2 RÊNGHAI 13:4 - PATHIAN LEKHABU IRTHIANG C.L. Bible (BSI)

⁴ Jehoahaza chu Rengpa makunga a chongchaia, Suria rêngin Israelhai deng an theitirhai lam a hmuin a chongchaina a zuang sâm nôka.

2 RÊNGHAI 13:4 ပူးပေါင်းရင်းမြစ်များ

IRPHUTNA 21:17

Khan Pathianin nâipang irhâi kha an hriata, khan Pathian vântirtônin irvân ata Hagari chu a zuang koia, a kuang, “Hagari imo ni ingaitua? chi no ro, nâipang irhâi chu Pathianin a omna ata an hriat,

IRPHUTNA 31:42

Ka pa Pathian, Abrahama Pathian, Isaka Pathian ki kuang om no sianlân chu, kut koronga ni ni infetir hrang kêng a inih mo ni mah. Pathianin ki dengthei le ki dûktonghai hi a le’nhriat sikin, mizân khan chu nang a irchu a ni ta,” a tia.

2 RÊNGHAI 13:22

Jehoahaza dam sûng chu Suria rêng Hazaela’n Israelhai chu deng an theitira.

2 RÊNGHAI 13:23

Khannisianlân, Rengpa’n lung a thunghaia, insiat chit an ini hrang a nuam no sikin, Abrahama, Isaka le Jakoba hai kuanga a thuthung chu a’rngaiinnatin, irnghil thei maka, atûn ten hin a la irngaisâng a ni.

2 RÊNGHAI 14:26

Israelhai ituang intak lam chu Rengpa’n a hmua, khit thung irkhol loi reng om mahaia, tûte changpuitu nei mahaia.

2 THURCHI SUINA 33:19

Reng Manasea chongchaina le Pathian isâmna hai, a irlet zoia thilsual a ithohai thurchi, nam dang pathian biakna hmun irsânghai, Aseri irlim sina, a millim inluan a ibiakna thu hai, deipuhai thurchi irziakna bua a chuang sa ving a ni.

EZRA 8:23

Khanchu bu kin ngheia, kin Pathian kuanga zong tatakin; kin izongna chu hlo a nin chuktir pea.

JOBA 22:27

A kuang chongchai ni ta, Ama’n nang irngai pe a ti, Khanchu ni thu’nkunghai lôm takin sua ni ti.

INPÂKNA HLAHAI 50:15

Khan, lungzîng nia chu ni koiin lân; Nang saninzôk ki ti, khanchu nangin ni ni ichôiindôm hrang a ni,” a tia.

INPÂKNA HLAHAI 78:34

A thathai rikipin ama an zong ngaia. An kîr nôka, zîng taka Pathian an zong ngaia.

FESUAKNA 3:7

Khanchu Rengpa khan, “Aigupta rama ki mi omhai dengthei taka an om kin hriata, annihai enkoltuhaiin deng an intheitirhaina irhâi ki le’nhriata; an beidongnahai khom kin hriat.

FESUAKNA 3:9

Israel irchihai khêk irhâi, Aigupta-haiin an hnuaisiahai lam kha ki hmuhai maia.

ISAIA 26:16

Rengpa hi an chardong zoro’n nang an pana, anni chu ni hrema, khannisian anni’n nang an koi mai ngaia.

ISAIA 63:9

An chardongna tinrêng a tuangpuihaia, vântîrtôn ni loiin, ama ngêtin a sanhai ta, lungthungin, an renhai hrai sikin a’rtanhai ta.

JEREMIA 2:27

Thing chu nin pa a nia, lung chu nin nu a ni, nangni a tituhai nin rêngin nin hmâimôk a ti.

JEREMIA 33:3

“Ni koiin lân, nang sâm ki ti; ni inhriat ngai loi thil roiinpui le irthup tak nang inhril ki ti.

NAMBAR 21:7

Khanchu mipuihai kha Mosia kuang an fea, “Rengpa le nangma doia kin lei iom hi kin lei itho’nsual a ni ta, kin laia mirûlhai hi nin boi pe hrangin Rengpa kuang chongchai ro,” an tia. Khanchu mipuihai hrangin Mosia’n a chongchai pehaia.

ROIRÊLTUHAI 10:10

Israelhaiin Rengpa an koia, “Kin Pathian kin irheisana, Baal sin kin thoa, ni chunga thilsual kin itho a ni,” an tia.