2 THESALONIKA toc2 2 THESALONIKA 1:7 - PATHIAN LEKHABU IRTHIANG C.L. Bible (BSI)

⁷ Rengpa Jisua kha irvân ata ama vântîrtôn sinthothei takhai le meichok laia a zuang inlang tika, nangni intak tuanghai hi hong irngamtir a ti, keini khom ni’rngamtir a ti.

2 THESALONIKA toc2 2 THESALONIKA 1:7 ပူးပေါင်းရင်းမြစ်များ

FESUAKNA 19:18

Sinai tânga khan Rengpa kha mei angin a zuang chum sikin an thim khap tâka; kha meikhu kha, hâl inzôina meikhu angin a tâk chûl chûla, tâng kha a saterengin an hnîngtira.

FESUAKNA 3:2

Rengpa vântirtôn kha a kuang, chînribuka meichokin a zuang inlâr pea, a hong enin chu chînribuk kha a choka, khannisian, kâng maka.

ISAIA 57:2

Irtharngam takin an om tâka, nuam taka omhai ngai chu, an zâlhmun an irngam thei ta.

ISAIA 66:15

Irngai ro, mei leh Rengpa chu zuar thok a ti, kêllaiher tâlia hong chuangin a ningmur chu meichok angin kângin innatirhai a ti.

EZEKIELA 1:13

Thilhringhai laia khan inkhat chu meiser ang, meiri-al vâr tak ang hi, thilhringhai laia a suk a tunga fe a oma, mei chu a vâr tak taka, mei ata kôlirtêk a hong suaka.

DANIELA 7:9

Khan, ki thîr mai laiin, rêngtoihmun lei irdo diam hi a oma; kha rêngtoihmun inkhat chunga khan kumkhontuanga om maipu kha a hong toia. A tukrivo chu vur anga vâr a nia, a sam chu samul irthiang ang a nia: a rêngtoihmun chu meichok ang a nia, a tâli chu mei ikâng hrang ang a nia.

MATHAIA 16:27

Mihriam Nâipa hi vântirtônhai le a Pa roiinpuina le, a izuang hrang a nia; kha tika chu mi tin an sintho ang zêlin thuan seng a ti.

MATHAIA 16:28

Thudik nangni hril ki ti, hitaka ngîr senkhathai hi, Mihriam Nâipa, inlal taka a zuang an hmu mâka chu thina irtem loi hrang an om,” a tia.

MATHAIA 25:31

“Khan, Mihriam Nâipa chu vântîrtôn murdi leh roiinpui taka a zuang tikin chu, a rêngtoihmun roiinpui taka toi a ta,

MATHAIA 25:41

“Kha zoia chu, a vei tianga mihai kuang khom khan, ‘Khosâl tonghaio, kumkhuaa mei, diabola le a siahlohai ta hranga lei siama khan ni rotsan roi.

MATHAIA 26:64

Jisua’n a kuang, “Ni ni ti mai tâk khate. Khannisianlân nangni ki hril: nakana chu, atûn ata Mihriam Nâipa hi Itinrêngthothei chang tianga toia, irvân sûm chunga zuang la hmu nin ti,” a tia.

MARKA 14:62

Jisua’n a kuang, “Ki ni, Mihriam Nâipa hi sinthotheitu chang tianga toiin, irvâna sûm kâra zuang la hmu nin ti,” tiin a sâma.

MARKA 8:38

Tukhom atûnlaia mihai, uire hmang le sual takhai laia keima le ki thu inzakpui chu, Mihriam Nâipa hi vântîrtôn irthianghai le a Pa roiinpuina leh a zuang tika chu lan zakpui a ti,” a tia.

LUKA 16:25

“Abrahama’n chu, ‘Ki nâipa, nangin ni dam laiin thil sa inzen ni donga, khaang dênin Lazara’n thil saloi inzen a idong kha inhre mai ro ba; atûn chu ama chu irtharngam takin hi hin a om ta, nang chu natna tuangin ni iom tâk a ni.

LUKA 17:30

Mihriam Nâipa a zuang tika chu khaang dên khan a ini hrang a ni.

JOHANA 1:3

Ama hmanga itinrêng siam a nia; thil siam rêng rêng ama isiam loi ite om mah.

JOHANA 1:51

Khan, a kuang, “Thudik tak nang kin hril, irvân irhonga vântirtônhai Mihriam Nâipa chunga a chum le a kâi la hmu nin ti,” a tia.

TÎRTÔNHAI SINTHO 1:11

Kha mihai khan, “Galili mihaio, ithoa mo irvân tiang enin nin ingîr mai? Hi Jisua nin kuang ata irvâna lâkpai hi irvâna a ikâi nin hmu ang takin zuang nôk a ti” an tia.

TÎRTÔNHAI SINTHO 3:19

Khasikin nin sualhai irlet unglân, Pathian tiang hong kîr nôk roi.

ROM KHUAA MIHAI KUANGA TÎRTÔN PAULA LEKHATHON 8:17

Pathian nâihai ei niin chu ar chon luatuhai ei ni, Krista tuangna ei irkoppui ngêt hrang a ni.

1 KORINTH 3:13

Krista Nikhuaa khan meiin an lâr hrang sikin, mei ngei khan mi tin sintho kha fia ta a ta, a ini tak inlang a ti.

2 KORINTH 4:17

Sôtnote sûnga kin intakna tuang nêp taka hin kumtuang roiinpuina, tetûk inruk loi dôra irkhêl, a ni siam pe a ni.

EFESI 1:2

Pathian ei Pa le Rengpa Jisua Krista kuang ata lungkhamna le inrenna nin kuang om ri se.

KOLOSA 1:16

Amaa khan itinrêng, irvâna om hai, irnênga om hai, hmu thei hai, hmu theiloi hai siam a nia; rêngtoihmun hai roirêlna hai, inlalna hai, irchamneina hai, itinrêng hi ama sika siam a nia, ama ta hranga a ni sa.

1 THESALONIKA 3:13

Khanchu ei Rengpa Jisua khan a mi’rthianghai murdi leh a zuang tika, Pathian ei Pa makunga khan irthiang le sêlna boia a om theina hrangin nin milung indet ri se.

2 TIMOTHEA toc2 2 TIMOTHEA 2:12

Ei tuangin chu, Ama leh roirêl sa ei ti. Ei hnôlin chu, ni hnôl a ti.

TITA toc2 TITA 2:13

Ei Pathian roiinpui taka a zuang inlangna nikho lômom ei isabei hi hlo’nchuk zoro ei inghâk a ni.

HEBRAI toc2 HEBRAI 10:27

A om hrang chu ichi puma Roirêlna le mei inthang Pathian doihai kângirhmang hrang nghâkna vai tâk kêng.

HEBRAI toc2 HEBRAI 12:29

ei Pathian hi mi kâng irhmang ngai mei a ni sikin.

HEBRAI toc2 HEBRAI 4:1

Atûn hin Pathianin kha irngamnaa nin lût hrangin chonginkung a ni ipêk a ni. Khasikin, nin laia tûte kha irngamnaa lût theiloi nin om loina hrangin irdîn ei ti.

HEBRAI toc2 HEBRAI 4:11

Tho, khasikin anni anga iam loina sika chuk loia om loiin irngamna khan ei lût theina hrangin a sân irnak song ei ti.

HEBRAI toc2 HEBRAI 4:9

Khasikin Pathian mihai ta hrangin chu sûn sari nia Pathianin a irngam ang khan irngamna kha a la iom mai a ni.

HEBRAI toc2 HEBRAI 9:28

Khaang dênin Krista khom kha mi tamtakhai sual inboi hrangin voikhat irbôlna’n inhlan a ni tâka. Sualhai lapai hrang ni ta loiin ama lei nghâktuhai saninhringnaa hruai lût hrangin a izuang nôk hrang a ni.

1 PETERA toc2 1 PETERA 3:22

Jisua Krista chu irvâna fe’n Pathian chang tiang a oma, vântîrtônhai, irchamneinahai, sinthotheinahai a thuhnuaia an om ta.

2 PETERA toc2 2 PETERA 3:7

Pathian ngaisak loihai chungchâng rêl zoro le irhmangtir tika meia kâng irhmang hrangin atûn irnêng le irvân khom hi Pathian thu’n a ihôi a ni.

JUDA 1:7

Khaang dêna khan Sodom le Gomora khua hai kha, an kôlvêla khua hai leh hurna porinchea an irpumpêk zoi tâk sikin, mi tin le inhriattirna’n anni chu kumtuang meia hrem an ni tâk a ni.

THUPHUANG 1:7

En roi, ama kha sûm laia khin a izuang hrang a ni! Mi tinin hmu an ti, ama suntuhai ngei khomin hmu an ti. Irnêng chunga mi murdi’n ama kha châ an ti. Khaang tak khan la ni a ti! Amen.

THUPHUANG 14:10

kha mi tak khan Pathian ningmurna uain, a ningmurna khilâta a isung insip kha in a ti. Vântîrtôn irthianghai leh Belrate makunga mei le kâta dengintheiin om a ti.

THUPHUANG 14:13

Khanchu, irvâna irthokin hnukirhaiin, “Hi hi irziak roh: Atûna irthokin Rengpaa thihai chu an vân a sa,” a iti kin hriat. Irtha khan, “A ni tak tak! An sinsôlna irthokin irngam ta an ti; an sinthôna ra khan a zui sikin,” tiin a sâma.

THUPHUANG 20:11

Khan, rêngtoihmun vâr lianpa le a chunga toitu kha ki hmua. A makung ata irnêng le irvân an rota an irhmang pat ta.

THUPHUANG 21:4

“An mit ata mitrithi murdi huipai pehai a ti. Thina om ta no nia, beidongna hai, chapna hai le natna hai khom om ta no ni; thil miluihai kha a boi zoi ta,”, a iti kin hriat.

THUPHUANG 22:16

“Kei, Jisua’n, hi thuhai hi Koiindanghai nin kuanga inpuang hrangin ki vântîrtôn ki zuang tîr a ni. Davida bulpui le a chi, sikhovâr vârtak ki ni,” a tia.

THUPHUANG 22:6

Khan, vântîrtôn khan ki kuang, “Hi thuhai hi iam a omin a idik a ni. Deipuhai kuang ama Irtha pêktu Rengpa Pathian khan thil hong tung zôi hranghai kha a suakhai kuang en hrangin vântîrtôn a itîr a ni,” a tia.

THUPHUANG 22:9

Khannisianlân, ama khan ki kuang, “Khaang khan chu tho no roh. Kei khom nangma le ni urêng deipuhai le hi lekhabu thu pom murdihai suak chanpui kêng ki ini, Pathian chubai mûk roh!” a tia.

THUPHUANG 6:11

Khan, an rêngin puan chek an pêk senga, an suak chanpuihai le an urênghai, anni thata an lei iom ang dêna om hranghai kha an irkip mâka chu la nghâk ual hrangin an hrila.