2 PETERA toc2 2 PETERA 1:3 - PATHIAN LEKHABU IRTHIANG C.L. Bible (BSI)

³ A roiinpuina le a satna dong hranga ni koipu ei inhriatna sika, sakhua diktak hringnuna ei om theina hrangin, thil ei innang murdi Pathian sinthotheina lianin a ni pêk ta.

2 PETERA toc2 2 PETERA 1:3 ပူးပေါင်းရင်းမြစ်များ

1 PETERA toc2 1 PETERA 5:10

Sôtnote nin tuang zoiin, Kristaa a kumtuang roiinpuina chang hranga nangni koitu, lunginkhamna sip Pathian khan nangni zuang inngîrtir a ta, siaminsa irkipin, inhrâtin nangni indet a ti.

2 TIMOTHEA toc2 2 TIMOTHEA 1:9

Ei sintho sika ni loiin ama tum dân a ni ual sikin lungkhamna’n a ni saninhringa, irthiang taka hring hrangin a ni ikoi a ni. Krista Jisuaa khan irnêng irsiang mân daiha a lungkhamna kha a ni pêk tâka.

INPÂKNA HLAHAI 84:11

Rengpa Pathian kha misa le phô a ni: Rengpa khan lungkhamna le roiinpuina nang pe a ta: Diktaka omhai ata chu thil sa rêng rêng inhnar no ni.

ROM KHUAA MIHAI KUANGA TÎRTÔN PAULA LEKHATHON 8:32

Ama Nâipa ngei khom hôi loia ei rênga hranga pêktu khan itinrêng manboiin a ni ipêk sa loi hrang ma ni?

2 KORINTH 12:9

Khannisianlân, ama khan, “Ki lungkhamna hi kêng ni irhelpui tak, ni hrât loi zoro’n kêng ki sinthotheina a irkip ngai,” tiin a ni sâm. Khasikin ki chunga Krista sinthotheina ki chunga a om theina hrangin lôm takin ki hrât loinahai hi song ual ta ki ti.

1 PETERA toc2 1 PETERA 2:21

Hianga om hrangin Pathian ikoi nin ni, Krista khom khan nin ta hrangin a tuanga, enton hranga a ke hnung nin zui theina hrangin nangni a imâk pe a ni.

2 THESALONIKA toc2 2 THESALONIKA 2:14

Kha hranga khan ei Rengpa Jisua Krista roiinpuina changna hrangin ei Thurchi Sa hril hmangin nangni a ikoi a ni.

1 PETERA toc2 1 PETERA 2:9

Nangni chu nam inthang, Rengpa ochai, nam irthiang, Pathian ta bîk, ama vâr irkhêl taka lût hranga inthim ata nangni koi suaktu Pathian sintho roiinpui inpuang hrang nin ni.

1 THESALONIKA 2:12

A ram le a roiinpuina chang sa hranga nangni koitu Pathian mi irphuaa om hranga ngênin, inthorin, nangni kin inhriatir ngai a ni.

1 THESALONIKA 4:7

Pathianin chu porinche taka om hrang ni loiin irthiang taka om hrangin a ni ikoi a ni.

1 PETERA toc2 1 PETERA 1:15

Nangni a koitu a irthiang angin nangni khom nin om lam murdia lei irthiang roi.

EFESI 4:1

Khanchu, nangni a ikoina irphua om hrangin kei, Rengpa sika intâng hin, nangni ki ngên.

1 KORINTH 1:9

Pathian, a Nâipa Jisua Krista, ei Rengpa leh irpôlna nei hranga nangni koitu kha iiam a iom a ni:

2 PETERA toc2 2 PETERA 1:2

Pathian le ei Rengpa Jisua nin inhriatnaa lungkhamna le irngeina nin chunga inpungin om ri se.

2 PETERA toc2 2 PETERA 1:5

Hi sika hin thei dôr insua nin iamnaa khan satna inkoptir unglân, nin satnaa khan inhriatna,

1 PETERA toc2 1 PETERA 3:9

Sual kha sualin thuan no unglân, khuasâlna khom khuasâlna’n thuan loiin satvurhai roi; satvurna dong hrang kêngin Pathianin nangni a ikoi.

KOLOSA 1:16

Amaa khan itinrêng, irvâna om hai, irnênga om hai, hmu thei hai, hmu theiloi hai siam a nia; rêngtoihmun hai roirêlna hai, inlalna hai, irchamneina hai, itinrêng hi ama sika siam a nia, ama ta hranga a ni sa.

1 TIMOTHEA toc2 1 TIMOTHEA 4:8

Taksaa irsep hi an lâpa, irtha tianga irsepna len vâng chu lam tinrênga an lâpa, atûn hring sûng le nakan hringnun hrangin an lâp tak tak a ni.

EFESI 4:4

Nangni a ikoina san sabeina hmunkhat nei hranga koi nin ini angin, Takpum inkhat le Irtha inkhat vai a om.

FILIPI 4:8

A mongna taka chu urênghaio, a dik le mahripom murdi, a fel le irthiang murdi, inditom le a thanginsat murdi, satna a oma inpâk ruk a om photin chu, khahai kha ngaitua roi.

MATHAIA 28:18

Jisua’n a hong panhaia, anni kha a chongpuihaia, “Irnêng le irvâna irchamneina murdi ki kuang pêk a ni ta.

HEBRAI toc2 HEBRAI 1:3

Ama chu a Pathian roiinpuina vâr le, a tak angpui ngei le, ama sinthotheina thua itinrêng indingtu neiin, sualhai a’rthiangtir hnungin chung tianga Roiinpuitak chang tianga khin a hong toi ta.

INPÂKNA HLAHAI 110:3

Ni râlhai ni doi ni sûn chu Ni mihai chu mâni irchamin hong irpe an ta; Zîng irdo angin ni vânglaihai chu ni tâng irthianga khan ni kuang hong an ti.

1 PETERA toc2 1 PETERA 1:5

Ama nin iam sikin saninhringna sinsiam sai, zoro hnungkhôna inlang a ni dênin, Pathian sinthotheina khan nangni vong a ti.

ROM KHUAA MIHAI KUANGA TÎRTÔN PAULA LEKHATHON 9:24

Judahai lai ata vai ni loiin Jentailhai lai ata a ikoi suakhai hi, khaang bêlhai kha ei ni.

THUVÂRHAI 12:4

Nupang omlam sa chu a pasal hrangin lômna le rênglukhum a nia, nupang, a pasal hranga hmâimôk intungtu rêk chu a ru zêm inkhiaktu ang kha a ni.

RUTHI 3:11

Atûn hin, ki nâinu, chi no ro; ni izong ang lam takin ni chunga nang tho pe ki ti. Kin khuaa mi murdihaiin nupang fel tak ni nih ti nang an inhriat ving kêng.

THUVÂRHAI 31:29

“Nupang tamtak dôngma sa an oma, khannisian nangma dôra sa chu om mah,” a ti ngai.

THUVÂRHAI 31:10

Nupang fel tu mo hmu thei hrang? Lunghlu tamtak nêk khomin a hlu ual.

FILIPI 3:8

Kha vai kha ni mah, ki Rengpa Jisua Krista inhriat hi a sân a hlua, itinrêng hi inchânna ki bê tâka, Krista kha ki nei theina hrang le ama leh pumkhat kin ni theina hrangin, ama sikin itinrêng kin chân tâka.

2 PETERA toc2 2 PETERA 1:6

nin inhriatnaa khan mâni irsepna, mâni irsepnaa khan diarna,

2 PETERA toc2 2 PETERA 1:8

Hi nitna hi nin innang a ni, kha kha chu nin neia, a pung maiin chu ei Rengpa Jisua Krista nin inhriatnaa takirtâi tak le poimo takin nangni siam a ti.

2 PETERA toc2 2 PETERA 1:10

Khanchu, urênghaio, nangni a ikoina le nangni a inthang hi inlangtir hrangin theidôra takirtâina insua’n, det takin ngîr roi; khaanga ngîrhai chu itiklai khomin tûk siat no nihai.

2 PETERA toc2 2 PETERA 2:20

Rengpa le Saninhringtu Jisua Krista an inhriat sikin rammual porinchenahai an intân suaksan hnungin kha dêna khan intân nôk an ta, inhnê nôkin an omin chu, a phuta nêkin inhnunga an dinghmun kha chu siat ual tak ni a ti.

2 PETERA toc2 2 PETERA 3:18

Ei Rengpa le saninhringtu Jisua Krista inhriatna hai, lungkhamna hai irsônlian mai roi. A kuanga khan roiinpuina atûn ata kumtuang dênin om ri se. Amen.