2 RÊNGHAI 1:11 - PATHIAN LEKHABU IRTHIANG C.L. Bible (BSI)

¹¹ Rengin sipai dang sômringa le hruaitu a tîrhai nôka. Ama’n hiang hin a tia, “Nang Pathian mi, rêngin zuang lat ro nang a ti,” a tia.

2 RÊNGHAI 1:11 ပူးပေါင်းရင်းမြစ်များ

2 RÊNGHAI 1:10

Elija’n, “Pathian mi ki niin chu irvân ata mei zuang ta sianlân, nang le ni mi sômringahai kha nangni kâng that ri se,” a tia. Irvân ata mei a zuang tâka, sipaihai chu an hruaitupa leh a kâng thathaia.

2 RÊNGHAI 1:12

Elija’n, “Pathian mi ki niin chu, irvân ata mei zuang ta sianlân, nang le ni rualhai kha nangni kâng that ri se,” a tia. Pathian mei chu a zuang tâk zela, hruaitu leh a sipaihai chu a kâng thathai vinga.

THUVÂRHAI 29:12

Ram hruaitu’n milak thu a’rngaiinna’n chu a sinthotuhai murdi an sual ngai.

ISAIA 26:11

Ni kut nir lek khomin hmu nuam ngai mahai, ni mihai ni inren lam hi irhmutirhai roh. Hmuhai sian mualphoi irla ri sehai, ni râlhai hranga meiri-al laia khan, kâng irhmang ri sehai.

ISAIA 32:7

Mi huatirhamhai huatirhamna chu an thûk bâka! Thil sual tho an tum maia, minlakin inrianghai insiathaia, invâihai dika omhai khom insiat an tum ngai.

JEREMIA 5:3

A dik takin Rengpa’n iamomna hi a izong a ni. Nangni a vîka, khannisian ite bêin bê mak chêia. Tukullian nin nia, nin sual ata irlet nuam mak chêi.

NAMBAR 16:41

Khannisian zîng nôka chu, “Rengpa mihai nin thathai,” tiin Israel mipuihaiin Mosia le Arona kha an chiarkhumhaia.

MATHAIA 2:16

Khan, mi vârhaiin an ihuang a nih ti Heroda’n an hriatin chu, a sân a ning an mur tâka, a zoro thu an irdona an ihril ang khan Bethlehem le a kôlvêl murdia nâipang kum hni hnuai tianga chu an thattirhai zita.

1 SAMUELA 6:9

Khanchu en chian unglân, Beth-Semes khua tiang a fe’n chu ei chunga thil saloi tak hong tung hi Israelhai Pathian itho ni a ti. Khaang khan a fe no’n chu kuttum ni thotu kha ama ni mah ti inhre suak ei ta, ei chunga a hong iom angin bê ei ti,” an tia.