2 THESALONIKA toc2 2 THESALONIKA 3:14 - PATHIAN LEKHABU IRTHIANG C.L. Bible (BSI)

¹⁴ Khan, tukhomin hi lekha thona kin thu nangni inpêl hi a zôm no’n chu an zak theina hrangin irsinsiahai unglân, irpôlpuihai viat no roi.

2 THESALONIKA toc2 2 THESALONIKA 3:14 ပူးပေါင်းရင်းမြစ်များ

EZRA 9:6

“O ki Pathian, nangma tianga hor hei hi kin zaka, ki hmâi a isen hlut hlut ngai a ni, ki Pathian, kin inchâinahai chu ni delpha thei rakin a punga, kin thei loinahai hin irvân a suna.

INPÂKNA HLAHAI 83:16

O Rengpa, nir hming an zong theina hrangin, An hmêl chu inzakna’n insip roh.

THUVÂRHAI 5:13

Ni’rchutirtuhai thu lak lei zôm ngai ma unga. An irchutirna tiang lak ki mikuar lei sung ngai ma unga.

JEREMIA 3:3

Annihai tak sika hin kêng rua tho maka, rotui hnungkhôn khom a itho ta loi a ni. Kha tena khom khan notizuar ni la hmang maia. Inzakin ni biang sen zel suak maka.

JEREMIA 6:15

hi thil intiromhai an tho sika khan an inzak ma ni? Inzak mahai; an zak dân lua an inhriat loi a ni. Khasik taka khan mi dang an rîl tâkhai angin inrîl an ta, dûk ki thohai ni taka chu an mongna ni a ti,” keima Rengpa’n ki iti a ni.

ZEFANIA 3:2

Hnukirhâi kha zôm maka; halirchûna pom maka; Rengpa kha iam maka; a Pathian tiang nâi nuam ma.

NAMBAR 12:14

Khanchu Rengpa’n, “A pa’n a hmâi an chilkhum khomin sûn sari sûng chu a hmâimôkna kha a ituang hrang mo ni ma, khasikin riakbuk pên tiang sûn sari irkhumin om sian, kha hnunga hruai inlûttir nôk ni ri se,” a tia.

MATHAIA 18:17

Khan, khahai chong khom ar ngai no’n chu thil tinrêng koiindanghai kuang intung roh. A hnungkhôn taka chu koiindang chong khom ar ngai nuam no’n chu, kha mi kha chu Jentail angin mani, khâzana irfuangtu angin mani bê roh.

ROM KHUAA MIHAI KUANGA TÎRTÔN PAULA LEKHATHON 16:17

Urênghaio, irchutirna thu nin idongna lama nin laia irsenna le tûkna insuaktuhai ata irdîn unglân, anni kha irheisan hrangin nangni ki nuam a ni.

1 KORINTH 4:14

Hi thu ki irziak hi nangni inzakna hrang ki tia ni loiin, ki nâi lungthunghai angin nangni irchu ki nuam sika a ni.

1 KORINTH 5:11

Ki iti tak chu tukhom urêng irhming irputa irdit song mani, huatirham mani, millim biak mani, irngo song mani, zû’nrui mani, inru mani pôl no roi ti hi a ni. Khaanga mi leh khan chu fâk nêk khom hmunkhatin zong no roi.

1 KORINTH 5:9

Ki lekha thona khan irdit hmanghai pôlloi hrangin nangni ki tia.

2 KORINTH 10:6

Iam nin om tak tak tih nin fia zoiin chu iamom loihai denginthei hrangin irsiam zel kin ti.

2 KORINTH 2:9

Nin kuanga ki’rziak nasan chu fianahaia nin lei hong inngîr insa dân le nangni ki hrilna chong zoro tina zôm mai hrangin mo nin irsiam tih inhriat ki nuam sika a ni.

2 KORINTH 7:15

An irchûna thuhai zôm hranga nin rêngin nin irsiam zia hai, ichi le inthing puma ama nin lei lômzia hai kha an hriat mai sikin, nin ta hranga a lungthungna ar sôn ual ok ta.

DÂN INHNINA 16:12

Hi thu’nkunghai hi ngûk takin zôm unglân, Aigupta rama suak nin ni ngai kha inhre mai ngai roi.

FILIPI 2:12

Khanchu, ki indit takhaio, ki om laia ki thu nin izôm ang khan atûn ki om no khomin nin zôm nôk ual a inang a ni. Pathian chi le inthing pumin nin saninhringna irkiptir hrangin sin mai roi.

KOLOSA 4:16

Ki lekha hi nin laia nin tep zoia, Laodikei Koiindang inteptir sa roi, khaang dênin Laodikei Koiindang lekha hi lei tep sa roi.

1 THESALONIKA 4:8

Khasikin, hi thu uksak loi chu mihriam a ipoisak loi ni maka, Irtha Irthiang nangni pêktu Pathian kha a ipoisak loi a ni ual.

2 THESALONIKA toc2 2 THESALONIKA 3:6

Urênghaio, kin irchutirna thu zui nuamloia irthaboi taka om urênghai ata irkiang hrangin ei Rengpa Jisua Krista irhmingin thu nangni kin pêk a ni.

TITA toc2 TITA 2:8

chongbâi hoi, demna hrang om loi hmang ngai roh, a le tiang an inzakna hrangin.

TITA toc2 TITA 3:10

Irsen indarna insuaktu chu voikhat voihni ngo’n lân irngaitua zui no roh.

FILEMONA toc2 FILEMONA 1:21

Nang ki ingên hi hlo a chuk ngêt sabei ngitin ki irziak a ni, ki sabei nêka irkhêlin ni itho lele ki iam sa a ni.

HEBRAI toc2 HEBRAI 13:17

Nin hruaituhai thu zôm unglân, an thupêk murdi zui roi. Pathian kuang an sintho an lan sîr hrang sikin irngam loiin nangni an enkol ngai a ni. An thu nin zômin chu, raifân takin sin an ti, khano’nchu, intak pumin sin an ta, nin ta hrangin sa no ni.

2 JOHANA 1:10

Kha irchutirna kha kop loia nin kuanga hong chu tukhom nin ina intungtir no unglân, chongbâi sa khomin lei chongpui no roi.