2 PETERA toc2 2 PETERA 3:7 - PATHIAN LEKHABU IRTHIANG C.L. Bible (BSI)

⁷ Pathian ngaisak loihai chungchâng rêl zoro le irhmangtir tika meia kâng irhmang hrangin atûn irnêng le irvân khom hi Pathian thu’n a ihôi a ni.

2 PETERA toc2 2 PETERA 3:7 ပူးပေါင်းရင်းမြစ်များ

INPÂKNA HLAHAI 102:26

Khahai kha la boi irhmang a ta, nang chu om mai ni ti: A ni, khahai murdi kha silkai angin la milui a ta; Puan angin thûl ni ta, hong danglam ta ni ti:

INPÂKNA HLAHAI 50:3

Ei Pathian chu zuang a ta, dâihrek no ni: A maton tiang chu mei chok zur zur a ta, A kôl vêla khan a sate’n phâivopui tho a ti.

ISAIA 51:6

Irvân tiang nin mit inlêngtir unglân, Hnuai tiang irnêng hi en unglân, irvân khi meikhu angin irzâm zoi a ti, puan angin irnêng hi milui a ta, a sûnga omhai khom thoivâi angin, thi pher phurin om an ti. Ki saninhringna hi chu, kumtuanga hrang a ni, ki inhnêna khom hek thei no ni.

ISAIA 66:15

Irngai ro, mei leh Rengpa chu zuar thok a ti, kêllaiher tâlia hong chuangin a ningmur chu meichok angin kângin innatirhai a ti.

DANIELA 7:9

Khan, ki thîr mai laiin, rêngtoihmun lei irdo diam hi a oma; kha rêngtoihmun inkhat chunga khan kumkhontuanga om maipu kha a hong toia. A tukrivo chu vur anga vâr a nia, a sam chu samul irthiang ang a nia: a rêngtoihmun chu meichok ang a nia, a tâli chu mei ikâng hrang ang a nia.

ZEFANIA 3:8

Khasikin râllâk la hranga ki thoi ni dênin ni nghâk roi, ti hi Rengpa thu suak a ni. Ki thil tum kha an chunga ki ninginmurna ichiom tak kha insum hranga inlalna ramhai irbuktira namhai koi buk hi a nia; irnêng murdi hi ki khôkmâkna meia a la ikâng fâi zit hrang a ni.

MALAKIA 4:1

Irngai u ta, nikhua a zuang tung e, hâl inzôina mei angin a kâng a ni; mi lârirpâk murdihai le sual thotu murdihai kha fapôl ni an ta: kha nikhua zuang tung khan anni kha kâng a ti; a’rzung le a ôn dênin hôi no ni, Sipaihai Rengpa’n a ti.

MATHAIA 10:15

Thudik nangni ki hril, Roirêl nikhuaa chu kha khuahai tuang hrang nêkin chu Sodom le Gomora khuahai tuang hrang chu a zâi om ual a ti.

MATHAIA 11:22

Thudik nangni ki hril, Roirêl Nikhua chu nangni ituang nêkin chu Tura le Sidon mihai ituang chu a zâi om ual a ti.

MATHAIA 11:24

Nang ki hril, Roirêl Nikhuaa chu ni ituang nêkin chu Sodom khua ituang chu a zâi om ual a ti,” a ti.

MATHAIA 12:36

“Nangni ki hril, mihaiin chong chanlamboi an insîr murdihai kha, Roirêlna Nikhuaa chu la hril zit an ti.

MATHAIA 24:35

Irnêng le irvân boi a ta, ki thu chu boi no ni.

MATHAIA 25:41

“Kha zoia chu, a vei tianga mihai kuang khom khan, ‘Khosâl tonghaio, kumkhuaa mei, diabola le a siahlohai ta hranga lei siama khan ni rotsan roi.

MARKA 6:11

Kho khua khomin nangni lôm loia, nin thu an irngai no’n chu, marak unglân, nin kea vâiphin kha hui tha roi. Kha kha an ta hrangin irningna ni a ti,” a tia.

JOHANA 12:48

Tukhom ni hnôla ki thu pom nuam loi chu a chungthu rêl pe hrang inkhat a nei. Ki thu’nsîr ngei kha, zoro hnungkhôna chu a chungthu rêl petu la ni a ti.

ROM KHUAA MIHAI KUANGA TÎRTÔN PAULA LEKHATHON 2:5

Ni tukullian le ni milung ngar sikin Pathian ningmurna nikhua, dik taka Pathianin roi a rêlna nikhua tika mani hremna bukkhôm chian ni ni.

1 KORINTH 3:13

Krista Nikhuaa khan meiin an lâr hrang sikin, mei ngei khan mi tin sintho kha fia ta a ta, a ini tak inlang a ti.

FILIPI 1:28

Khanchu, doituhai chu i ang khomin chi loiin, hâitakin om unglân; khanchu, nangni inhnê no nihaia, inhnêhai nin ti, kha kha anni ta hrangin irhmangna a nih ti irsinsiana feltak ni a ti; asan chu inhnêna nangni petu kha Pathian a ni.

2 THESALONIKA toc2 2 THESALONIKA 2:3

Tukhomin i lampuia khom nangni hruai irhmang no ri se. Pathian ata tehelna chu a hong tunga, Dân insiatpa, Irhmang hrangpa kha, a hong inlang mâka chu kha Nikhua kha hong tung no ni.

1 TIMOTHEA toc2 1 TIMOTHEA 6:9

Irchongna nuam mihai chu inthêmnaa an lûta, huatirhamna invêt, châng ichiom taka an in-ôka, an siatpuia, an irhmang ngai a ni.

HEBRAI toc2 HEBRAI 12:29

ei Pathian hi mi kâng irhmang ngai mei a ni sikin.

2 PETERA toc2 2 PETERA 2:9

Rengpa khan ama chituhai chu tuangna ata sansuak lam le roirêl Ni a zuang tung mâna khom mi sual hrem lam an hriat;

2 PETERA toc2 2 PETERA 3:10

Rengpa Nikhua chu inru angin a zuang itung ngêt hrang a ni. Kha tika chu irhai inring tak le irvân khi kâng irhmang zit a ta; irnêng le a sûnga thil om murdi khom irhmang zit a ti.

2 PETERA toc2 2 PETERA 3:12

Pathian sûn tep nghâkhmo taka nin thîr mai lai hin mi irthiang, Pathian ta hranga irpêk mi nin ini hrang a ni. Kha tika chu irvân khi kâng irhmang a ta, a lum sikin ârsihai khom zôi zit an ti.

1 JOHANA 4:17

Roirêl nikhua kha chi viat loia ei om theina hrangin einia lungthungna chu irkiptir a ni ta; rammuala khom hin ama ang takin ei iom ta a ni.

JUDA 1:7

Khaang dêna khan Sodom le Gomora khua hai kha, an kôlvêla khua hai leh hurna porinchea an irpumpêk zoi tâk sikin, mi tin le inhriattirna’n anni chu kumtuang meia hrem an ni tâk a ni.

THUPHUANG 17:11

Sahrâng lei om tâk kha, om nôk ta no khom kha rêng sarihai pâla kiriatna a nia, irhmangnaa fe thiai tâk a ni.

THUPHUANG 17:8

Sahrâng kha voikhat a lei om tâka, om nôk ta mah. Khannisianlân, khurmongboia irthokin hong suak a ta, irhmangnaa fe a ti. Irnênga mihriam omhai, irnêng le irvân siam mâna hringna lekhabua an irhming irziak loihai khan, sahrâng kha an hmu tena chu, a om tâk, om nôk ta loi, khannisianlân, a hong om nôk hrang tâk sikin, an irngai la’rkhêl tak tak a ti.

THUPHUANG 20:11

Khan, rêngtoihmun vâr lianpa le a chunga toitu kha ki hmua. A makung ata irnêng le irvân an rota an irhmang pat ta.

THUPHUANG 21:1

Khan, irvân thar le irnêng thar ki hmua; irvân masa le irnêng masa kha a boi tâka, tuikhanglian khom om ta mah.