2 THESALONIKA toc2 2 THESALONIKA 3:16 - PATHIAN LEKHABU IRTHIANG C.L. Bible (BSI)

¹⁶ Irngeina Rengpa ngei khan kumkhua’n lam tinrênga irngeina nangni pe sianlân, Rengpa kha nin rênga kuang om ri se.

2 THESALONIKA toc2 2 THESALONIKA 3:16 ပူးပေါင်းရင်းမြစ်များ

INPÂKNA HLAHAI 29:11

Rengpa khan a mihai kuang hrâtna pehai a ta, Rengpa khan a mihai kha irtharngamna’n satvurhai a ti.

INPÂKNA HLAHAI 46:11

Sipaihai Rengpa chu ei kuang a oma; Jakoba Pathian chu ei kulpui irsâng a ni.

INPÂKNA HLAHAI 46:7

Sipaihai Rengpa chu ei kuang a oma; Jakoba Pathian chu ei kulpui irsâng a ni.

INPÂKNA HLAHAI 72:3

Tâng lian le tâng chînhai hin felna’n mihai kuang irtharngamna zuang intung an ti.

INPÂKNA HLAHAI 72:7

A hring lai khan mi felhai chu indôn nut nut an ta, Irtharngamna irkhêl tak chu indôn nut nut sa a ta, tha a boi mâka chu.

ISAIA 26:12

Rengpa’n lungirngamna a ni pêka, kin sinthohai khom hi, nangma ni itho pe ving a ni,

ISAIA 45:7

A vâr ki siama, inthim khom kin omtira, Sat ki vura, vânduainahai khom kin tungtir ngai. Hihai murdi hi keima Rengpa itho a ni.

ISAIA 54:10

Tânghai irhmangin mual irson zoi khomsian, Nang kin renna chu hek no nia, irngeina thuthung ki isiam chu sûtpai no ning, Rengpa lungthungtu’n a ti.

ISAIA 66:12

Rengpa’n hiang hin a ti: Tui kang loi angin irngeina pe ki ti, nam dang irchongna murdihai hi, tuilian angin zuan lûttir ki ti. Nu’n a nâi irhnu pêkin a ipom ang hin, a mal chunga inper ot ot a ti.

ISAIA 8:10

Rot zoi tum unglân, hlochuk ual no ni. Nin nuam dôr ti khom unglân, ite ar fêna om no ni, kin Pathian kin kuanga a om sikin.

HAGAIA 2:9

Hi in roiinpuina hnungkhôn ual hi a masa nêkin irkhêl ual a ti, sipaihai Rengpa khan a ti: khan hi hmuna hin irngeina intung ki tah,” ti hi Sipaihai Rengpa thu suak a ni.

ZAKARIA 6:13

Ama ngei chu kha biakbuk sintu kha la ni a ta, rêngin a idong ngai mânlianna chu la dong a ta, a mihai chunga roi la rêl a ti. A rêngtoihmun kôla ochai chu ngîr a ta, ama leh irngei tak le irrual takin sin thosuam an ti’ tiin.

NAMBAR 6:26

Rengpa chu nangni tiang zuang irhei sianlân, lungirngamna nangni pe ri se, tiin hril roh.

MATHAIA 1:23

‘Irngai ta, dôngmate irthiang khan nâi vong a ta, nâipasal nei a ta, A’rhming Imanuela,’ phua an ti. (kha kha “Ei kuanga Pathian a om,” tihna a ni.) tia a insîr kha a hong tung theina hrangin hihai murdi hi a hong iom a ni.

MATHAIA 28:20

Thu nangni ki ipêk murdi hi zôm hrangin irchutirhai roi. Khanchu, keima kumkhua’n, rammual mong dênin, nin kuang om mai ki ti,” a tia.

LUKA 2:14

“Anchungtaka khin Pathian roiinpui takin om sianlân, Irnênga a lômhai kuang irngeina lêng ri se,” an tia.

JOHANA 14:27

Irtharngamna nangni ki mâk pe, keima irtharngamna kêng nangni ki ipêk; rammualin a ipêk ang ni loiin nangni ki ipêk a ni. Nin milung dûk tong no ri se, chi khom chi no ri se.

JOHANA 16:33

Keimaa irtharngamna nin hmûna hrangin nin kuang hi thu hi ki insîr a ni; rammuala hin intak nin tuang ngai; khannisian hâi takin om roi! Keiin rammual kin hnê ta,” a tia.

ROM KHUAA MIHAI KUANGA TÎRTÔN PAULA LEKHATHON 1:7

Pathianin a lungthung le ama mi irthiang ni hranga a ikoi Rom khuaa mihai chubai nangni ki mûk a ni. Pathian ei Pa le Rengpa Jisua Krista kuang ata lungkhamna le irngeina nin kuang om ri se.

ROM KHUAA MIHAI KUANGA TÎRTÔN PAULA LEKHATHON 15:33

Irngeina Pathian chu nin rênga kuang om ri se. Amen.

ROM KHUAA MIHAI KUANGA TÎRTÔN PAULA LEKHATHON 16:20

Irngeina Pathian khan Setana kha nin ke hnuaia nangni insirphatir a ti. Ei Rengpa Jisua Krista lungkhamna kha nin kuang om ri se.

1 KORINTH 14:33

Pathian chu buaina Pathian ni maka, irngeina Pathian kêng a ini. Koiindang tina mi irthianghai tholam angin.

2 KORINTH 13:11

Atûn chu, ki urênghai, lôm takin om roi. Sat irkipna hrangin irnak song unglân; ki ngênna irngai unglân; lung inrualin om unglân, irtha irngam takin om roi. Khanchu, lungthungna le irngeina Pathian kha nin kuang om a ti.

EFESI 6:23

Pa, Pathian le Rengpa Jisua Krista kuang ata irngeina hai, lungthungna hai le iamna hai kha urênghai kuang om ri se.

1 THESALONIKA 3:11

Ei Pa Pathian ngei le ei Rengpa Jisua khan nin kuang kin hongna hrang lam ni siam pe ri se.

1 THESALONIKA 5:23

Irngeina Pathian ngêt khan nin pumin irthiangtir sianlân, ei Rengpa Jisua Krista zuang nôk tika chu nin irtha le lungrîl le nin taksa a puma sêlna boiin inomtir ri se.

2 THESALONIKA toc2 2 THESALONIKA 3:18

Ei Rengpa Jisua Krista lungkhamna kha nin rênga kuang om ri se.

2 TIMOTHEA toc2 2 TIMOTHEA 4:22

Rengpa kha nir tha kuang om ri se. Pathian lungkhamna kha nin rênga kuang om ri se.

FILEMONA toc2 FILEMONA 1:25

Ei Rengpa Jisua Krista lungkhamna kha nin rênga kuang om ri se.

HEBRAI toc2 HEBRAI 13:20

Khan, ei Rengpa Jisua, a thina sika kumtuang thuthung deta om, Belrapu Roiinpuitak, thina irthoka a kaithoitu irngeina Pathian khan a lungdo nin sin theina hrangin thil sa nin innang murdi nangni pe sianlân, Jisua Krista zâra einia hin, ama a lungdo sin ri se. Krista kuang roiinpuina kumtuangin om mai ri se! Amen.

HEBRAI toc2 HEBRAI 7:2

Khanchu, Abrahama’n thil tinrêng sôma inkhat a pêk ta. (Melkisedeka irhming omzia masa chu “Felna Reng” a nia, khabana Salem rêng a ni sikin “Irngeina Reng” a ni sa.)

ROIRÊLTUHAI 6:24

Kha hmuna khan Gideona’n Rengpa ta hrangin maichâm a siama, Rengpa Salom a phuaa. Abiezer rama Ofra khuaa khan, atûn ten a la om.

RUTHI 2:4

Boaza khom Bethlehem rengata a hong tunga, bu âttuhai kuang, “Rengpa nin kuang om ri se,” a tia. “Rengpa’n sat nang vur ri se,” tiin an thuana.

1 SAMUELA 17:37

Kâmkeibaknei le savomhai kut pâr ata ni sansuaktu Rengpa khan, kha Filistia mi kut ata kha ni sansuak ngêt a ti,” a tia. Khanchu Saula khan Davida kuang khan, “A sa fe ngânin lân, Rengpa khan nang ompui ri se,” a tia.

1 SAMUELA 20:13

Khanchu ka pa khan ni chunga thil saloi tho a tuma nang ki hong hril noa, ni zôkna hrang lampui nang ki zong pe no’n chu Rengpa’n a ni lo lam takin ni lo ri se. Kha nêka natinsat ual khomin. Rengpa chu ni kuang om ri se. Ka pa kuanga a iom ngai ang khan!