2 KORINTH 7:4 - PATHIAN LEKHABU IRTHIANG C.L. Bible (BSI)

⁴ Nangni kin hriat infel oka, nangni ki song tak tak a ni. Kin buaina tinrêng khoma khan lungrîl hrâtna’n ki sip maia; râifânna’n ki isip lêt a ni.

2 KORINTH 7:4 ပူးပေါင်းရင်းမြစ်များ

2 KORINTH 1:4

A kuanga irthok ata ei idong changpuina ngei kha hmangin buaina chi tinrêng nei mihai ei changpui theina hrangin ei buaina tinrênga Pathianin a ni changpui ngai.

2 KORINTH 3:12

Kha tûngna kha kin nei sikin kin ihâi a ni.

JAKOBA toc2 JAKOBA 1:2

Ki urênghaio, fiana chi tinrêng nin tong tena thil raifân omin bê zit roi,

KOLOSA 1:24

Nangni sika ki tuangna hin atûn hin ki râi a ifân a ni. A takpum, Koiindang ta hranga Krista tuang bakhai kha ki takpumin ki isunzom mai a ni.

FILIPI 2:17

Nin iamna sin thôna le irbôlnaa khan inhlana om hrang ni khom inlân lôm ki ti, nangni khom nangni lômpui sa ki ti.

1 KORINTH 1:4

Pathianin Krista Jisuaa lungkhamna nangni a ipêk ang hin nin chungchânga ki Pathian kuang itiklai khomin lômthu kin sîr ngai a ni.

1 THESALONIKA 2:19

Kin sabeina mani, ki raifânna mani, ei inhnêna chôiindômna rênglukhum isong hrang hi i ma ni? Ei Rengpa Jisua a zuang tika, a makunga chu nangni ngei hi nin ini loi hrang ma ni?

1 THESALONIKA 2:2

Nin inhriat angin Filipi khuaa khan inzakom taka soisak tuang khom inlân, irdoina tamtak kâra nin kuang Thurchi Sa hril hrangin ei Pathianin hâina a ni pêk a ni.

FILIPI 1:20

Ki inuam tak le ki isabei ngit kha ite mualinphoi loia, hâitaka i zoroa khom, hi zoro ngêta khom hin, damin mo ithiin mo, ki taksa Krista chôiindôm hi a ni.

2 KORINTH 11:21

Khahai tho hrangin chu kin chi hrai sikin a pom khom kin zak. Khannisianlân, tukhomin i ang lama khom an irsong ngamin chu, into angin ki ichong a ni, kei khom ki’rsong ngam.

2 KORINTH 8:24

Khahai kuanga khan nin lungthungna inlang roi, nangni kin songna chungchâng thua hin kin idik ti Koiindanghai murdi’n an inhriat infel theina hrangin.

2 KORINTH 2:14

Khannisianlân, Pathian kuang lômthu om ri se! Krista inhnêna sika lampui hrôna khan mi intâng ang khan Pathianin Krista leh irzomin a ni hruai mai ngai sikin. Krista inhriatna thu kha hmun tina mirimhoi ang khan irthekindarh hrangin Pathianin a ni ihmang ngai a ni.

ROM KHUAA MIHAI KUANGA TÎRTÔN PAULA LEKHATHON 5:3

Khabana ei intaknaa khom ei ilôm mai a ni; intakna’n dorôina a siama,

TÎRTÔNHAI SINTHO 5:41

Khanchu Jisua irhming sika mualphoi tuang hranga inruk an ni sikin, lôm takin Sanhedrin ata an suak ta.

2 KORINTH 7:14

A kuanga nangni song ngai khom inlân, mualinphoi ma ung. Nin kuang thutak kin hril mai ngai, khaang khan, Tita kuanga nangni ki songna khan a dik iti a ifia a ni.

2 KORINTH 10:8

Nangni setna hrang ni loia nangni indingna hranga Rengpa’n irchamneina a ni ipêk hi song ual viat khom inlân, inzak ma ung.

FILIPI 1:14

Urêng tam ualhai khomin ki thîrkol bun sikin Rengpa an iam uala, chi loiin Pathian thu khom an hril ngam ta.

FILIPI 1:26

Ki hong nôk tika chu keima sikin Krista lan pâk ual nin ti.

2 THESALONIKA toc2 2 THESALONIKA 1:4

Dengintheina le intak tinrêng dorôi takin nin tuanga, iamnaa nin detzia le nin dorôizia hai hi koiindanghai laia nangni kin song ngai a ni.

FILEMONA toc2 FILEMONA 1:7

Urêngpa, ni lungthungna thu kin hriatin ki râi a fân tak taka, mi irthianghai lungrîl khom ni kaiinhar tâk sikin ki’rtha a’rngam ruam ta a ni.