2 THESALONIKA toc2 2 THESALONIKA 1:8 - PATHIAN LEKHABU IRTHIANG C.L. Bible (BSI)

⁸ Pathian inhre loihai le ei Rengpa Jisua Krista Thurchi Sa iam nuam loihai chunga phuba a lâk tika chu kha mihai khan hremna tuang an ti.

2 THESALONIKA toc2 2 THESALONIKA 1:8 ပူးပေါင်းရင်းမြစ်များ

IRPHUTNA 3:24

Khanchu, mihriam kha an hnotsuak tâka; khan, hringna thing lampui kha enkol hrangin Eden irhuan nisua tiang pang cherubhai le mei khandai irvêl lop lop kha an omtir tâka.

2 SAMUELA 23:7

A tôntu hrang khan thîr hriamhrei le ufei ngul a ihmang ngêt hrang a ni; khanchu an hmuna hâlirvôm ving ni an ti,” tiin a hrila.

INPÂKNA HLAHAI 18:44

Ki thurchi an inhriat zoi le ki thu zôm an ti: Mikhualhai kha ki kuang irpe lût an ti.

INPÂKNA HLAHAI 79:6

Nangma inhre loi nam tin chunga hin ni ningmur chu insum roh, Ni’rhming irlam loi ram chunghaia khom.

INPÂKNA HLAHAI 9:10

Khanchu nir hming inhretuhai chu nang iam an ti; Nangin chu, Rengpa, nang a zongtuhai chu rotsan ngai mak che.

INPÂKNA HLAHAI 94:1

O Rengpa, nang phuba lâkna ircham neitu Pathian, Nang phuba lâkna ircham neitu Pathian vâr suak roh.

FESUAKNA 5:2

Khan Faroa’n, “Tu mo a inih Rengpa nin iti chu, a thu zôma, Israelhai infetirna hranga nin iti? Rengpa nin iti khom inhre ma ung, Israelhai khom infetirhai no ning,” a tia.

ISAIA 1:19

Ki thu nin zômin chu, nin rama thil sahai fa nin ti.

ISAIA 1:28

Ama makunga tehel le mi sualhai chu vîk indarhai a ta, Rengpa irheisanhai chu irhmang zoi an ti.

ISAIA 27:11

Thing ônhai khom chârin a tâka, Thingtua hrangin nupanghaiin an irkhôm a ni ta. Ite inhre thei loi nam an ni hih, a siamtuin lungthunghai loi angin, anni inren ngaitu hin lungthunghai mai ta no nih.

ISAIA 61:2

Rengpa’n a mihai an zôk hrang zoro le a râlhai; a ni pêk hrang zoro a tung tâk ti inpuang hranga a ni itîr ki ni. Lusûnhai kha irtharngam sakhai hranga a ni itîr ki ni.

JEREMIA 10:25

Ram dang chubai nang mûk ngai loihai chunga khan le nang hnôltu mihai chunga khan ni ningmur chu insum roh. Ni mihai an thata, an ni insiat chita, kin ram khom an ni inramtir zoi tâk a ni.

JEREMIA 9:6

Tho’nchâina chu tho’nchâinain a zuia, irhuangna chu irhuangnain a zui ngai, a san chu nin hriat zel an tum no sika a ni, Rengpa’n a ti.

DANIELA 7:10

Khatak ata kha mei a hong chok suaka, a sânga sângin a sin an thoa, a makunga khan a sîng a sîng têlin an ngîra, roirêlna kha a phut tâka, lekhabuhai a phên tâka.

ZEFANIA 1:6

Rengpa irheisantuhai leh Rengpa zong loia ama irdon loituhai kha inboipaihai pat ki ti.

MATHAIA 25:41

“Kha zoia chu, a vei tianga mihai kuang khom khan, ‘Khosâl tonghaio, kumkhuaa mei, diabola le a siahlohai ta hranga lei siama khan ni rotsan roi.

MATHAIA 25:46

“Kha mihai kha, kumtuang hremnaa fe an ta, mi felhai chu kumtuang hringnaa fe an ti,” a tia.

JOHANA 3:19

Thiamno an chang dân kha hiang hin a ni; vâr kha rammuala a zuanga, khannisianlân, mihaiin vâr nêkin chu inthim kha an nuam ual, thil sual an tho sikin.

JOHANA 8:19

Anni’n chu, “Kho hi mo ni Pa,” an tia. Jisua’n, “Nangni’n nin hre mak chêi, Ka Pa khom inhre mak chêi. Keima nin hre unglân chu Ka Pa khom inhria nin ti,” a tia.

TÎRTÔNHAI SINTHO 6:7

Khanchu, Pathian thu chu an darh zêl tâka, Jerusalema irchutir a sân an hong punga, Ochaihai laia mi tamtak khomin Iamna kha an pom sa tâka.

ROM KHUAA MIHAI KUANGA TÎRTÔN PAULA LEKHATHON 1:28

Khanchu Pathian inhriatna dik kha an inthâ tâk sikin an ngaituana felloi tak anga om hrangin Pathianin a’rheisanhaia, an tho loi hrang hrang khom an tho tâk a ni.

ROM KHUAA MIHAI KUANGA TÎRTÔN PAULA LEKHATHON 1:5

kha sika khan Pathianin nam tin laia mihai iama tak insôntir hrangin tirtôn nina sintum an inhlan a ni:

ROM KHUAA MIHAI KUANGA TÎRTÔN PAULA LEKHATHON 10:16

Khannisianlân, Thurchi Sa chu an rêngin iam zit mahai. Isaia ngei khomin, “Rengpa, kin thu’nsîr hi tu’n mo a iam?” a tia.

ROM KHUAA MIHAI KUANGA TÎRTÔN PAULA LEKHATHON 15:18

Jentailhai in-iamtir hrangin Krista’n sintho le thuhrilin keima ni hmanga a sinthohai vai no chu i khom hril ngam no ninga;

ROM KHUAA MIHAI KUANGA TÎRTÔN PAULA LEKHATHON 16:26

Atûn hin chu thu irthup ngai kha deipuhai Lekhaa a hong inlanga, tukhomin an iama an zôm theina hrangin kumtuang Pathian thupêk anga nam tin laia inhriattir a ni ta.

ROM KHUAA MIHAI KUANGA TÎRTÔN PAULA LEKHATHON 6:16

Tu kuang khom a thu zôm hranga a suaka nin lûtin chu, thina hrang tena sual suak mani, felna hrang tena thu zômna suak mani khom ni sianlân, a thu nin izômpu suak chu nin nih ti nin inhriat loi ma ni?

1 KORINTH 15:34

Fel takin har unglân, sual ta no roi. Nin laia mi senkhat chu Pathian inhriatna zel nin nei no sikin nin inzakna hranga hi hi ki iti a ni.

2 KORINTH 10:5

Pathian inhriatna dân hranga lârirpâkna lamchâina tinrênghai kha kin seta, ngaituana tinrêng suaka hruaiin Krista thu kin zôm ngai.

GALATIA 3:1

O Galatia rama mi’nvêthaio, tu’n mo nangni an dôi? Nin mit hmu ngeia Jisua Krista kha Krosa hembe a nih ti fel taka inlangtir a ni kha te!

GALATIA 4:8

Tianlai khan Pathian lan hre ngai mak chêia, khasikin an irzir dân reng khoma Pathian ni ngai loihai suaka nin om ngai kha.

DÂN INHNINA 32:35

an ke sir kha a’rdang tika phubâ la ki ta, thuan ki ti, an siat zoro kha a hong nâi ta. An chunga hong tung hrang kha tuang lat an ti.

DÂN INHNINA 4:11

Tâng chu a kânga, meikhu irsa takin a khu khaka, an thim khaka, irvân dênin an thima, a kôla toi hrangin nin va nâi a ni kha.

DÂN INHNINA 4:30

Nikhua hnungkhônhaia chu intak tuang nin ta, a thu zôm ta nin ti.

DÂN INHNINA 5:5

Kha zoro lai khan Rengpa le nangni kâra ki ngîra, Rengpa thu insîr nôktua ki chang a ni, mei nin chi sikin tânga nin ife ngam loi a ni.

1 THESALONIKA 4:5

Pathian inhre loi Jentailhai angin taksa irzukna lût no roi.

HEBRAI toc2 HEBRAI 10:27

A om hrang chu ichi puma Roirêlna le mei inthang Pathian doihai kângirhmang hrang nghâkna vai tâk kêng.

HEBRAI toc2 HEBRAI 10:30

“Phuba rêng rêng keima lâk hrang a ni, Keiin thuan ki ti,” ti le “Rengpa’n a mihai ngaitua a ti,” titu hi ei inhriata,

HEBRAI toc2 HEBRAI 11:8

Iamna’n Abrahama khan, Pathianin ram pe hranga a inkung pea fe hrangin a koi laia khan Pathian thu zômin a fena hrang khom inhre loiin a suaka,

HEBRAI toc2 HEBRAI 12:29

ei Pathian hi mi kâng irhmang ngai mei a ni sikin.

HEBRAI toc2 HEBRAI 2:3

Hiang dôra saninhringna roiinpui vâng hi te uksak loiin tho inlân, itin mo ei irbîk thei hrang? Hi saninhringna hi a phuta Rengpa’n an puanga, kha hnung ama inhriathaiin a dik tih an ni ifia pe nôk a ni.

HEBRAI toc2 HEBRAI 5:9

Irkiptir a hong ni tena chu a thu zômhai ta hranga saninhringna hnâr a hong ni ta.

1 PETERA toc2 1 PETERA 1:2

Pa Pathian lei inhriat anga inthang, Jisua Krista thu iam hrang le a thina irsu’nfâi hranga Irtha irthiangtir nin nia, nin chunga lungkhamna le irngeina inpungin om ri se.

1 PETERA toc2 1 PETERA 3:6

Sari khan Abrahama thu a zôma, “Ki Rengpa” tiin a ikoi ngai a ni. Atûn khom thil sa nin thoa, chitna rêng nin nei no’n chu Sari nâihai nin ni.

1 PETERA toc2 1 PETERA 4:17

Roirêlna kha phut zoro a ni tâka, Pathian in sûng mihai ata phut ni a ti. Einia phut a ni’n chu Pathian Thurchi Sa thu iam loihai kha itin takin mo an iom hrang tâk!

2 PETERA toc2 2 PETERA 3:7

Pathian ngaisak loihai chungchâng rêl zoro le irhmangtir tika meia kâng irhmang hrangin atûn irnêng le irvân khom hi Pathian thu’n a ihôi a ni.

JUDA 1:7

Khaang dêna khan Sodom le Gomora khua hai kha, an kôlvêla khua hai leh hurna porinchea an irpumpêk zoi tâk sikin, mi tin le inhriattirna’n anni chu kumtuang meia hrem an ni tâk a ni.

THUPHUANG 20:10

Khanchu, annihai huangtu Diabola kha, sahrâng le deipu dol omnaa, kâta kâng meidîla khan an paihaia, kha khan a sûn a zânin hremna tuangin kumkhua’n om ta an ti.

THUPHUANG 21:8

Khannisianlân, mi thâidôphai, iamloihai, irdit saloi thohai, mi thathai, felloihai, dôi hmanghai, millim biakhai, milakhai murdi omna hrang hmun chu mei le kâta kâng dîl kha a ni; kha kha thi inhnina chu a ni,” a tia.

THUPHUANG 6:10

Anni khan hnukirhai inring takin, “Itinrêngthothei Rengpa, A’rthiang le A diktu! Idôr ten mo irnênga mihai chunga roirêl loiin kin thisen phuba la loiin ni iom hrang?” tiin an khêka.

1 SAMUELA 2:12

Elia nâipasalhai kha mi chanlamboi an nia, Rengpa khom mahrip tho loi