2 PETERA toc2 2 PETERA 2:1 - PATHIAN LEKHABU IRTHIANG C.L. Bible (BSI)

¹ Mipuihai laia deipu dol an iom ngai ang khan nangni laia khom irchutirna dikloi la hong om a ti; mi insiat thei irchutirna dikloi inrûkin la hong lûtpui an ta; Inlaltak anni irtantu kha, hnôlin mâni siatna inrang takin intungtir an ti.

2 PETERA toc2 2 PETERA 2:1 ပူးပေါင်းရင်းမြစ်များ

1 RÊNGHAI 22:6

Ahaba’n deipu irzaminli vêl a koibukhaia, “Ramot khua mo hong doi ning?” tiin ar donhaia. Anni khomin, “Doi roh Rengpa’n nan hnêtir a ti,” an tia.

FESUAKNA 15:16

Chitna le ngîkna an chunga chum a ta, Ni bân irnakhrât khan lung angin omchian an ti; O Rengpa ni mihai an thang zoi mâka chu.

ISAIA 9:15

an luhai chu an ulian songhai an nia, an irmei chu deipu minlak tho ngaihai hi an ni.

JEREMIA 29:21

Rengpa Itinrêng thothei, Israelhai Pathianin, Kolaia nâipa Ahaba le Maaseia nâipa Zedekia, a’rhminga milak chong inpuang ngaihai chungthu an sîra. Anni chu Babulon rama rêng Nebukadnezara thuneina inhlan an ta, an mithmu chunga ngêt that an ti, a iti a ni.

JEREMIA 37:19

Babulon rama rêngin, nangma mo, ni ram doi no nih tia nang hril ngai, ni deipuhai imo an ichang zoi ta?

JEREMIA 6:13

Mi tukhom a chîn a lian dik loitaka sum hlo suak an itum a nia; deipuhai le ochaihai khomin mipui an huanghaia.

CHAP HLA 2:14

Deipuhaiin chu thil chanlamboi le minlak an hmu suaka. Ni’rlet theina hrangin ni sual irlang ngai mak chea. Inlârna an ihmuhai khom chanlamboi irhuangna a ni.

HOSEA 9:8

Efraima râl enkoltu kha hi Pathian kuanga om a ni, deipu lak kha lamtuanin chângkamtu chânga a oma, a Pathian ina khom roi irbuloina a om.

MIKA 2:11

“Uain le zu luang a ti,” tia milak hril deipu irvâk vêlhai kha, hi mihai deipu ni le irhoi an ni.

MIKA 3:11

Khataka hruaituhai khan fâkinrûkna sabeiin roi an rêla, khataka ochaihai khan hlo sabeiin an irchûtira, khataka deipuhai khan sum sabeiin pânzia an ena: khaang dôr khom khan Rengpa kha ei laia a iom loi ma ni? Thil saloi ei chunga zuang tung no ni tiin Rengpa chunga nin irnghat a ni.

MIKA 3:5

Pêk hrang neihai kuang, irtharngamna tia khêka, pêk hrang nei loihai irdoina om a ti, tia insîrtu deipuhai khan ki mihai an huanga, an chungchâng thu Rengpa’n hiang hin an sîr:

MALAKIA 3:5

Khan, roirêl hrangin nangni ki zuang inâi hrang a nia; Dôitheihai, uirehai, milaka khomâksâmtuhai chunga le meithâi le fara le irhlofâkhai hlo insiatpaia ngainêptuhai le nam dang lei paithâktuhai le ni chi loituhai chunga khan thu’nhretu sakhi satak ni ki ti, Sipaihai Rengpa’n a ti.

MATHAIA 10:33

Khannisianlân, tukhom vântâng inhriata ni hnôl chu ka Pa irvâna mi makunga hnôl ki ti.

MATHAIA 24:11

Khanchu, deipu dol tamtak la hong suak an ta, mi tamtak la huang an ti.

MATHAIA 24:24

Krista dolhai le deipu dolhai an la isuak hrang a ni, khahai khan thei len vânghai sian chu inthanghai lua an huang theina hrangin irsinsiana le thilirkhêl inthang tho an ti.

MATHAIA 24:5

Mi tamtakin, ‘Mesia kha ki nih,’ tiin keima irhming songin hong an ta, mi tamtak huang an ti.

MATHAIA 7:15

“Deipu dolhai ata irdîn roi, khahai kha belra vun silin nin kuang an hong ngai; an sûng tiang chu inê ang an ni.

MARKA 13:22

Krista dol le deipu dol an la suak hrang sikin, Pathian mi irthianghai ten khom an theiin chu an huang theina hrangin sin irkhêlhai le thilirkhêlhai khom tho an ti.

LUKA 12:9

Khannisianlân, mihai makunga ni hnôl ka chu Mihriam Nâipa khomin Pathian vântîrtônhai makunga hnôl a ti.

LUKA 21:8

Ama’n, “Hruai pai nin ni nona hrangin irdîn roi; ki’rhming songin, ‘keima hi ki ni, a zoro tung hrang a ni ta,’ tiin mi tamtak hong suak an ti, an hnung zui no roi.

LUKA 6:26

“Mi tinin nangni an inpâk tika chu lungkham nin la iom hrang kêng; khaang dênin an irchibulhaiin deipu dolhai an inpâk ngai.

ROM KHUAA MIHAI KUANGA TÎRTÔN PAULA LEKHATHON 16:18

Khaang mihai khan ei Rengpa Krista sintho mahai, mâni phîngpui sintho chian an ni. An chong hmang thiam le chong hoiin mi’nmôlhai kha an huanghai ngai a ni.

1 KORINTH 11:19

(Mi dikhai kha an inlang theina hrangin nin laia irsenna a om hrang pial a ni.)

1 KORINTH 6:20

mana irchôk kêng nin ini tâk, khasikin nin takpum kha Pathian roiinpuina hrangin hmang roi.

1 KORINTH 7:23

Pathianin mana nangni a irchôk tâk kêng; khasikin mihriamhai suak chang no roi.

GALATIA 2:4

Iamtu dol, Jisua Krista Zalênna ei nei enirchik hranga an laia lût inrukhaiiin chu suaka nin lûttir an tuma.

GALATIA 3:13

Thinga inkhâi chu khosâl tong a ni,” ti irziak ang khan. Krista khan ei ta hrangin khua isâlna kha pêlin Dân khosâlna ata a ni sansuak tâk.

GALATIA 4:17

Ni irdoipuihai hin a sa lama nangni hong ngaisak ni mahaia, nangni hruaipaia, nin irngaiinhluthai an nuam sika kêng.

GALATIA 5:20

millim biakna hai, dôi hai, irkhôkmâkna hai, irngôna hai, hnarsâna hai, milung saloi hai, dohasa hai, irthekindarna hai, irsenna hai,

EFESI 1:7

Krista thisenin irtan ei ni tâka, ei sualnahai ngaidam a ni tâk. Pathian lungkhamna chu an thûk tak taka.

EFESI 4:14

Khanchu, mihriam vârirlethaiin, an minlakna hmanga ihuanga omin, irchûna dikloi sika tuilian isok le phâivua’n hi tiang so tianga a isok le a isêm nâipang siat ang hi ni no roi.

DÂN INHNINA 32:6

Mi’nvêt le mi hnanghaio, hiang hin mo Rengpa nin Pathian kha nin ithuan hrang? Nangni neitu nin pa a ni, nangni a siama, nangni a inpuihlingtir a ni.

FILIPI 3:19

Khahai mongna hrang chu siatna a ni, fâk hrang hi Pathiana an bêa, an inzakpui hrang thilhai kha an song uala, rammual thil ringot an ingaitua a ni.

KOLOSA 2:18

Takpum irngainêp hrang, vântîrtônhai khom biak hrang tia inlârna danglam bîk hmua irbe, taksa lungrîl tak irputa, ite ni loia irpâkhai hi nin chunga ircham inneitirhai no roi.

KOLOSA 2:8

Irdîn roi, Kristaa suak ni loi, rammual irchutirna dikloi ramkhohri ata suak, rammual vârna an iti mihriam irchu nôk mai mai khan tu mo khatin nangni an huang itinin.

1 TIMOTHEA toc2 1 TIMOTHEA 5:8

Khannisianlân, tukhomin mâni in tiang le khuahai, a bîkin mâni in sûng mihai a donsui no’n chu a iamna kha a hnôla, iamloi mi nêkin an sual ual a ni.

2 TIMOTHEA toc2 2 TIMOTHEA 4:3

Irchutirna hrisêl irngai nuam sabak loiin an nuamlam vai irngaiin an mikuar lût lam anga irchutirtuhai vai an koibuk zoro la tung a ti.

TITA toc2 TITA 1:11

Khahai bâi kha hîp pehai hrang a ni; a sûngkua kuain mihai an inbuaihaia, sum hmu hrang sabeiin irchutir loi hrang hrang mi an irchutir ngaia.

TITA toc2 TITA 3:10

Irsen indarna insuaktu chu voikhat voihni ngo’n lân irngaitua zui no roh.

HEBRAI toc2 HEBRAI 10:29

Pathian Nâipa hnuaisiaa, Pathian thuthung thisen ama irthiangna kha itea bê loia, lungkhamna Irtha êro mi kha idôra dûk rik ual mo tuang sian nin irhoitir?

1 PETERA toc2 1 PETERA 1:8

Ama hmuloi khomin lung nin thunga, atûn ama nin hmu ual no khomin nin iama, raifânna irkhêl insîr thei loi le roiinpuina’n nin isip a ni;

2 PETERA toc2 2 PETERA 2:3

Sum an hmu theina hrangin huatirham takin an thu phuachôp khan bepârna hrangin nangni an hmanga; khannisianlân, tiana an chunga roirêl sai tâk chu om chian chian no ni, anni irhmangtirtu hrang kha a ihar chian tâk a ni.

1 JOHANA 2:26

Nangni hruai irhmang tumtuhai chungchâng thu hi nin kuang ki irziak a ni.

1 JOHANA 4:1

Inditom takhaio, irtha narân hi iam no roi, irtha chu Pathian ata zuang suak a ni le ni loi fia bak ngai roi; deipu dol tamtak rammuala an hong suak tâk sikin.

JUDA 1:18

“Zoro hnungkhôna chu, nangni innuisantuhai, Pathian uksak loia mâni irzukna ang taka omhai la om an ti,” tia nangni a ihril kha.

JUDA 1:4

Mi senkhat Pathian nei loihai, inrûkin ei laia hong lût an oma, kha mihai khan ei Pathian lungkhamna kha hurna an inchangtira, ei Hruaitu le ei Rengpa neisun Jisua Krista khom pom mahai. Kha mihai khan thiamno an chang hrang dân chu tianlai ata Pathian Thubu’n a lei inpuang sai diam tâk a ni.

THUPHUANG 13:14

Sahrâng masa mit hmua sinirkhêl sin hranga phalna a hmu sika khan irnênga mi murdihai a huanga; an kuang, sahrâng khandaia pop tâk la dam nôk chôiirsângna hrangin ama irlim siam hrangin thu a pêka.

THUPHUANG 2:13

Ni omna hmun Setana toihmun omna kha kin hriat. Ki’rhming nin tûk ngita, ki inhriatpuitu iamom tak Antipas, Setana omnaa nin laia an that lai khoma khan ni iamna hi ma mak che.

THUPHUANG 2:9

Ni dengtheizia le nin riangzia kin hriat, khannisianlân, nir chong, Juda tak ni loia, Setana pâla mi Juda irtihai nang insîrinsiatzia kha kin hriat!

THUPHUANG 3:8

Ni sintho murdi kin hriat: sinthotheina chînte ni nei, khan khomin ki thu ni poma, ki’rhming hnôl mak che ti kin hriat. Khasikin tûte khâr theiloi mikot kha ni makunga ki inhong a ni.

THUPHUANG 5:9

“Nangma lekhabu irzuat kha lâka, A’rsinsiana inhongrua ni ni; Thatin ni oma, ni thina sika khan chi tina mihai, chong tina mihai, ram tina mihai, Pathian ta hrangin ni thisenin nir chôk tâk.

THUPHUANG 6:10

Anni khan hnukirhai inring takin, “Itinrêngthothei Rengpa, A’rthiang le A diktu! Idôr ten mo irnênga mihai chunga roirêl loiin kin thisen phuba la loiin ni iom hrang?” tiin an khêka.