2 RÊNGHAI 11:12 - PATHIAN LEKHABU IRTHIANG C.L. Bible (BSI)

¹² Jehoiada’n Joasa chu a hruai suaka, rêng lukhum chu an khumtira, rêng om hrang dân hrang irziakna bu chu a pêka; Joasa chu sahriak a pola, rêng a chang tâka. Mipuihaiin an kut an inbên dur dura, “Reng chu dam sôt ri se,” an tia.

2 RÊNGHAI 11:12 ပူးပေါင်းရင်းမြစ်များ

2 SAMUELA 1:10

Khanchu a kôla ki fea, an rîlin chu a ithi ngêt hrang a nih ti kin hriat sikin, ki ithat tâk a ni. Kha hnung chu a lu rênglukhum le a bâna bâla kha ki lâka, ka pu, hin ni kuang ki zuang ichôi a ni,” a tia.

2 SAMUELA 12:30

Amon irchihai pathian Milkoma illima irthokin Davida khan rângachak rênglukhum her sômthum ringa dôra rik kha a lâka, lukhama khan lunghluhai khom a kop saa. Davida khan a lâka, a lua a khuma. Khopuia irthokin râllâk sum tamtak an lâka.

2 SAMUELA 16:16

Ark mi Husaia, Davida rualpa khan Absaloma kuang a tungin chu, a pâia, “Reng chu dam sôt ri se, rêngpa chu dam sôt ri se,” a tia.

2 SAMUELA 2:4

Kha hnung chu Judai rama mihai kha Hebrona an honga, Juda mihai chunga rêng hrangin Davida kha sahriak an irthûtira. Davida’n Saula phûmtuhai chu Jabes Gilead mihai an nih ti an hriatin chu,

2 SAMUELA 2:7

Hrât tak le hâitakin om roi! Nin rêng Saula chu a thi tâka, Juda irchihai khan an rêng hrangin sahriak an ni irthutir tâk a ni,” a tia.

2 SAMUELA 5:3

Khanchu Israel hruaitu murdi’n Hebrona rêng Davida kuang an honga, Reng Davida khan Hebrona khan Rengpa makunga an kuang thu a thunga. Anni khan Davida kha Israelhai chunga rêng hrangin sahriak an irthutira.

1 RÊNGHAI 1:25

A vuan hin ar siamin sehrâtchal tamtak le belra mar saihai thatin, rêng nâihai le sipai ulianhai le ochai Abiathara hai a koi bûmhaia, atûn son an fâkin an inêk a ni so, rêng Adonija dam sôt ri se tiin an ikhêk a ni.

1 RÊNGHAI 1:34

Ama khan ochai Zadoka le deipu Nathana haiin Israelhai rêng hrangin sahriak pol ri sehai. Bekul tum unglân, ‘Reng Solomona chu dam sôt ri se,’ tiin khêk roi.

1 RÊNGHAI 1:39

Ochai Zadoka’n hmun irthianga sahriak siana ûm a lâka, Solomona chu a pola. Bekul an tuma, mi murdi’n, “Reng Solomona dam sôt ri se,” an tia.

1 RÊNGHAI 2:44

Rengin Simeia kuang khan, “Ka pa Davida chunga ni isualzia lak nin hriat vinga, atûn chu Rengpa’n ni sualna man nang thuan a ti.

2 RÊNGHAI 11:11

Tempil maton tiang khandai kêlsua sai chôiin rêng in hrung hrangin ar tângtirhaia.

2 RÊNGHAI 11:2

Ahazia nâipa Joasa irchia mi ithat zoi loi, rêng Jorama nâinu Jehosebi, Ahazia farnu’n a thup inrûk a ni. A dontu leh tempil hmun khata hin Athali hmu thei loina hrangin thup inrûk a nia, thatpai theiloi a ni.

2 RÊNGHAI 11:4

A kum sarina tena chu ochai inlaltak Jehoiada’n rêng hrungtu Keret sipai irzakhat hruaitu le rêng in hrungtu sipaihai chu a koibukhaia; an thiltho tum chu a hrilhaia, tempil sûnga khomâkirsâmin a sa a tipuia, rêng Ahazia nâipa Joasa chu a hmua.

2 RÊNGHAI 9:13

Sipai hruaitu danghaiin an puan an kheka, Jehua omna hrangin an dâpa, bekul an tuma, “Jehua hi rêng a ni ta,” an tia.

2 RÊNGHAI 9:3

a lu chunga hi oliv hriak hi buak pe’n lân, ‘Rengpa’n Israelhai rêng hrangin sahriak nang a ibuak a ni ta, tin lân. Mikot inhongin lân suakpatin lân, ir-ial ta no ro,’ a tia.

2 THURCHI SUINA 23:11

Jehoiada’n Joasa kha a hruaisuaka, rêng tho hrang dân bu kha a pêka, rêngin an siam tâka, ochai Jehoiada le a rualhaiin Joasa chu sahriak an pola, “Reng hi dam sôt ri se,” tiin an khêka.

ESTHERI 2:17

Rengin dôngmate dang danghai nêkin Estheri chu an dita, an renin lung an kham bîka, rênglukhum an khumtira, Vasti irthûla rêngnu’n a sia tâka.

ESTHERI 6:8

rêng innghâk ngai songkol la sianlân, a chuangna ngai sakor hong kai ri se, chôiindômna lukhum inkhumtir ni ri se.

INPÂKNA HLAHAI 132:18

Ama doituhai chu mualphoina’n irkhû ki ta, Ama chunga rêk chu a rênglukhum chu irtêk sup a ti,” tiin.

INPÂKNA HLAHAI 21:3

Satna satvurnahaiin ni ni’rtongpuia; Rângachak irthiang rênglukhum nin khumtira.

INPÂKNA HLAHAI 21:4

Ama’n chu hringna nang a ngêna, ni lei pêka; kumkhontuanga dam maina chu.

INPÂKNA HLAHAI 47:1

O mi tinrênghaio, nin kut inbên unglân: Raifânna irhaiin Pathian kuang khêk roi.

INPÂKNA HLAHAI 78:5

Jakobahai laia thu’n hriattir an dettira, Israelhai laia dân an kunga, Khahai kha irchibulhai kuang thupêkin a pêka. Anni chu kha thuhai kha an nâihai kuang inhriattir hrangin:

INPÂKNA HLAHAI 89:39

Ni siahlo thuthung chu nin tira: A rênglukhum chu irnênga paithâk rakin nir hniamtir tâka.

INPÂKNA HLAHAI 98:8

Tuipuihai khan an kut inbênhai sianlân; Tânghai kha raifânin zâi ri sehai,

FESUAKNA 25:16

Lungphêk inhni, thupêkhai chuangna nangni ki ipêk hrang kha a sûnga se roi.

FESUAKNA 31:18

Pathianin Sinai tânga Mosia a chongpui zoiin chu, ama Pathian ngêt khan a irziak thupêkhai chuangna lungphêk inhni kha Mosia kuang khan a pêka.

ISAIA 55:12

Râifân takin Babulon chu suaksan nin ta, Râl irvei loiin nangni hruaisuak an ti, nin matona tâng le mualhai, lômin khêksuak an ti. Rampuia thinghai khom lômin an kut inbên an ti.

ISAIA 8:16

Ki irchutirhaio, thu nangni ki irchuhai kha, inhre maiin, vong insa roi.

ISAIA 8:20

Irchutirna thu nangni ki ihrilhai kha irngaitua sabak roi, anni thuhril chu omzia nei mah.

CHAP HLA 4:20

Rengpa sahriak pol kin isong tak khom an chângkama a khita, ama le irrualin nam dang laia khom, om kin ti chu kin tia.

DANIELA 3:9

Rêng Nebukadnezara kuang khan, “O inlaltak, kumtuangin dam sôt ro,

DANIELA 6:21

Daniela’n rêng kuang khan, “O inlaltak, kumtuangin dam ro;

MATHAIA 21:9

Mipui Jisua maton tianga fehai le a hnung tianga zuihai khan, “Davida Nâipa kuang, Hosana! Rengpa irhminga hong chu inpâkin om ri se. An chung taka khin Hosana!” tiin an khêka.

MATHAIA 27:29

Khanchu, ilhling lukhum an phana, an inkhumtira, a kut chang tiang khianghrol an inchôitira; a makunga khûksadelin, “Judahai Reng, hring sôt roh!” tiin an innuisana.

TÎRTÔNHAI SINTHO 4:27

“Khaang tak khan hi khuaa hin ni siahlo irthiang, Jisua sahriak ni ipoltu chunga khan, Heroda le Pontia Pilata hai kha Jentailhai, Judahai leh an inthurual tâka.

2 KORINTH 1:21

Krista leh irzoma nangni le hringna nin hmutirtu kha Pathian a nia, a sintho hranga nin dangtu khom ama dên a ni,

HEBRAI toc2 HEBRAI 1:9

Thudik nir ngai inhlua, thudikloi ni hnôl ngai. Khasikin Pathian, ni Pathian khan nang inthangin ni hmêlhai nêkin chôiirsâng raifânna nang a ipêk ual ok tâk a ni hi,” ti le.

HEBRAI toc2 HEBRAI 2:9

Khannisianlân, Jisua sôtnote hranga vântîrtônhai nêka irhnuai uala siam kha ei ihmu a ni, Pathian lungkhamna sika mi tin ta hranga thi hrangin. Thina a tuangna sika khan roiinpuina le chôiindômna inkhumin atûn hin ei ihmu tâk a ni.

THUPHUANG 19:12

A mithai kha meichok angin a oma, rênglukhum tamtak a khuma. A chunga irziak irhming ama bana chu tûte’n a omzia an inhriat loi, a nei sa.

1 SAMUELA 10:1

Khanchu Samuela’n sahriak bûr kha a lâka, Saula lu chunga khan a buaka, a tuma. Rengpa khan, “A mi Israelhai chunga hruaitu ni hranga sahriak nang a inâl mo ni ma?

1 SAMUELA 10:24

Khanchu Samuela’n mipuihai kuang, “Rengpa’n mi a inkung hi nin hmu mo? eini lai ata ama ang hi tûte om mak me,” a tia. Khanchu mipui an khêka, “Reng hi hring insôt ri se,” an tia.

1 SAMUELA 16:13

Khanchu Samuela khan sahriak thunna sial irki kha a lâka, a urênghai mithmua khan Davida chu sahriak a’rthutira. Voikhat zelin Rengpa irtha kha Davida chunga a zuang chuma, kha nî rengata kha a ompui mai tâka. Khan Samuela chu Ramah khua tiang a kîr nôk tâka.