ahaba irchihai om dân ang ngêtin Israel rênghai omdân saloi lâkin a oma. Rengpa mithmua thil saloi a thoa.

2 THURCHI SUINA 22:3

Ama khom Ahaba in mihai omdân angin a oma, a nu thu a zôm ngaia.

2 THURCHI SUINA 33:2

Khan, Rengpa sikin an ihnôlna rama namhai thil intirom thohai ang kha a thoa.

2 THURCHI SUINA 33:6

Hinom irhôra hâlirvôm thilinhlanna’n a nâipahai an hlana;

INPÂKNA HLAHAI 106:35

Nam tinhai chu an irpôlpuia, An sinthohai chu an irchu lika.

ISAIA 57:5

Sesua thing hnuaia Pathian irhmingin nin inhoia, thing dâihlîm hnuai nin pana, nin nâitesuihai irbôlna’n nin thathaia, tui kôla rôl panghai laia nin inhlanhaia.

JEREMIA 32:35

Hinom phâia an nâipasalhai le nâinupanghai Moleka pathian kuang irbôlnaa inhlan hrangin Baal maichâmhai an siama, hianga tho hrangin thu khom pehai ma unga, khaanga thil tho an ta, Juda mipuihai sualin siam an tih ti khom ki irngaitua loi a ni,” a tia.

EZEKIELA 16:21

Ki nâihai ni thata, meipuia pai lûtin an kuang ni inhlanhai hi?

EZEKIELA 16:47

Khannisian, an omdânhai chu zui mak chea, an porinchenahaia khan ni milung chu chuk maka, aniachu zoro sôtloite sûngin ni omdân tinrênga anni nêkin ni siat uala.

EZEKIELA 20:26

An thilinhlanhai leh khan anni inporinchetirhai ki ta, an nâilutîrhai khom irbôlna hrangin hmang an ta; thei loi chang an ta, khanchu kei hi Rengpa chu ki nih ti an inhriat theina hrangin.

EZEKIELA 20:31

Millim kuanga thilinhlan le irbôlna hrangin nin nâihai hâl hrangin a vuan nî ten hin porinche’n nin la oma, Israel insûnghaio, ni chongpui hranga hong mo nin ni? Mi hring ki ni hi, Rengpa pathian thusuakin a ti. Nangni ni chongpui zât ni ma ung.

LEVI DÂN 18:21

Moleka biakna hrang hâlirvôm hrangin ni nâi ni ipêk viat viat hrang ni ma, ni Pathian irhming ni porinchetir ni ti, Rengpa ki ni.

LEVI DÂN 20:2

“Israel mihai hril ro; Israel mi’n mani, nin laia om, ram dang mi’n mani, Moleka kuang mani, nâi an hlanin chu that hrang a ni, pungkhômhaiin lungin an idêngthat hrang a ni.

MIKA 6:7

Rengpa kha ki belra chal sâng tamtak mani, sahriak dung sîngkhathai manin milung a inchuk hrang ma ni? ki tho’nchâina sikin ki nâilutîr kha ki pêkin, ki’rtha sualna sikin ki taksa ra kha ki ipêk hrang ma ni?

DÂN INHNINA 12:31

An Pathian an ibiak hrang ni ma; Rengpa intir lam tak, thil chi tinrêng tho hi an uar ngai. An maichâmhai khan an nâinu le nâipa hai ngêt khom hâlirvôm thilinhlana an hâl ngai a ni.

DÂN INHNINA 18:10

Nin laia tukhomin maichâma hâlirvôm hrangin nin nâihai nin inhlan sa hrang ni ma; kutzia en hai, tasân hai, pânzia en hai, dôi hai,