2 KORINTH 3:3 - PATHIAN LEKHABU IRTHIANG C.L. Bible (BSI)

³ Nangni hi Krista lekha, keini a ni irziaktir, lekhatuia irziak ni loi, Pathian hring Irthaa irziak a ni, lungphêka irziak khom ni maka, taksa milung phêka irziak nin nih ti an lang infel a ni.

2 KORINTH 3:3 ပူးပေါင်းရင်းမြစ်များ

EZEKIELA 11:19

Anni chu lungrîl hmunkhatin siam ki ta, lungrîl thar pêk ki ti; khan an taksa ata lungrîl lung anga ngar chu la ki ta, an kuanga khan taksa lungrîl irnêm pe ki ti.

JEREMIA 31:33

Kha ni tena Israel in sûngkuahai le ki thuthung hrang chu hi hi a ni. An lungrîla ki dân sia ki ta, an milunga irziak sa ki ti. Kei an Pathian ni ki ta, anni chu ki mihai ni an ti.

HEBRAI toc2 HEBRAI 8:10

Nikhua hong tung hranga Israelhai kuang thu ki ithung hrang chu hi hi a ni. An milung sûnga ki dânhai sia ki ta, An lungrîla irziak sa ki ti. Keima an Pathian ni ki ta, Annihai kha ki mihai ni an ti.

HEBRAI toc2 HEBRAI 10:16

“Nikhua hong tung hranga an kuang, Thu ki intung hrang chu hi hi a ni; An milung sûnga ki dânhai sia ki ta, An lungrîla irziak sa ki ti,” a tia.

INPÂKNA HLAHAI 40:8

O ki Pathian, ni nuamlam tho hi ki nuamlam tak a ni; A ni, ni dân thu chu ki milunga a om maia,” ki tia.

FESUAKNA 31:18

Pathianin Sinai tânga Mosia a chongpui zoiin chu, ama Pathian ngêt khan a irziak thupêkhai chuangna lungphêk inhni kha Mosia kuang khan a pêka.

2 KORINTH 6:16

Pathian tempil le millimhai khomin imo irzomna an inei? Eini chu Pathian hring tempil kêng ei ni. Pathianin, “Ki mihai kuang in sin ki ta, an kuang om ki ti; Keima an Pathian ni ki ti,” a iti ang khan.

FESUAKNA 24:12

Rengpa’n Mosia kuang, “Tâng sîpa ki kuang hong luiin lân, ni mi hong hruaihai irchuhai ro, ki dân le thupêk ki’rziakna lungphêk inhnihai nang lei pe ki ta,” a tih pea.

HEBRAI toc2 HEBRAI 9:14

Krista thisen len vângin te a ithei ual ok hrang kêng! kumtuang Irtha hruaina’n Pathian kuang ama irbôlna famirkip ar hlan tâk sikin, Pathian hring sin ei tho theina hrangin a thisenin thina ten intung sintho ngaihaia irthokin ei sia le sa inhriatna irthiang a ti.

THUVÂRHAI 3:3

Iamomna le lungkhamna kha inthâ viat no’n lân, ni ringa inhli maiin lân, ni lungrîl phêka irziak ro.

THUVÂRHAI 7:3

Nang ki’rchûna chu zoro tina inkolin lân; ni lungrîl phêka irziak roh.

INPÂKNA HLAHAI 84:2

Ki hringna hin Rengpa biak in hualsûng kholaihai chu ar ngai tak taka, a ni; a sôl sa raka; Ki milung le ki taksa hi Pathian hring kuanga khan a khêk suaka.

1 THESALONIKA 1:9

Nangni kin hro laia nin ni lôm lamhai, millim mâksana Pathian hring le dik taka sintho hranga Pathian tiang nin hong irhei tâk thu hai le

MATHAIA 16:16

Simon Petera’n a kuang, “Mesia Pathian hring Nâipa kha ni ni,” tiin a sâma.

INPÂKNA HLAHAI 42:2

Ki hringna hi Pathian irzukin, Pathian hring irzukin, a tui a inhrâl a ni: Itika mo Pathian makunga tungin, Ki inlang hrang o?

FESUAKNA 34:1

Rengpa khan Mosia kuang hiang hin a ti pea, “Matona ang dêna lungphêk inhni siamin lân, ni inkhoi lungphêk masahaia chuang thuhai kha irziak nôk ki ti.

THUPHUANG 3:22

Irtha’n koiindanghai kuang thu a insîr hi mikuar nei murdi’n chu irngai roi, a ti” tiin.

THUPHUANG 2:18

Thuatira Koiindanga vântîrtôn kuang hiang hin irziak roh: “Hi thu hi Pathian Nâipa, a mit meichok anga om, a kezaphahai dâr irtêk anga om khan a insîr a ni.

THUPHUANG 2:8

“Smurna koiindanga vântîrtôn kuang hiang hin irziak roh: Hi thu hi a maton tak le a hnungkhôn tak, a thia hong hring nôk taktu khan a insîr a ni.

JEREMIA 10:10

Khan Rengpa chu Pathian dik ni nia, Pathian hring le kumtuang rêng ni ni. Ni ningmurna’n rammual hi an thinga; namhaiin ni ningmurna tuang zoi mahai.

JOSUA 3:10

Josua’n, “Pathian hring chu nin laia a oma, nin matona Kanaan mihai, Periz mihai, Girgas mihai, Amor mihai, Jebus mihai hi an hnotsuak ngêt hrang a nih ti inhre ngêt nin ti.

THUPHUANG 3:14

Laodikei koiindanga vântîrtôn kuang hiang hin irziak roh: “Hi thu hi Amen, inhriatpuitu diktak le iamom tak Pathian thilsiam bul khan a insîr a ni.

THUPHUANG 3:7

“Filadelfia koiindang vântîrtôn kuang hiang hin irziak roh: Hi thu hi mi irthiang tak le a dik tak, Davida châbi neitu, tûte ikhâr theiloi hrang inhong, tûte inhong theiloi hrang khârtu khan a insîr a ni.

THUPHUANG 2:12

Pergamos koiindang vântîrtôn kuang hiang hin irziak roh: “Hi thu hi khandai bê hni nei ngaihtak neitu khan a insîr a ni.

THUPHUANG 2:1

Efesi koiindanga vântîrtôn kuang hi ang hin irziak roh: “Hi thu hi a kut chang tianga ârsi sari chôia, rângachak meiser siana sarihai laia ar lôi maitu khan hi thu hi a insîr a ni.

DANIELA 6:26

Ki ram op sûnga hin Daniela Pathian hi biakhai sian chi ri sehai, tiin thupêk ki siam. Ama chu Pathian hring a nia, a det kumkhuaa, a ram chu insiat thei ni no nia, a op khom a hek tenin op a ti.

JEREMIA 17:1

Khan Rengpa’n, “Juda mihaio, nin sualna chu thîr kolom leh lunghlu hmor irzumin nin lungrîl irziak a nia, nin maichâm irkihaia khom irziak a ni.

THUPHUANG 3:1

“Sardis koiindanga vântîrtôn kuang hiang hin irziak roh: Hi thu hi Pathian irtha sari le ârsi neitu khan a insîr a ni. Ni sinthohai murdi kin hriat; thi chianin, hring irhming ni irput a ni!

1 SAMUELA 17:26

Khanchu Davida khan a kôla ngîrhai kha ar donhaia, “Hi Filistia mi hi that theia, Israelhai irhming siatna inboitirtu kha imo an ipêk hrang? Hi sertan loi Filistia mi hi tu ngân mo a ini, Pathian hring sipaihai a isarai ngân hi?,” a tia.

FESUAKNA 32:15

Mosia chu tâng ata a chuma, lungphêk inhni hitiang hitiang thupêk sômhai chuangna kha a chôia.

1 KORINTH 3:5

Khano’nte Apolova chu i mani? Paula khom imo a ini? Nin iam theina hranga sinthotu an ini kêng; kha khom kha Rengpa’n a ipêk ang dênin an isin a ni.

2 KORINTH 3:6

Ama khan Thuthung Thar sintho inrukin a ni siama, kha kha, Dân, horopa irziak ang kha ni maka; Thuthung Thar, Irthaa irziak kha a ni. Dân, horopa irziak khan, thina an tungtira, Irthaa chu hringna an tungtir a ni.

2 KORINTH 3:7

Mosia hmêl boi nôk zôi hrang lua Israel nâihaiin an ien mai thei loi dôrin a roiinpuia; lung horopa irziak, thina intungtu sin thôna lua, khaang taka roiinpui a ni’n chu,