2 PETERA toc2 2 PETERA 3:9 - PATHIAN LEKHABU IRTHIANG C.L. Bible (BSI)

⁹ Senkhat iam lam angin Rengpa hi a thu’nkung hlenna lama ir-ial ma; nin ta hrangin a ituang thei kêng; tûte irhmang nuam maka, mi murdi’n an sual an irleta, a kuang an ikîr a nuam ual a ni.

2 PETERA toc2 2 PETERA 3:9 ပူးပေါင်းရင်းမြစ်များ

INPÂKNA HLAHAI 77:8

A lungkhamna chu kumkhua’n a iboi theng thai ta hrang mani o? A thu’nkung chu irlo tin tin dênin a iboi hrang mani o?

INPÂKNA HLAHAI 86:15

Khannisianlân, O Rengpa, nang chu Pathian, inrennaa sip, lung nin kham theitak, milung ir-ial, lungkhamna le thutaka sip ni ni.

FESUAKNA 18:23

Khaang khan ni thoa, Pathianin chong nang a pêkin chu tho thei ni ta, khaang khan mipuihai milung inchukin mâni in tiang an ichîn thei hrang a ni,” a tia.

FESUAKNA 32:32

Ngaihoi takin an sualna ngaidamin lân; khan ni ngaidam nuam zel no’n chu, ni mihai irhming chuangna bu ata kha, ki’rhming khom kâtpai ro,” a tia.

FESUAKNA 33:11

mi an rualhai leh an ichong ngai angin, Rengpa khan Mosia kha hmâi ir-enin a ichongpui ngai a ni. Kha hnung chu Mosia kha riakbuk tiang a kîr nôk ngai, a chongpuitu ngai ruatharte Nuna nâipa Josua chu puan ina khan a iom ngai a ni.

FESUAKNA 34:6

A maton tiang fe angin Rengpa khan, “Keima Rengpa hi khonza le satna sip Pathian chu ki nia, a ninginmur zel ngai loi lungkhamna lian le iamomna inlang ngaitu chu ki ni.

THUHRILTU 8:11

Sin siat chunga hremna intung zôi loi a ni ngai sikin, mihriamhai milunga chu thilsual tho hrangin a ingam tâk a ni.

ISAIA 30:18

Rengpa inrenna’n nangni a la nghâka, a khonzâna’n nangni a la hrung lai hin, Rengpa’n diktakin roirêl a ti. Ama nghâktuhai chu hoi pehai a ti.

ISAIA 46:13

ki felna sûn chu a hong nâi ta, hla ta mah sôtnote sûngin nangni saninhring ki ta. Zion chu saninhring ki ta, Israel chu roiinpuitir ta ki ti.

EZEKIELA 33:11

Khan an kuang khan Rengpa Pathian hring ki ini ang hin hiang hin ki iti a nih ti pehai roh. Mi sual thina hin lômna zel nei ma unga, kha nêkin chu a sual sinhai mâka, a ihring hi ki ilôm ual a ni. O Israel ni thilsual thohai kha ma ta ro: Itho sika thi ni inuam mai ma ni?

DANIELA 4:29

Tha sôm tha hni hek tiang chu Babulon rêng in sûnga a lêng vêl laiin,

HABAKUKA 2:3

Inlârna hi zoro inkung sûng hrang vai a ni lelea, A king nikhua anai tîr tîra, mâkana ni no ni. Sôt viat khomsian nghâk ro; A zuang tung ngêt hrang sikin inhnung ual no ni.

ROM KHUAA MIHAI KUANGA TÎRTÔN PAULA LEKHATHON 13:11

Atûnlai thil omzia nin inhriat sikin le a inhai thoi zoro a ni tak tak tâk tih nin inhriat sikin, kha kha ki insîr a ni; atûn chu ei iam phut laia nêkin chu ei saninhringna chu anâi ual tâk a ni.

ROM KHUAA MIHAI KUANGA TÎRTÔN PAULA LEKHATHON 13:12

Zân hi a boi vâng vâng tâka, khua a ivâr hrang a ni ta; khasikin izînga sintho chu pai inlân, vâr irbelin irbel ta ei ti.

ROM KHUAA MIHAI KUANGA TÎRTÔN PAULA LEKHATHON 2:4

A ninole, nangni irlettir a nuam sikin Pathian chu khonzâna neiin nangni a nghâk ngai tih inhre loiin satna a nei intamzia le a tuangdiarzia le a entheizia chu a ingainêp ma ni?

ROM KHUAA MIHAI KUANGA TÎRTÔN PAULA LEKHATHON 9:22

Khaang khan Pathianin a tho ngai, a ninginmurna le a sinthotheina inlang nuam khomsian, a ninginmurna dongtu bêl irhmang zôi zâthai chu a tuang zâm zâma,

1 TIMOTHEA toc2 1 TIMOTHEA 1:16

Hi pa sika hin lung a ni inkham a ni, Krista Jisua khan ki chunga a tuangdiarzia an langtir masaa, atûn ata khom ama iamtu murdi’n, kumtuang hringna nei thei an ti entîrna hrang a lei ni.

1 TIMOTHEA toc2 1 TIMOTHEA 2:4

Ama khan mi murdi saninhringa om le thutak inhriat hrangin a inuam a ni.

HEBRAI toc2 HEBRAI 10:37

Pathian Thubu’n, “Sôtnote hnunga chu a zuang hrangtu kha zuang ta a ti; Ir-ial ta no ni.

1 PETERA toc2 1 PETERA 3:20

Khahai kha Nova irkuang tuk sûnga Pathianin tuangdiar taka a nghâk laia, zôm nuamloihai irtha kha an ni. Irkuanga khan, mi tômte, kiriat vai, tuia saninhring an ni.

2 PETERA toc2 2 PETERA 1:4

Khanchu; thilpêk roiinpui tak le hlu tak a inkung chu, a ni pêk tâka, khasika khan rammual irzukna, a nin siatthei ata nin suaka, Pathian zia nin irkoppui thei tâk a ni.

2 PETERA toc2 2 PETERA 3:15

Rengpa tuangdiarna hi saninhring nin ni theina zoro inchuma bê unglân, Pathianin vârna nangni a ipêk angin ei urêngpa inditom tak Paula khomin hi thu hi a irziak ngai a ni.

THUPHUANG 2:21

A sualna ata a’rletna hrangin zoro ki pêka, khannisian, irlet nuam mah.