2 RÊNGHAI 1:3 - PATHIAN LEKHABU IRTHIANG C.L. Bible (BSI)

³ Rengpa vântîrtônin Tisbe mi Elija kuang, “Thoiin lân, Samari rêngin mi a itîrhai irtongpui hrangin fe roh. Israel rama Pathian a iom loi ma ni, itho sika Ekron pathian Baalzebuba irdon ni ife?.

2 RÊNGHAI 1:3 ပူးပေါင်းရင်းမြစ်များ

1 RÊNGHAI 11:33

Ama’n chu Sidon mihai pathiannu Asterothi hai, Moab mi pathian Khemosa, Amon mi pathian Milkoma hai zômin, ki lampuia irlôiin, le ki mihai mithmua thil dik a tho no sikin,

1 RÊNGHAI 17:1

Gilead rama Tisbe mi Elija’n Ahaba kuang khan, “Rengpa Israelhai Pathian a sin ki itho pe ngai irhmingin nangni kin hril, kum hni kum thum sûng chu keima ircham ni loiin irnêng chunga hin irdo le rua ite tho viat no ni,” a tia.

1 RÊNGHAI 18:1

Kum thum ten khua a châr zoiin chu, “Ahaba kuang fe ro, rua inthotir hrang ki ni a ti, va ti ro,” a tia.

1 RÊNGHAI 18:36

Khohloi irbôlna zoroa chu deipu Elija’n maichâm chu a hong nâia, a chongchaia, “O Rengpa Abrahama, Isaka le Jakoba Pathian, Israelhai Pathian ni ni le ni thupêkin hi thil ki ini le ni loi atûn hin târinlang roh.

1 RÊNGHAI 19:5

Thing hnuaia toiin a in irnghil tâka, vântîrtônin a kaithoia, a kuang khan, “Thoiin lân fa ro,” a tia.

1 RÊNGHAI 19:7

Khan Rengpa vântirtôn a zuang nôka, a kaithoi nôka, “Thoiin lân fa ro, ni fena hrang lak a la hla zana,” a tia.

1 RÊNGHAI 21:17

Rengpa thu chu Tisbe mi Elija kuang a zuang tunga.

2 RÊNGHAI 1:2

Reng Ahazia chu Samari khuaa a omna in chung sîpa a tâka, a na oka a dam le damloi hrang thua Filistia Ekron khuaa pathian Baalzebuba irdon hrangin mi a tîra.

2 RÊNGHAI 1:6

Anni’n, “Mi inkhat leh kin irtoka, a tîrtu rêng kuang khan kîr nôk unglân, Rengpa’n hiang hin a ti, Israel rama Pathian a iom loi ma ni Ekron pathian Baalzebuba irdon hranga mi ni itîr? ni zâlna hmun ata chum thei ta no chi ni, ni ithi hrang tâk a ti, tiin hril roi,” a ni ti, an tia.

2 RÊNGHAI 1:8

Anni khan, “Pa mul tamtak nei mi a ni; savun kongkhit ar buna,” an tia. Ama khan, “Tisbe mi Elija ni a ti,” a tia.

2 RÊNGHAI 5:15

A neinun hmang murdihai leh khan Pathian mi kuanga a hong kîr nôka, a hmâikunga a ngîra, “Israel rama ti no hin chu ram danga Pathian om mah ti kin hriat ta, en ro, ni siahlo hin thil nang ki ipêk hi lungkham takin ni la pe ro,” a tia.

2 RÊNGHAI 5:8

Reng chardong hraiin a puan an potthêr tah ti Pathian mi Elisa’n a len hriatin chu rêng kuanga mi a tîra. “Itho mo ni puan teh nin potthêra? ki kuang zuang sianlân, Israel rama deipu a om ti inhria a ti,” a tia.

INPÂKNA HLAHAI 76:1

Judahai laia chu Pathian chu inhriatin a oma: Israelhai laia chu ar hming a roiinpui a ni.

ISAIA 8:19

Mithi chongpui theihai, dôi theihai, itin anga irkhek hranga a theihai irdon hrangin nang ti a ti. Ama’n chu, “Irthahai hi irdon hrang a nia, a thihai khom hi a la damhaiin irdon hrang an ni,” lei ti an ti.

JONA 2:8

Thil chanlamboi milak mai mai ngaisaktuhai khan anni iamomna kha an irheisan a ni.

MARKA 3:22

Dân irchutirtuhai Jerusalem rengata zuanghai khan, “Belzebula ikop a ni hi te. Ramilhli rêng sikin kêng ramilhlihai a inhnot suak ngai,” an tia.

TÎRTÔNHAI SINTHO 8:26

Rengpa itîr vântîrtônin Filipa kha a chongpuia, “Thoiin lân, Jerusalem ata Gaza khua zu sun sim tiang ramchâr thengthai tiang khun fe roh,” a tia.

1 SAMUELA 17:46

A vuan hin Rengpa’n nangma hi ki kuta a ni ipêk hrang a ni; nang that ki ta, ni lu nang tan pe hrang ki ni. Filistia sipaihai ruak chu a vuan hin chung tianga vâhai le ramsahai ki infâktir hrang a ni. Kha zoiin chu irnêng chunga mi murdihai hin Israelhai laia hin Pathian a om iti inhre suak ta an ti.