2 KORINTH 4:4 - PATHIAN LEKHABU IRTHIANG C.L. Bible (BSI)

⁴ Hi rammuala pathian saloi khan an milung inchong inthima a sia pehai sikin an iiam loi a ni. Krista, Pathian angna neitu roiinpuizia Thurchi sa vâr an chunga zuang inlang kha an hmu loina hrangin an mit a incho pehai a ni.

2 KORINTH 4:4 ပူးပေါင်းရင်းမြစ်များ

JOHANA 12:40

“Pathianin an mit an chotir pehaia, An milung an ngartir sa, An mitin an hmu nona hrang le an milungin an inhriat thei nona hrangin. Khanchu, hong kîr nôk an ta, Anni kha ki lei indamhai itinin,” a iti ang khan.

2 KORINTH 3:14

A dik takin, an milung sûng kha ar khâr a ni, a vuan sûn ten khoma hin Thuthung Lui an tepin chu kha irkhûna ngêt khan an milung sûng ar khu ngai.

TÎRTÔNHAI SINTHO 26:18

Keima ni iam sika an sualhai ngaidam an nina hrangin mi irthianghai laia irchon dongtum an nei sa theina hrangin. An mit invâr hrangin, inthim ata vâr hong inkîrtir hrangin Setana thuhnuai ata Pathian tiang hong inkîrtirtu hrang ni ni,” a ni tia.

ISAIA 6:10

Hi mihai lungrîl hi inchotir pehaiin lân, an beng sêt sianlân, an mit inthim pehai sian. Anino’nchu, an mitin hmu an ta, an mikuarin inhrena an ti, an lungrîla inhre mai an ta, irletin indam nina an ti, a tia.

1 JOHANA 5:19

Rammual pumpui hi Mi sualpa thuhnuaia om sian khom Pathian ata suak ei nih ti ei inhriat.

2 KORINTH 4:6

“Inthima irthokin vâr hong vâr suak a ti,” tihtu Pathian ngêt khan a ni, Krista hmêla Pathian roiinpuina vâr suak kin inhriatna hrangin kin lungrîl a ivâr tâk a ni.

EFESI 2:2

Kha laia khan chu rammuala lampui sa loihai zuiin, boiruaka irtha sinthotheinahai roirêltu thu nin izôm a ni, atûna Pathian thu zôm loihai laia sintho mai irtha hi.

EFESI 6:12

Mihriam râl doi mak meh, inlalna hai le irchamneina hai, hi rammual inthim chunga roirêltuhai le irvân hmuna irtha sual omhai ei idoi ual a ni hi.

JOHANA 12:31

Atûn hin rammual chungchâng ngaitua lai a ni, atûn hin rammual roirêltu hi pai suak ni a ti.

JOHANA 8:12

Jisua’n Farisaihai kuang thu an sîr nôka, “Keima hi rammual êl invârpu ki ni. Tukhom a ni zuitu chu inthima lêng viat no nihaia, hringna vâr nei ual an ti,” a tia.

JOHANA 12:35

Jisua’n an kuang, “Vâr hi sôtnote nin laia la om a ti. Vâr nin nei sûng hin chai roi, inthimin nangni a de nona hrangin, tukhom inthima lêng chu a fena inhre ngai ma.

JOHANA 14:30

Zoro sôt ualin chu nin kuang thu insîr intam ta no ning, hi rammual roirêlpu hi a hong hrang sikin, ama’n ki chunga irchamnei mah,

2 KORINTH 3:18

Keini chu kin rêngin hmâi irkhu loiin Rengpa roiinpuina chu kin inlangtira, roiinpui ata roiinpui ual ual hrangin, ama irangpuia om hrangin, irthiangtir mai ei ni, kha kha Rengpa ti a ni, ama kha Irtha a ni.

KOLOSA 1:27

Kha mihai kuang khan Nam tin ta hranga thu’rthup roiinpui le hlu tak kha Pathianin inhriattir a nuam ngei a ni; kha thu’rthup kha, Krista nangnia om, roiinpuina sabeina san kha a ni.

KOLOSA 1:15

Krista kha hmu theiloi Pathian angpui, thil siam murdi mahruaitu a ni.

1 JOHANA 2:8

Khannisian atûna nin kuanga thupêk ki irziak hi a thar a ni, kha thutak kha Kristaa leh nangnia an lang; inthim kha a hong irkiang thiaia, vâr tak tak a hong vâr tâk sikin.

FILIPI 2:6

Ama kha Pathian irangpui ni khomsianlân, Pathian irangpuia om kha tum ngit hrangin irbe maka,

JOHANA 1:14

Khan, Thu chu mihriam a zuang changa, ei laia a zuang om tâka. A roiinpuizia ei hmu, Pa nâi khât neisun roiinpuina chu, lungkham le thu takin a sip.

HEBRAI toc2 HEBRAI 1:3

Ama chu a Pathian roiinpuina vâr le, a tak angpui ngei le, ama sinthotheina thua itinrêng indingtu neiin, sualhai a’rthiangtir hnungin chung tianga Roiinpuitak chang tianga khin a hong toi ta.

TITA toc2 TITA 2:13

Ei Pathian roiinpui taka a zuang inlangna nikho lômom ei isabei hi hlo’nchuk zoro ei inghâk a ni.

JOHANA 16:11

roirêlna lama khom thiamno an ichang a ni, hi rammual roirêltu khom thiamno changin a om tâk sikin.

2 PETERA toc2 2 PETERA 1:19

Deipuhai thu lei inpuang kha a dik ngêt tih keini khomin kin pom indet uala, nangni khomin, Vârpâr Ârsi a zuang inlang mân vâr angin, kha thu kha nin milunga invârtu hmang unglân sa a ti.

2 KORINTH 3:11

Kha zoro sôtloitea lua khan roiinpuina a omin te, kumtuanga hrang vânga kha teh idôra roiinpuina lian ual mo a iom hrang tâk!

1 KORINTH 10:20

Ni mak e! ki iti chu sonong maichâma irbôlna kha Pathian kuanga ni loiin ramilhlihai kuang an inhlan a ni ual. Ramilhlihai leh irzom hrangin chu nangni ki inuam viat loi a ni.

JOHANA 12:45

Tukhom a ni hmu chu a ni tîrtu hmu a ni.

JOHANA 15:24

Mi dang tûte la tho ngai loi thilhai an laia tho no inlân chu sual nei no nihai; atûn chu ki sinthohai an hmua, kei le Pa chu an ni ihnôl tâk a ni.

JOHANA 1:18

Tukhomin Pathian hmu ngai mahai; Pa Nâipa nei sun, a rôpsuama om khan, a thurchi an hriattir ta a ni.

INPÂKNA HLAHAI 50:2

Satirkipna, Zion ata chu, Pathian chu a vâr suak tâka,

1 TIMOTHEA toc2 1 TIMOTHEA 1:11

Inpâk inruk Pathianin inpuang hranga a ni inkoltir Thurchi Sa roiinpui irkalna tianga irchutir uar hai chunga irlek hrang a ni.

1 RÊNGHAI 22:22

Rengpa’n, “Itin mo ni ihuang hrang,?” a tia. Irtha khan, “Zu fe ki ta, Ahaba deipuhai laia minlak tho pehai ki ti,” a tia. Rengpa’n “Fe’n lân, zu huanghai ro, hlo hong chuk ni ti,” a tia.

MATHAIA 13:22

Fachî ilhling kâra tâk kha thu inhre tâkhai an ni, Khannisian, hi rammual kanna le irchongnahai khan thu kha a dîpa, ra nei ngai mah.

TÎRTÔNHAI SINTHO 26:23

Krista khan dûk tuang a ta, mithi lai ata thoi nôkna mahruaitu nih a ta, Judahai le Jentailhai kuang vâr irhmutir masa tak ni a ti, an ti thu kha,” a tia.

2 KORINTH 2:11

Setana’n ei chunga zoro’nchum a hmu loina hrangin; a tumnahai ei inhriat chian sikin.

2 KORINTH 2:12

Krista Thurchi Sa insîr hrangin Troas ki tungin chu, khataka sintho hrangin Rengpa’n lam a nin hong pe ki hmu.

GALATIA 1:4

Pathian, ei Pa nuamlam zômin atûn zoro saloi ata ni sansuak hrang le ei sualhai ni’rsunfâi pe hrangin Krista kha a’rpêk tâka.

HEBRAI toc2 HEBRAI 6:4

Khan, voikhat chu Pathian vâra om tâka, irvân thilpêk irtem tâka, Irtha Irthiang khom dong tâka,

1 JOHANA 2:11

Tukhom mâni urêng khôkmâktu chu inthima a oma, inthima a’rvâk ngaia, inthimin a mit an zîng pe ngai sikin a fena khom a inhriat ngai loi a ni.