2 RÊNGHAI 15:29 - PATHIAN LEKHABU IRTHIANG C.L. Bible (BSI)

²⁹ Pekahia inlal zoro hin Assuria rêng Tiglat Pilesera hin Ijon khua, Abela Bethmaka, Janoa, Kades le Hazor khua hai lâkin, Gilead ram, Galili ram le Naftalia ramhai a lâk saa, mipuihai chu Suria rama a thonhaia.

2 RÊNGHAI 15:29 ပူးပေါင်းရင်းမြစ်များ

1 THURCHI SUINA 5:26

Khasikin Pathianin Assuria rêng Pula, Tilgatpilnesera an iti pa chu an omna ram a hon doitira, Reubena irchihai, Gada irchihai le nisua tianga om Manasea irchihai chu a koibukhaia, Hala, Habor, Hora, le Gozan tui kôla an omtirhai tâka.

2 RÊNGHAI 17:6

Hosea kum kuak an lal kumin, Samari khua chu Assuria rêngin a lâk tâka; Israelhai chu suakin a hmanghai ta. Assuria rama a hruaihaia, senkhat chu Hela khuaa an omtirhaia, senkhat chu Gozan bial Habor tui kôla le Media ram khuaa an omtirhaia.

2 RÊNGHAI 16:7

Ahaza’n Assuria rêng Tiglat Pilesera kuang palai a tîra, “Ni siahlo, ni nâi ki ni, Suria rêng le Israel rêngin an ni doia, khasikin anni kut ata hi ni sansuak ta ro,” a tia.

1 RÊNGHAI 15:20

Benhadada’n Asa iti pe angin a lei pompuia, a sipai ulian a koia, a sipaihaiin Israel ram chu an rûnhaia. Ijon hai, Dan hai, Abela Beth Maaka hai an lâka, Galili dîl kôla ramhai khom Naftalia bial pumpui an lâkpai pehai tâka.

JOSUA 20:7

Hi a hnuaia khuahai hi Israel mihai ta hrang le an laia om nam danghai zôkna hranga an inkunghai chu a ni. Kades khua, Naftalia ram nitâk tiang Galili biala; Sekem khua, nitâk tianga Efraimahai ram; Kiriath-arba khua (Hebron an ti ngai) nitâk tianga Juda irchihai ram sûnga om.

2 THURCHI SUINA 16:4

Benhadada’n Asa iti chu a sa a tia, a sipai hruaitu a koia, Israel ram chu a rûn tâka, Ijon hai, Dan hai, Abel-maim hai le Naftalia hai biala neinun omna khua murdi chu a lâka.

1 THURCHI SUINA 5:6

le Beera hai an ni, Beera hi Reubena irchihai laia a hruaitu tak a ni. Assuria rêng Tilgatpilnesera’n a chela, salin a hruaia.

ROIRÊLTUHAI 4:2

Khasikin, Rengpa thuin Kanaan rêng Jabina’n Israelhai an hnêa, Hazor khuaa an lala, a sipai hruaitu chu Haroset-Goim-ah om Sisera a ni.

JOSUA 19:37

Kedes, Edrei, Enhazor,

JOSUA 11:1

Hi thu hi Hazor rêng Jabina’n a lei inhriatin Madon khuaa rêng Jobaba hai, Simrona khua rênghai, Aksaf khua rêng hai,

AMOSA 1:13

Rengpa’n hiang hin a ti, “Amon nâihai tho’nchâina inthum sikin, a ni, minli sikin, a hremna kha inboi no ning: an ram an irzat theina hrangin, Gilead khuaa nupang nâi vonghai an ât phorhai sikin:

AMOSA 1:3

Rengpa’n hiang hin a ti: Damaska khua tho’nchâina inthum sikin a ni, minli sikin, a hremna kha inboi no ning. Gilead ram kha bu nôina thîrhai khan an nôi sikin;

ISAIA 7:20

Kha ni khan chu Eufrates tui kôla om, mi lu ep nuam ngaihai, Assuria rêng chu, Rengpa’n hmang a ta, nin sam le nin mul murdi, ni hnermulhai le nang voi pe ving a ti.

ISAIA 1:7

Nin ramhai khom ar hmang zoi ta, nin khua khom a kâng irhmang ta, nin mithmua nam danghaiin nin ram an lua zoi ta, nin râlhaiin an insiat zoi a ni ta.

2 RÊNGHAI 17:23

A siahlo deipuhai hmanga a ihril angin a hmuphâk loina rama a inhnotpai sabak a ni ta. Khanchu, Israel mihai chu Assuria rama atûn ten hin sala an intâng a ni ta.

1 RÊNGHAI 9:11

Tura rêng Hirama’n sidar thing meisâr thing le rângachakhai le a innang murdi, hi inhai sinna hrangin a pêka.

JOSUA 16:6

Hmâr tianga mongna khua Mikmethat ata nisuana tiang panin ramri chu Tanat-silo tiang a fea, Janoa khuahai, Atarot khuahai, Naara khuahaia a fea, Jeriko a suna, Jordan dung a dêna.

JOSUA 12:19

Madon rêng, Hazor rêng;

JOSUA 11:13

Hazor khua, Josua ihâl ti no chu, Israelhaiin an khua insiata in la indinghai chu hâl mahai.

JOSUA 11:10

Josua chu a kîra, Hazor khua a lâka, an rêng chu a sât thata, (Kha laia khan Hazor khua hi kho lian ual tak a lei ni.)

DÂN INHNINA 28:25

Rengpa khan nin râlhai kha inhnêtu ualin nangni inchangtir a ta, lam inkhata fe’n doi nin ta, kil tin panin rot nin ta, indarh nin ti. Rammuala mi murdi’n nin chunga thil tung kha a’rkhêl ti an ti.

DÂN INHNINA 3:15

Gilead ram kha Makira, Manasea nâi ki pêka.

NAMBAR 32:40

Khasikin Mosia’n Gilead ram chu Makira irchihai a pêka, khataka khan an om tâka.

NAMBAR 32:1

Reubena le Gada irchihaiin a sate’n ram an nei intôma; khan Jazer ram le Gilead ram an hmu’n chu, kha hmun kha sa vâina hmun satak a lei nia.

LEVI DÂN 26:32

Nin ram inkoltir zit ki ta, a luatu nin râlhai khan, a’rkhêl ti tak tak an ti.

1 RÊNGHAI 14:15

Rengpa’n Israelhai chu soisakhai a ta, tuipui kôla phâiruang kung angin inhnîng sup sup an ti. Israel mihaiin pathiannu Aseri irlimhai an siama, Rengpa ning an inmurtir pe sikin, an puhai ata ram satak a ipêkhai ata chu inhnotsuakhai a ta, Eufrates tui râla semindarh ving an ti.

2 RÊNGHAI 15:19

Reng Tiglat Pilesera’n Israel ram a doia, Menahema’n tangka sumru her sîngthum sângminli a lei pêka, ni nuampui a tih iti sabeiin.

2 RÊNGHAI 15:28

Rengpa mithmua thilsual a thoa, Nebata nâipa Jeroboama thilsual tho Israelhai hruai insualna masan loiin a oma.

2 RÊNGHAI 15:30

Uzia nâipa Jothama chu Judahai rêng kum sômhni a chang kumin, Ela nâipa Hosea’n Pekahia chu khitphiarin a doia, a that tâka, ar thûlin an lal ta.

2 RÊNGHAI 16:10

Assuria rêng Tiglat Pilesera hmu hrangin Ahaza chu Damaska khuaa a fea, Damaska khuaa maichâm chu a ena, ochai Uria a koia, an maichâm siam dân chu chipchiar takin an entira.

2 RÊNGHAI 17:20

Rengpa’n Israel murdi chu a ihnôlhai a ni ta, deng an theihaia, râl ichiom tak takhai kuta a pêkhaia, a hmu phâk loina hrang hmuna a tîrhai ta a ni.

1 THURCHI SUINA 5:22

Pathian irhminga irdoi an nia, mi tamtak an ithathai a ni. Sala an intâng mân chu kha rama khan an om ta a ni.

NEHEMIA 9:32

Khasikin, kin Pathian, roiinpui, itinrêngthothei le ichiom, thuthung dêna lungkhamna inlangtu khan kin rênghai kin mi lianhai, kin ochaihai, kin deipuhai, kin pi le puhai le ni mihai murdi chunga Assuria rênghai inlal lai ata atûn tena dengtheina hong omhai hi a mai maiin insâp no’n lân.

ISAIA 37:18

O Rengpa, Assuria rênghai hin nam tin an doia, an ram an insiat zoi ta.

JOSUA 19:35

Kul nei khuahai chu: Zidim, Zer, Hamath, Rakat, Kinereth;

ROIRÊLTUHAI 18:30

Dana irchihaiin thing millim sumrua inluan chu an biak tâka. Mosia nâi Gersoma nâipa Jothama chu ochaia an hmanga; kha mi irchihai chu suaka intâng ten khan Dana hai ochaia an changa; Mika millim siamhai chu a om mai tâka.

2 RÊNGHAI 8:11

Hazaela chu inzak hmêl irputin a hei ena; Pathian mi chu a chapa.

2 RÊNGHAI 15:20

Menahema’n Israel mi irchonghai tangka sômringain a suthaia, kha sum kha a pêka; khanchu, Tiglat Pilesera chu an ram tiang a fe nôk ta.

2 RÊNGHAI 18:11

Assuria rêngin Israelhai chu suaka an hruaihaia, Assuria rama an hruaihaia, Gozan ram Habor tui kôlhaia le Media khuahaia an inomtirhaia.

2 RÊNGHAI 19:11

Assuria rênghaiin a ram lua murdia an sinthohai le, an ram an insiat thu chu nin hriata. Nangma hi mi nin zôk thei ual bîk hrang ma ni?

ISAIA 7:16

kha nâi khan a siat chu hnôl a ta, a sa a inthang thei mân khomin, mi ichitakna ram chu inkhêktir a ti.

EZEKIELA 23:9

Khasikin ama chu a irditpui Assuria mihai kuta ki pêksuak tâka.

AMOSA 5:27

Khanchu Damaska khua khêl tiang sala nangni infetir ki ta, Sipaihai Rengpa pathian khan a ti.

AMOSA 6:14

En u ta, o Israel in sûng mihaio, nangni doi hrangin nam inding suaktir ki ta; khan, Hamath kho mikot sua ata Araba dung dênin deng nangni intheitir an ta; Rengpa, sipaihai Pathian thu suak khan a ti.