2 RÊNGHAI 10:11 - PATHIAN LEKHABU IRTHIANG C.L. Bible (BSI)

¹¹ Jezreel khuaa Ahaba urênghai le sipai hruaituhai le a rual sahai le ochai inkhat lua hôi loiin a thathaia.

2 RÊNGHAI 10:11 ပူးပေါင်းရင်းမြစ်များ

JOBA 18:19

A mihai laia tû le nâi nei no nia, A lêngna hmuna khan tûte a lua hrang om no ni.

THUPHUANG 20:10

Khanchu, annihai huangtu Diabola kha, sahrâng le deipu dol omnaa, kâta kâng meidîla khan an paihaia, kha khan a sûn a zânin hremna tuangin kumkhua’n om ta an ti.

THUPHUANG 19:20

Sahrâng kha an chela, deipu dol, a mit hmua sinirkhêlhai sin ngaipu kha an chel saa. (Kha sinirkhêlhai sika khan sahrâng irsinsiana neihai le a’rlim chubai mûkhai kha a ihuang ngai a ni). Sahrâng le deipu dol kha an ruaiin an hring pumin kâta kâng mei laia khan an paithâk tâka.

HOSEA 1:4

Khan, Rengpa khan a kuang, “A’rhmingin ‘Jezreela’ phua ro; ir-ial loiin Jezreel thisen phuba kha Jehua sûngkuahai chunga la ki ta, Israel sûngkuahai ram kha inkingtir ki ti.

THUVÂRHAI 13:20

Mi vâr irpôlpuiin lân vâr ni ti. Intô irpôlpui chu dengthei tuangna a ni.

INPÂKNA HLAHAI 125:5

Mi siahai deng nin theitir tikin, Ni lampui hnung songhai khom hi denginthei sa roh. Israelhai chunga khan irtharngamna om ri se!

INPÂKNA HLAHAI 109:13

A’rchihai chu irhmangtirin om sianlân; Thoiinthar hong om nôka khan an irhming kha kâtpaiin om ri se.

2 RÊNGHAI 23:20

Khaanga sinthotu ochaihai a thata maichâma khan mihriam ru a hâla, Jerusalema a hong kîr nôk ta.

1 RÊNGHAI 22:6

Ahaba’n deipu irzaminli vêl a koibukhaia, “Ramot khua mo hong doi ning?” tiin ar donhaia. Anni khomin, “Doi roh Rengpa’n nan hnêtir a ti,” an tia.

1 RÊNGHAI 21:22

Ni in mihai chu Nabota nâipa Jeroboama in mihai ang le Ahija nâipa rêng Baasa in mihai angin nangni soisak ki ti; ki ning nin murtira Israelhai ni hruai insualhai tâk sikin.

1 RÊNGHAI 18:40

Elija’n mipuihai kuang khan, “Baal deipuhai tûte insuahai loiin chelpaihai ving roi,” a tia. An chelhaia, Elija’n Kison phâiruama a hruaihaia, khataka khan an thathai ving ta.

1 RÊNGHAI 18:19

Khasikin, Israel mi murdi ni hmupui hrangin Karmel tânga koihai ro; Baal deipu irzaminli sômringa le Asera deipu irzaminli Jezebeli infâhai kha hong hruaihai ro,” a tia.

1 RÊNGHAI 16:11

Zimria khan rêngtoihmun a luaa, a pa Baasa in mihai a thathai nôk vinga, pasal a urêng sûngsuak tûte hôi nei viat loiin,

1 RÊNGHAI 15:29

Reng a hong chang zoi le zel Jeroboama in mihai chu a thathai vinga. Rengpa khan a siahlo Ahija Silo khua mihai kuang a ihril tâk ang khan, Jeroboama in mihai chu tûte hôi loiin a thathai ving tâka.

1 RÊNGHAI 14:10

Hitak sik hin nir chia pasal nâi om murdi nâite ata ulian dênin inram ving ki ti, sahrok phît infâi angin nir chihai phît infâi la ni a ti.

JOSUA 11:8

Rengpa’n Israelhai kuta a pêka, an doia, an that zit zoi mâka chu Misrefotmaim le Sidon dênin an irzûla, nisua tianga Mizpa irhôr dênin an irzûlhai pata.

JOSUA 10:30

khanchu Rengpa’n kha khua kha an lalna leh Israelhai kuta a pêk nôka, khan kha khua kha doiin a sûnga om murdihai chu khandaiin a thathai vinga; a sûnga mi inkhat khom insua viat ma, khanchu Jeriko khuaa rêng chunga a itho ang khan kha mi rêng chunga khom a thoa.

JOSUA 15:56

Jezreel, Jokdeam, Zanoa,

2 RÊNGHAI 10:12

Jehua’n Jezreel a suak sana, Samari khuaa fe a tuma, Lampuia belrapu tual; an itihna khan,

2 THURCHI SUINA 22:8

Jehua chu Ahaba irchihai chunga kut a thâk laiin Jorama dam loi en hrangin Ahazia hai Juda hruaituhai le Ahazia urênghai chu Jehua’n a hmua, a thatpaihai sa tâka.

1 RÊNGHAI 21:29

“Ahaba ki makunga a’rngaiintômzia hi nin hriat mo? hianga irngaiintôm sikin a dam sûng chu a chunga siatna intungtir pe no ning, a nâipa zoro sûnga a in mihai siatna intungtir ki ti,” a tia.

2 RÊNGHAI 9:7

“Ni pu Ahaba in mihai that ni ta, ki siahlohai thisen, Rengpa siahlohai thisen Jezebeli insuakhai thisen phuba chu an chunga ki ilâk hrang a ni.

2 RÊNGHAI 9:9

Ahaba in mihai chu Nebata nâipa Jeroboama in mihai le Ahija nâipa le Baasa in mihai ang khan soisakhai ki ti.

2 THURCHI SUINA 22:7

Jorama a va hro chu Pathianin Ahazia siatna hranga a inkung a ni. An omsuam laiin mi inkhat Nimsia nâipa Jehua a honga, ama hi Ahaba inkamangtir hranga Rengpa mi tîr a ni.