2 RÊNGHAI 14:26 - PATHIAN LEKHABU IRTHIANG C.L. Bible (BSI)

²⁶ Israelhai ituang intak lam chu Rengpa’n a hmua, khit thung irkhol loi reng om mahaia, tûte changpuitu nei mahaia.

2 RÊNGHAI 14:26 ပူးပေါင်းရင်းမြစ်များ

DÂN INHNINA 32:36

Rengpa khan a mihai san a ta, a siahlohai dongtum siatzia hai, mi ngar khom ngar loi khom a thi ban tômzia a hmuin inren nôk a ti.

2 RÊNGHAI 13:4

Jehoahaza chu Rengpa makunga a chongchaia, Suria rêngin Israelhai deng an theitirhai lam a hmuin a chongchaina a zuang sâm nôka.

FESUAKNA 3:7

Khanchu Rengpa khan, “Aigupta rama ki mi omhai dengthei taka an om kin hriata, annihai enkoltuhaiin deng an intheitirhaina irhâi ki le’nhriata; an beidongnahai khom kin hriat.

ISAIA 63:9

An chardongna tinrêng a tuangpuihaia, vântîrtôn ni loiin, ama ngêtin a sanhai ta, lungthungin, an renhai hrai sikin a’rtanhai ta.

1 RÊNGHAI 21:21

Ni chunga siatna zuan tungtir ki ti. Nin in sûngkuaa patung nâi murdi chu nâipang le tar khom, nangma le nin rêngin nangni inhekpai ving ki ti.

1 RÊNGHAI 14:10

Hitak sik hin nir chia pasal nâi om murdi nâite ata ulian dênin inram ving ki ti, sahrok phît infâi angin nir chihai phît infâi la ni a ti.

ROIRÊLTUHAI 10:16

Khanchu, an kôla pathian dang irlimhai chu an paia, Rengpa chu chubai an mûk tâka; Israelhai inriang zia a hmu’n chu a sân lung an khamhaia.

FESUAKNA 3:9

Israel irchihai khêk irhâi, Aigupta-haiin an hnuaisiahai lam kha ki hmuhai maia.

2 RÊNGHAI 9:8

Ahaba irchihai chu thatpaihai hlet ni ta, nâipang khom ulian khom pasal chu hek ving an ti.

INPÂKNA HLAHAI 22:11

Ni hla viat no roh: lunginzîngna hrang anai ta; changpuitu hrang rêng rêng om mahai.

2 RÊNGHAI 13:23

Khannisianlân, Rengpa’n lung a thunghaia, insiat chit an ini hrang a nuam no sikin, Abrahama, Isaka le Jakoba hai kuanga a thuthung chu a’rngaiinnatin, irnghil thei maka, atûn ten hin a la irngaisâng a ni.

INPÂKNA HLAHAI 107:12

Ama khan an milung chu sinsôlna’n a hmin tâka; An tûka, changpuitu hrang rêng rêng om mahaia.

EZEKIELA 22:30

Khan, bang chînna hmunhai kôla an ngîra, ki ningmurna ram chu ki zuang inboipai hrang tika lei hrung hrangin mi ki zonga, khannisian inkhat lua hmu ma ung.