2 RÊNGHAI 12:4 - PATHIAN LEKHABU IRTHIANG C.L. Bible (BSI)

⁴ Jehoiada’n ochaihai chu a koi bukhaia, tempila thilinhlan balamin thil pêk an hong chôi ngai a ni, senkhat chu thilinhlana khan pe ngêt hranga hril a ni sikin, lômna thilpêkhai chu sataka se hranga hril an ni.

2 RÊNGHAI 12:4 ပူးပေါင်းရင်းမြစ်များ

2 RÊNGHAI 22:4

“Ochai inlaltak Hilkia kuang fe’n lân, tempil mikot bula mipuihai tholôm ochaihai irfuang kha i dôr mo a ni ta tiin var donhai roh.

FESUAKNA 35:5

Rengpa kuanga thilinhlan nei roi, tukhom a’rhlan nuamhai chu thilinhlan rângachak, tangka dârthîr,

FESUAKNA 35:29

Israel mi tukhom a nuam murdiin, Mosia kuang sin hrangin a thupêk anga hmang hrang thilpêkhai Rengpa kuanga an hong pêk ngai.

FESUAKNA 35:22

Mi irzukna neihaiin nupang le pasal irvôna irthei enhoihai, kuarkâihai, kutsabi hai, irthei rângachaka siam thil hlutak takhai an hong chôia Rengpa makunga mahrip takin an inhlana.

LUKA 21:4

Mi danghaiin chu an inei lêta om kha kêng an ithâk ngai, ama hin chu a ineisun a ir-enkolna hranga kha kêng a hong ithâk a ni hi,” a tia.

EZRA 7:16

Babulon ram tina ni ihmu dôr tangka le rângachak, mâni phal taka mipuihai le deipuhai ipêk, Jerusalema an Pathian in hranga lômtaka an ipêk leh;

EZRA 2:69

An inei ang ang kha an pêka, a rêngin rângachak her 500, tangkarua her 2,800 le ochai innghâk hrang puan 100 a ni.

EZRA 1:6

Anni lungrîl nuamlam anga ni loiin, an kôla mi tamtak sumrua siam bungrua, rângachak, sahai, le thil hlu tamtak pêkin, an changpuihaia.

2 THURCHI SUINA 35:2

Ochaihai chu tempila an sin hrang a sem pehaia, sataka sin hrangin an thorhaia,

2 THURCHI SUINA 31:12

An thilpêk le sôma inkhat chu a porinche loina hrangin an siaa. A enkol hrangin Levi irchia mi Konania an inkunga, a sangpa Simeia’n a changpuia.

2 THURCHI SUINA 15:18

A pa Abija’n Pathian kuanga thilpêk murdi chu Asa’n tempila a siaa, ama ngêtin rângachak le tangkarua a inhlanhai khom a sia saa.

1 THURCHI SUINA 29:17

Mi lungrîl ni fia ngaia, mi nun sahai chu ni lôm ngai. Keima’n chu hi thilhai hi phal taka lungrîl fel le dik tak irputin ki hong inhlan a ni, ni mi hong pungkhômhai khomin thilinhlan hong pêk nuam dân ki ihmu a ni.

2 RÊNGHAI 12:18

Juda rêng Joasa’n a matona rêng Jehosafata hai, Jehorama hai le Ahazia haiin Rengpa ta hranga an thilpêkhai chu a lâka, ama ipêk khom belsain; tempil le rêng in sum bôma rângachak murdi chu a rêngin rêng Hazaela chu thilpêkin a pêk tâka, a sipaihai chu Jerusalem ata a hruai suakhai ta.

1 RÊNGHAI 7:1

Solomona in chu kum sômhleithuma sin zoi a ni.

LEVI DÂN 27:31

Mi’n kha kha a’rtan nuamin chu a man pangai bana hmun ringaa hmun khat pêk belin irtan thei a ti.

FESUAKNA 36:3

Puan in irthiang sinna hranga Israel mihai thilpêk hong chôi kha Mosia kuang ata an idong a ni. A zîng tin Israel mihai khan an thilpêkhai Mosia tah hrangin an la hong chôi irzôm maia.

1 THURCHI SUINA 18:11

Edom hai, Moab hai, Amon hai, Filistia hai le Amalek hai a sutpaia, rângachak hai, sumru hai le dârhai chu Davida’n tempil sinna hrangin a pêkpai vinga.

2 RÊNGHAI 12:5

An sinthotuhaiin kha sumhai kha a chôitu chu ochai sinthotuhaiin dong an ta, tempil siam insatna’n an ihmang ngai a ni.

1 RÊNGHAI 3:2

Mihai chu hmun irsânghaia an irbôl ngaia, Rengpa tempil sin a la ni no sikin.

1 RÊNGHAI 3:3

Solomona chu Rengpa lung a thunga, a pa Davida irchutirnahai zômin; khannisian, hmun irsânga thil inhlanin mirimhoihai hâlin a oma.

2 RÊNGHAI 14:4

Nam dang pathian an ibiakna hmunhai chu insiat ual maka, mipuihaiin thilinhlanin rimhoi an la hâl mai ngai a ni.

2 RÊNGHAI 15:4

Khasikin, rêng kha Rengpa’n a zuang tôna, a dam sûnga inphâr, a bingin an isia a ni ta.

2 RÊNGHAI 16:4

Tâng tianghaia, thing inhripom tak takhai omna rikipa thilinhlanin, rimhoihai a hâla.

2 RÊNGHAI 17:11

Ram ata Rengpa inhnotsuak tho dân angin nam dang maichâmhaia khan rimhoi an hâla. An thilsual thohai khan, Rengpa chu a ning an inmurtir uala.