2 PETERA toc2 2 PETERA 3:10 - PATHIAN LEKHABU IRTHIANG C.L. Bible (BSI)

¹⁰ Rengpa Nikhua chu inru angin a zuang itung ngêt hrang a ni. Kha tika chu irhai inring tak le irvân khi kâng irhmang zit a ta; irnêng le a sûnga thil om murdi khom irhmang zit a ti.

2 PETERA toc2 2 PETERA 3:10 ပူးပေါင်းရင်းမြစ်များ

INPÂKNA HLAHAI 102:26

Khahai kha la boi irhmang a ta, nang chu om mai ni ti: A ni, khahai murdi kha silkai angin la milui a ta; Puan angin thûl ni ta, hong danglam ta ni ti:

INPÂKNA HLAHAI 46:6

Nam tin an irse mur mura, ramhai chu an hnînga: Ama chu ar hâi a suaka, irnêng hi a hong zôi tâka,

INPÂKNA HLAHAI 97:5

Tânghai chu khuaihlu angin Rengpa makunga a zor zoi tâka, Rammual pumpui Rengpa makunga khan.

ISAIA 2:12

Kha ni tena chu itinrêng Rengpa’n, lârirpâkhai, irngaiirsânghai, le mi huang hmang murdihai, irhnuaitirhai a ti.

ISAIA 24:19

Irnêng hi a koi chita, irnêng hi irhmangin a om vinga, irnêng hi a saterengin an hnînga.

ISAIA 34:4

Irvâna omhai khom khi râl angin, lekha angin irvân khi inzuatin om a ta, irvâna om murdi khi tâ an ti. Grep le theipui hnâ a ichil ang hin.

ISAIA 51:6

Irvân tiang nin mit inlêngtir unglân, Hnuai tiang irnêng hi en unglân, irvân khi meikhu angin irzâm zoi a ti, puan angin irnêng hi milui a ta, a sûnga omhai khom thoivâi angin, thi pher phurin om an ti. Ki saninhringna hi chu, kumtuanga hrang a ni, ki inhnêna khom hek thei no ni.

JOELA 1:15

Kha nikhua kha a chung a rike! Rengpa nikhua kha anai tâka, Itinrêng thotheitu ata irhmangna ang zuang tung a ti.

JOELA 2:1

Zion-a khan bekul tum unglân, ki tâng irthianga khan râl irdîpna inpuang roi; hi ram sûnga mi murdihai kha inthing ri sehai: Rengpa nikhua kha a zuang tung thiaia, a inâi tâk a ni;

JOELA 2:31

Misa inthim a ta, tha thisena chang a ta, Rengpa nikhua roiinpui tak le irkhêltak kha a zuang tung mân.

JOELA 3:14

Mi sâng tamtakhai kha Jehosafata irhôra an om khôm ta; kha khan a ni, Rengpa nikhua zuang tung hrang a ni.

AMOSA 9:13

Rengpa thu suak khan, “Irngai u ta, nikhuahai a zuang tung thiai a ni,” kha nikhuahaia khan irnêng tukirlettu khan bu âttu le grep chîltu khan chi inthektu kha irzûl phâk a ta; khan, tâng irsâng khan uain thum inzungtir a ta, tâng murdi zôi irhmang a ti.

AMOSA 9:5

Ram kha a tôna, inzôitirtu kha Rengpa sipaihai Pathian kha a nia. Khan, khataka om murdihai kha an chardong a ta; khan, ivadung angin zuang lian a ta, Aigupta vadung angin zuang irkai nôk a ta;

MIKA 1:4

Mei kôla khuaihlu ang le rôla chêntâk ang dênin, tânghai kha a hnuaia khan zôi an ta, irhôrhai kha hong kik chat a ti.

NAHUMA 1:5

Tâng lianhai kha ama sikin an inhnînga, tâng chînte tehai kha a hong zora; a makunga khan irnêng hi an thinga, rammual le a sûnga om murdihai leh khan,

MALAKIA 4:5

Irngai u ta, Rengpa zuangna nikhua ichiom tak le irkhêl tak makunga khan deipu Elija kha nangni zuang tîr pe ki ti.

MATHAIA 24:35

Irnêng le irvân boi a ta, ki thu chu boi no ni.

MARKA 13:31

Irnêng le irvân boi a ta, ki chong chu boi no ni.

LUKA 12:39

Hi hi nin inhriat, inru hong hrang inneitu’n inhre sianlân chu hrung a ta, a in inset no ni.

ROM KHUAA MIHAI KUANGA TÎRTÔN PAULA LEKHATHON 8:20

Thil siamhai chu an mâni nuamlam sik ni loiin, Pathian nuamlam sikin chanlamboi ni hranga hnôl an ni tâk, aniachu, sabei hrang a la om;

1 KORINTH 1:8

Ei Rengpa Jisua Krista Nikhuaa khan khom sêlna boia nin omna hrangin ama khan a mong dênin nangni indet a ti.

1 KORINTH 5:5

Kha mi kha ar tha Rengpa Nikhuaa khan saninhring a ni theina hrangin, a takpum chu irhmang hrangin Setana kuta nin ipêk hrang a ni.

1 THESALONIKA 5:2

Rengpa Nikhua chu zâna inru angin a itung hrang ti nangni ngeiin fel takin nin inhriat.

1 THESALONIKA 5:4

Urênghaio, nangni chu inthima om mak chêia, kha nikhua chu inru angin nangni de no ni.

2 PETERA toc2 2 PETERA 3:11

Hihai hi khaanga siat zit hrang a ni’n chu nangnihai kha i ang mi mo nin ini hrang?

2 PETERA toc2 2 PETERA 3:12

Pathian sûn tep nghâkhmo taka nin thîr mai lai hin mi irthiang, Pathian ta hranga irpêk mi nin ini hrang a ni. Kha tika chu irvân khi kâng irhmang a ta, a lum sikin ârsihai khom zôi zit an ti.

2 PETERA toc2 2 PETERA 3:7

Pathian ngaisak loihai chungchâng rêl zoro le irhmangtir tika meia kâng irhmang hrangin atûn irnêng le irvân khom hi Pathian thu’n a ihôi a ni.

JUDA 1:6

Vântîrtônhai khom an irchamneinahai pom nuam loia, an omna hmun mâksanhai kha, Roirêlna Nikhua roiinpui tika an chungthu rêl hrangin kumtuang thîrhruia khitin inthim hnuaia a isiahai tâk a ni.

THUPHUANG 16:15

“Irngai u ta! Inru angin ki izuang kêng! Irsiama irvô zoi diama omhai chu an vân a sa, silkai boiin a mualinphoi no hrang sikin.

THUPHUANG 20:11

Khan, rêngtoihmun vâr lianpa le a chunga toitu kha ki hmua. A makung ata irnêng le irvân an rota an irhmang pat ta.

THUPHUANG 21:1

Khan, irvân thar le irnêng thar ki hmua; irvân masa le irnêng masa kha a boi tâka, tuikhanglian khom om ta mah.

THUPHUANG 3:3

Khasikin irchutira ni om le ni inhriathai kha inhre maiin lân, zômin lân ni sualna ata irlet roh. Ni har no’n chu inru angin zuang ki ta, itika mo ni kuang ki izuang hrang inhre no chi ni.

THUPHUANG 6:14

Irvân chu lekhabu an inzuatpai angin, a boi tâka; tâng le chômbung tinrêng kha an omna hmun rengata ithînpaiin an om tâka.