2 THESALONIKA toc2 2 THESALONIKA 1:11 - PATHIAN LEKHABU IRTHIANG C.L. Bible (BSI)

¹¹ Hi sika hin Pathianin nangni a ikoina irphua nin om theina hrang le sat nin nuamna murdi le iamna sika nin sinthohai kha, a hrâtnaa nangni ar kiptir theina hrangin, mong loiin nangni kin chongchai pe ngai.

2 THESALONIKA toc2 2 THESALONIKA 1:11 ပူးပေါင်းရင်းမြစ်များ

INPÂKNA HLAHAI 138:8

Rengpa khan ki kuanga a chonginkung chu hlen a ta; Kumkhua’n om a ti. Nangma kut sinthohai hi hlo inchuk roh.

INPÂKNA HLAHAI 48:14

Hi Pathian hi kumkhontuanga ei Pathian a ini hrang a ni: Thi dên khoma a ni hruaitu ni a ti.

INPÂKNA HLAHAI 51:18

Ni nuamlam takin Zion chunga thil sa tho’n lân; Jerusalem kulhai chu inding nôk roh.

INPÂKNA HLAHAI 68:20

Pathian chu ei ta hrangin saninzôktu Pathian a ni; Thina ata suaknahai chu Rengpa Jehova ta a ni sa.

THUVÂRHAI 4:18

Mi felhai lampui chu zîng kôl misa suak, sûn laitak a ni mâka hong vâr tîr tîr ngai ang kha a ni.

ISAIA 25:9

Kha zoro tena chu, “En ro, ama hi kin Pathian chu a ni. Ama kin iama, a ni zuang isan a ni ta. Ama hi Rengpa chu a nia, ama kin iama, a ni saninhring sikin lôm ei ti,” la ti an ti.

ISAIA 55:7

Mi sualhaiin an omdân chu masanhai sian, mi tukhomin an ngaituana sual mâksanin, Rengpa tiang hong kîrhai sian, len renhai mai a ti; ei Pathian hi mi ngaidam nuam tak a ni.

ISAIA 66:9

Suak zoro ni loiin ki insuaktir thei loi hrang mo? Rengpa’n a ti. A nei vâng tâk hi chu ki inkîrtir hrang ma ni? Nin Pathianin a ti.

DANIELA 3:17

Kin Pathian a sin kin itho pe khan hâlirvômna meipui ata ni sansuak thei a ni, ni kut ata, o inlaltak ni sansuak ngêt a ti, an tia.

HOSEA 6:3

Rengpa inhriatna kha irzûl mai ei ti duah, inhria ei ti. Zîng anga irkhêl loiin a hong pûtsuak ngêt ngai a ni; ei kuang rua angin, rua hnungkhôn, irnêng induitu ang dênin zuang tung a ti.

ZAKARIA 4:7

Tu mo ni ini? o tâng lianpui, Jerubabela makunga khan phâizôl chang mai ni ta; kha khan a lung poimo tak kha a ta hrangin satvurna le, raifânna khêk irhâi leh zuang tung a ta,” tiin a ni sâm tâka.

MARKA 4:28

Irnêngin a kung kha a’rsôntira, ra an neitir ngai, a maton taka a kung a hong suaka, kha hnung a vûia, a hnungkhôn taka a’rmalpum kha a hong suaka.

LUKA 12:32

Pôl tômtehaio, chi no roi, Ram nangni pêk hi nin pa nuamlam tak a ni.

ROM KHUAA MIHAI KUANGA TÎRTÔN PAULA LEKHATHON 1:9

Ki chongchainahai khan nangni kin hriat mai ngai a ni, a dik taka a Nâipa Thurchi Sa insîrin ki lungrîl murdi’n a sin ki tho ngai, Pathian kha nin hriatpuitu a ni.

ROM KHUAA MIHAI KUANGA TÎRTÔN PAULA LEKHATHON 11:29

Pathianin mi, sat a ivur tâk le a inthang tâk chu sut nôk thei ni ta mah.

ROM KHUAA MIHAI KUANGA TÎRTÔN PAULA LEKHATHON 15:14

Ki urênghaio, nangnihai hi satnaa sip, vârna tinrêng neiin tam, irchutir irhlôm thei hrangin nangni ki iam ngita;

ROM KHUAA MIHAI KUANGA TÎRTÔN PAULA LEKHATHON 8:30

Khan a lei inkunghai kha a koia, a ikoihai kha chu thiam an changtira, thiam a inchangtirhai chu a roiinpuina an changtir sa a ni.

1 KORINTH 1:8

Ei Rengpa Jisua Krista Nikhuaa khan khom sêlna boia nin omna hrangin ama khan a mong dênin nangni indet a ti.

EFESI 1:16

ki chongchainahaia khom nangni inhre maiin nangni sikin Pathian kuang lômthu insîr mong ma ung.

EFESI 1:5

Ama nuamlam le a tum lam ang taka Jisua Krista zâra a nâi ni hrangin a ni lei inkung sa ta.

EFESI 1:9

Pathianin a lungdo irthup Krista zâra zoi a itum kha zoiin a nin hriattir ta.

FILIPI 1:6

Nangnia hi thil sa insuaktu khan Krista Nikhuaa puihling dênin a tho mai ki iam ngit a ni.

FILIPI 2:13

Ama nuamlam tho tum hrang le tho thei hranga nangnia sintu kha Pathian a ni.

FILIPI 3:14

Krista Jisua Pathian chung tianga koina lômman, hringna kha, hmu ngêt hrangin inkungna tiang ki pan ngut ngut a ni.

1 THESALONIKA 1:3

Iamna sika irnak nin isonghai, lungthungna sika nin sin intamzia haia, ei Rengpa Jisuaa sabeina nin sip indetziahai, ei Pa le Pathian makunga kin inhriat mai ngai a ni.

2 THESALONIKA toc2 2 THESALONIKA 1:5

Pathian Ram sika tuang nin nia, khataka lût inruk nin ni theina hrangin. Pathian roirêl dikzia inlangna nin ni.

2 THESALONIKA toc2 2 THESALONIKA 2:14

Kha hranga khan ei Rengpa Jisua Krista roiinpuina changna hrangin ei Thurchi Sa hril hmangin nangni a ikoi a ni.

HEBRAI toc2 HEBRAI 12:2

Jisua, ei iamna irphutna le mongna tiang kha en ngit ei ti. Ama khan a matona raifânna sika khan mualinphoina kha ngainêpin Krosa khan a tuanga, atûn chu Pathian rêngtoihmun chang tiang a hong toi ta.

HEBRAI toc2 HEBRAI 3:1

Ki Kristian urêng, Pathianin a ikoihai! Ei iamna lama ochai Inlaltak ni hranga Pathianin a itîr Jisua kha ngaitua roi.

1 PETERA toc2 1 PETERA 5:10

Sôtnote nin tuang zoiin, Kristaa a kumtuang roiinpuina chang hranga nangni koitu, lunginkhamna sip Pathian khan nangni zuang inngîrtir a ta, siaminsa irkipin, inhrâtin nangni indet a ti.

THUPHUANG 3:4

Khannisianlân, Sardis-ah khan an puanhai innimloi, mi tômte nin om. Anni kha puan chek silin ki kuang om ngai an ti, khaanga tho inruk an ni ngai sikin.

THUPHUANG 5:10

Kin Pathian sintho hrangin khua le tuia le ochaihaiin ni siam tâka; Khanchu, irnênga roirêl an ti,” tiin hla thar an saka.