2 KORINTH 7:8 - PATHIAN LEKHABU IRTHIANG C.L. Bible (BSI)

⁸ Ki lekha thon khan lungdûk nangni tho khom sian, irsîr ta ma ung, zoro sôt ok loi chu lungdûk nangni a tho ti kin hriata, ki irsîr a ni.

2 KORINTH 7:8 ပူးပေါင်းရင်းမြစ်များ

THUPHUANG 3:19

Lung ki ithung ka chu ki hrila, ki zêm ngai, khasikin sathnem irngaiin lân, ni sualna ata irlet roh.

2 KORINTH 7:11

En u ta, nin lungdûknaa Pathian sintho hi, sathnem irngaina nangni an neizia hai, nin irthiangzia fia nin nuam dân hai, ninginthikna hai, irningna hai, ngaituana hai, irpêkna hai, tho’nsualna hai dengintheina hai hranga nin irsiam dân hai kha! kha thu rêng rênga khan nangni chu sêlna om mak chêi ti nin inlang a ni.

2 KORINTH 7:6

Khannisian, Pathian, lungrîl ngûi inthorinhar ngaitu khan Tita hongna sikin a nin thorinhartir.

JOHANA 21:17

A voithumna khan a kuang, “Simon, Johana nâipa, nangin lung ni ni thung mo?” a tia. Jisua’n a voithumna’n, “Nangin lung ni ni thung mo?” a ti pe nôk sikin, Petera irngai a siat tâka. “Rengpa itinrêng nin hriat, lung nang ki thung ti nin hriat,” a tia. Jisua’n a kuang, “Ki belrahai infa roh.

JOHANA 16:6

Hi thu hi nin kuang kin sîr sikin nin milung kha chardongna’n a sip tâka.

CHAP HLA 3:32

A nin renin lung a ni ithung ngêt hrang a ni.

2 KORINTH 7:7

A hongna ringot kha nin ilôm ni maka, ama nin lei inthor inharzia a ni hrilna khom kha a nia. Ama khan, ni hmu nin nuamzia hai, nin milung nin ni inlêngpuizia hai le ni thop hranga nin irsiamzia hai a ni hril sikin, atûna hin chu ki lôm ual ok tâk.

2 KORINTH 7:9

Khannisianlân, atûn chu ki râi a fân ok, lungdûk nangni ki tho sika ni loiin, nin lungdûkna khan nin lampui nangni an tung sikin a ni. Kha lungdûkna kha Pathianin a ihmang a ni, khasikin nin chunga tho’nsual ma ung.

2 KORINTH 7:12

Khasikin nin kuang irziak inlân khom a sual thotu sika khan ki irziak ni maka, a sual tuangtu sika khan khom ki irziak ni maka, kin chunga nin sathnem irngaizia Pathian mit hmua nin kuanga inhriattira a om theina hrangin ki irziak ual a ni.