2 THESALONIKA toc2 2 THESALONIKA 2:16 - PATHIAN LEKHABU IRTHIANG C.L. Bible (BSI)

¹⁶ Khanchu, ei Rengpa Jisua Krista, Pathian ei Pa, lung ni thungpu, a lungkhamna sika kumkhua’n irtharngamna le sabeina sa ni pêktu khan,

2 THESALONIKA toc2 2 THESALONIKA 2:16 ပူးပေါင်းရင်းမြစ်များ

INPÂKNA HLAHAI 103:17

Rengpa lungkhamna rêk chu ama chituhai chunga khan kumtuang ata kumtuang dênin om a ta, A felna khom an tû le tê dênin om a ta,

ISAIA 35:10

Rengpa irtanhai hong kîr an ta, zâipumin Zion pan an ta kumtuang lômna changin om an ti. Râifân lômin sip an ta, beidong le chapna om ta no ni.

ISAIA 51:11

Rengpa irtanhai chu hong an ta, Hla sakpumin Zion tâng hong tung an ta, Kumtuanga lômna khum an ta, raifân le lômna’n sip an ta, beidong irtha’nvâi om ta no ni.

ISAIA 61:7

Nin inzakna le mualinphoina om ta no nia, nangni ram ngêta om nin ta, lêt hniin nin irchonhai pung a ta, kumtuanga lômna chang nin ti.

LUKA 16:25

“Abrahama’n chu, ‘Ki nâipa, nangin ni dam laiin thil sa inzen ni donga, khaang dênin Lazara’n thil saloi inzen a idong kha inhre mai ro ba; atûn chu ama chu irtharngam takin hi hin a om ta, nang chu natna tuangin ni iom tâk a ni.

JOHANA 13:1

Ferkân Kût hrang a hong ni tâka, Jisua’n hi rammual suaksana Pa kuang a fe zoro a tung ta ti an hriata; Ama mi, rammuala om a lungthunghai chu a mong dênin lung a thunga.

JOHANA 15:13

Mi’n a rual hranga a hringna a ipêk bana lungthungna inthûk ual tûte’n nei mahai.

JOHANA 15:9

Pa’n lung a ni thung sikin kei khomin lung nangni ki ithung a ni; ki lungthungin om roi.

JOHANA 16:22

Khaang khan nangni khom atûn hin nin char a donga, khannisianlân, nangni hmu nôk ki ti, nin lungrîl lôm a ti, nin lômna kha tûte’n nangni lâkpai pe no nihai.

JOHANA 3:16

Pathianin rammual lung a thung tak taka, khanchu, a Nâipa khât neisun a pêka, ama iam tâk ka chu irhmang loia kumtuang hringna an neina hrangin.

JOHANA 4:14

Tukhom an kuanga ki ipêk hrang tui in ka chu an tui inhrâl nôk ta no ni. An kuang ki ipêk hrang chu an phîng sûnga tuihnâr hong chang a ta, kumtuang dênin kang ta no ni,” a tia.

TÎRTÔNHAI SINTHO 15:11

Khaang khan ni ma! anni ang dênin eini khom Rengpa Jisua lungkhamna sika saninhring hrang ni’n ei irtûng,” a tia.

TÎRTÔNHAI SINTHO 18:27

Khan, ama kha Akaia rama fe a tum sikin Efesi-a iamtuhaiin an inthora, ama an lei lômna hrangin Akaia rama iamtuhai laia lekha an irziak pea. A tungin chu Pathian lungkhamna sika iamtu hong changhai ta hrangin changpuitu satak a chang ta.

ROM KHUAA MIHAI KUANGA TÎRTÔN PAULA LEKHATHON 1:7

Pathianin a lungthung le ama mi irthiang ni hranga a ikoi Rom khuaa mihai chubai nangni ki mûk a ni. Pathian ei Pa le Rengpa Jisua Krista kuang ata lungkhamna le irngeina nin kuang om ri se.

ROM KHUAA MIHAI KUANGA TÎRTÔN PAULA LEKHATHON 4:16

Abrahama irchi murdihai hrangin, dân zômtuhai vai ni loiin, ama iam anga iamtuhai hrangin Pathian thilmanboi pêk a nizia inlang hrangin iamna sikin kêng Abrahama kuang thu a inkung a ni.

ROM KHUAA MIHAI KUANGA TÎRTÔN PAULA LEKHATHON 4:4

Sinthotu hlo chu lungkham thilpêk ni mah, lâkai anga bê a ni ual.

ROM KHUAA MIHAI KUANGA TÎRTÔN PAULA LEKHATHON 5:8

Aniachu Pathianin lung a ni ithungna an langna chu, mi sual ei ni lai ata Krista kha ei ta hrangin a zuang thi tâka!

EFESI 5:2

Krista’n lung a ni thunga, Pathian lôm lam thilpêk le thilinhlan mirimhoi ni hrangin ei ta hrangin a irpêk ang khan lungthungna nei seng roi.

EFESI 5:25

Pahaio, Krista’n Koiindang lung a ithung ang hin nin dôngmahai lungthung roi.

KOLOSA 1:23

Khanchu iamna khan om mai unglân, det taka ngîrin Thurchi Sa nin inhriat sika sabeina nin nei tâk kha irtôl irhmang no roi. Thurchi Sa kha irvân hnuaia thil siam murdi hril a ni ta, kei Paula hi kha sinthotua siam ki ni.

KOLOSA 1:5

Thurchi Sa thutak nin inhriat ata sabeina nin lei nei tâk sika a ni, kha sabeina kha nin ta hrangin irvâna sia insa a ni.

1 THESALONIKA 1:3

Iamna sika irnak nin isonghai, lungthungna sika nin sin intamzia haia, ei Rengpa Jisuaa sabeina nin sip indetziahai, ei Pa le Pathian makunga kin inhriat mai ngai a ni.

1 THESALONIKA 3:11

Ei Pa Pathian ngei le ei Rengpa Jisua khan nin kuang kin hongna hrang lam ni siam pe ri se.

2 THESALONIKA toc2 2 THESALONIKA 2:13

Urêng, Rengpa indit takhaio, nangni sikin Pathian kuang lômthu hril mai hrang rêng ei ni; Irthaa irthiangtirin, thutak iam hrang le ra masa hrangin saninhring hrangin Pathianin nangni a inthang a ni.

TITA toc2 TITA 1:2

sakho lam thudik, kumtuang hringna sabeina chu, inhriattir hranga inkung ki ni.

TITA toc2 TITA 2:13

Ei Pathian roiinpui taka a zuang inlangna nikho lômom ei isabei hi hlo’nchuk zoro ei inghâk a ni.

HEBRAI toc2 HEBRAI 7:19

Mosia Dân khan ite satirkipin a siam thei no sikin. Atûn chu tûngna sa ual pêkin ei om tâka, Pathian ei nâi thei ta.

1 JOHANA 3:16

Ama’n ei ta hrangin a hringna a ipêka hin, lungthungna kha ei inhriat ta. Eini khomin urênghai hrangin ei hringna hi ei ipêk hrang a ni.

THUPHUANG 1:5

Jisua Krista, inhriatpuitu iamom tak, thina irthoka thoinôk masa tak le rammual rênghai chunga roirêltu kuanga irthok ata, lungkhamna le irngeina kha nin ta ni ri se. Lung a ni thunga, a thina sikin ei sualhai ata a ni’rtansuaka,

THUPHUANG 22:5

Zân om ta no nia, meiser le misa khom nang ta no ni; Rengpa Pathian khan êl invâr ta a ta, kumtuang kumtuangin rênghai angin roirêl ta an ti.

THUPHUANG 3:9

Irngai ta! Setana pâla mi senkhathai, Juda ni loia, milak tho Juda irtihai kha hong tîr ki ta, ni ke bula chubai nang hong inmûktir ki ti; khanchu khahai khan lung nang ki thung tih inhriat an ti.