2 TIMOTHEA toc2 2 TIMOTHEA 4:17 - PATHIAN LEKHABU IRTHIANG C.L. Bible (BSI)

¹⁷ Khannisian, Thurchi Sa kha Jentailhai ta hranga kin sîr irkip theina hrangin Rengpa’n a ni ompuia, hrâtna a ni pêka, thi hrang tâk a ni ikêlsua nôk a ni.

2 TIMOTHEA toc2 2 TIMOTHEA 4:17 ပူးပေါင်းရင်းမြစ်များ

INPÂKNA HLAHAI 109:31

Ama kha invâi chang tiang ngîr a ta, A hringna roirêl petuhai ata saninhring hrangin.

INPÂKNA HLAHAI 22:21

Kâmkeibaknei bâia om chu ni saninzôk inlân; A ni, Sele irkia om chu ni sâm roh.

THUVÂRHAI 20:2

Reng ningmur kha chi ro, kâmkeibaknei inhrûm ang kha a nia; a ninginmurtir chu mâni hringna chunga thil tho’nsual a ni ngai.

THUVÂRHAI 28:15

Hruaitu siathai kuta chu inrianghai hi mi’nvâi tak tak an ni ngai; ama kha kâmkeibaknei inrung le savom inhuk irvâk rêi ruai anga ichiom a ni.

ISAIA 41:10

Chi no ro, nang ompui mai ki ti, Ni charindong viat no ro, ni Pathian kêng ki ni, hrâtna nang pe ki tia, nang san ki ti. Ki kut chang tianga hrât tak leh hin nang chel ki ti.

ISAIA 41:14

Israel mi, O Jakoba mi chînte ni khomin lân, “Chi no ro, nang san ki ti,” Rengpa thusuakin a ti. Israel mi irthianghai, irtan hrangtu ki ni.

JEREMIA 2:30

Nangni ki sepa, ar fêna reng om maka, nangni siam insa khom phal mak chêia. Kâmkeibaknei ningmur angin nin deipuhai khandai leh nin thathaia.

DANIELA 6:22

ki Pathianin a vântirtôn a zuang tîra, kâmkeibaknei hmûr ar chîptira, ite ni ti mahai, a mithmua hrilsiatna boiin ki oma, ni chunga khom ite insiat ual ma unga,” a tia.

DANIELA 6:27

Ama’n a saninzôka, a saninhringa, irnêng le irvâna irsinsiana le thil irkhêl a tho theia; ama hi kâmkeibaknei sinthotheina ata Daniela sansuaktu chu a ni,’ tiin.

MATHAIA 10:19

Nin chungthu ngaitua hranga nangni an hruai tikin nin ti hrang lei insâpin nin milung inbuai no roi; a zoro a hong tungin inhriattir nih nin ti.

LUKA 1:1

Ei laia thil zuang tung, a phut ata a hmuhai le a sinthohaiin,

LUKA 21:15

Nin irdoipuihai murdi’n nangni an sêl thei nona hrangin vârna le mi sâm theina nangni pêk ki ti.

TÎRTÔNHAI SINTHO 23:11

Kha zân khan Rengpa kha Paula kôla a ngîra, “Hâi takin om roh; Jerusalema ki thu ni ihril ang takin Rom khuaa khom ni ihril hrang a ni,” a tia.

TÎRTÔNHAI SINTHO 9:15

Rengpa khan, “Fe chian roh, hi pa hi Jentailhai, rênghai le Israelhai kuang ki’rhming pe lûttu hranga ki mi inkung kêng a ini.

ROM KHUAA MIHAI KUANGA TÎRTÔN PAULA LEKHATHON 15:31

Judai rama iam loihai ata ki zôk theina hrang le Jerusalem ta hranga changpuina thil ki ichôi hi, mi irthianghai lômlam tak a hong ni theina hrangin.

2 KORINTH 12:9

Khannisianlân, ama khan, “Ki lungkhamna hi kêng ni irhelpui tak, ni hrât loi zoro’n kêng ki sinthotheina a irkip ngai,” tiin a ni sâm. Khasikin ki chunga Krista sinthotheina ki chunga a om theina hrangin lôm takin ki hrât loinahai hi song ual ta ki ti.

EFESI 3:8

Keima hi mi irthiang murdihai laia chîn tak nêk khoma chîn ual ki ni, khan khomin Pathianin Jentailhai kuang Krista irchongna suisuak zoiloi Thurchi Sa insîr hrangin a lungkhamna’n a nin kunga.

1 TIMOTHEA toc2 1 TIMOTHEA 1:12

A nin hrâttirtu, iam inruka ni bêa hi sin hranga nin kungtu Krista Jisua, ei Rengpa kuang lômthu ki insîr a ni;

2 TIMOTHEA toc2 2 TIMOTHEA 2:1

Ki nâipa, nang chu Krista Jisua lungkhamna hin nang inhrât ri se.

2 TIMOTHEA toc2 2 TIMOTHEA 2:9

Kha Thurchi Sa sika khan intak ki tuanga, mi sual ang dêna thîrhrui ikhit ki ni, Pathian thu chu khit zât ni ma.

2 TIMOTHEA toc2 2 TIMOTHEA 3:11

Antiokei-a hai, Ikoniona hai le Lustra khua haia dengintheina le intakna tak tak ki chunga zuang tunghai dengintheina hai ki ituang irkhêlzia le khatak ata Rengpa’n a ni isansuak thu hai kha nin hriat.

2 TIMOTHEA toc2 2 TIMOTHEA 4:5

Nang chu itinrênga irsepin lân, tuang zâm zâm roh; Thurchi Sa hrilna sin hi sin maiin lân, ni sinthôna sin kha sua roh.

TITA toc2 TITA 1:3

Milak tho ngailoi Pathian khan, kha kha irnêng irsiang mân daiha a lei inkung tâka, ama thu ang dênin sa a ti zoro taka a zuang inlangtir ta, a ni Saninhringtu Pathian thupêk anga, kha Thurchi Sa inpuangna sin kha inkoltir ki ni.

HEBRAI toc2 HEBRAI 11:33

Iamna’n ram pumpui an doia, an inhnêa, thil dik an sina, Pathian chonginkung an donga, kâmkeibaknei bâihai an hîp pea,

1 PETERA toc2 1 PETERA 5:8

Irngaitua unglân, irdîn roi! Nin râl Diabola kha, kâmkeibaknei inrûm ngai angin fâk hrang zongin a chai ngai.

2 PETERA toc2 2 PETERA 2:9

Rengpa khan ama chituhai chu tuangna ata sansuak lam le roirêl Ni a zuang tung mâna khom mi sual hrem lam an hriat;

1 SAMUELA 17:37

Kâmkeibaknei le savomhai kut pâr ata ni sansuaktu Rengpa khan, kha Filistia mi kut ata kha ni sansuak ngêt a ti,” a tia. Khanchu Saula khan Davida kuang khan, “A sa fe ngânin lân, Rengpa khan nang ompui ri se,” a tia.