1 SAMUELA 9:2 - PATHIAN LEKHABU IRTHIANG C.L. Bible (BSI)

² Ama hin nâipasal a neia, ar hming chu Saula a nia, ruatharte hmêl sa le vânglai tak a nia, Israel mihai laia khan ama nêka hmêl sa dang zel om mahaia.

1 SAMUELA 9:2 ပူးပေါင်းရင်းမြစ်များ

IRPHUTNA 6:2

Pathian nâihai khan, mihriam nâihai kha an hmêl a sa ti’n an hmuhaia, khanchu an indit murdihai chu dôngma’n an luahaia.

1 THURCHI SUINA 8:33

Nera hin Kisa a neia, Kisa hin rêng Saula a neia. Saula hin nâipasal minli, Jonathana, Malkisua, Abinadaba le Esbaala a neihaia.

JEREMIA 9:23

Rengpa’n a ti, “Mi vârhaiin an vârna, mi hrâthai khomin an hrâtna, irchonghai khomin an irchongna irpâkpui no ri sehai.

NAMBAR 13:33

Khan Anaka irchi mi hrâthai khom kin hong hmuhai sa. Keini chu khâitehai ang dôrin kêng kin irbe; anni khomin khâitehai ang dôrin kêng an ni ibe,” tiin an hrila.

1 SAMUELA 10:21

Khan Samuela’n Benjamina irchihai chu a in sûngkua tam dôrin an langtirhaia, Matria in sûng mihai kha inthangin an om tâka. Khanchu Kisa nâipa Saula kha inthang a ni tâka, ama an zonga, khannisian hmu mahai.

1 SAMUELA 16:7

Khannisianlân Rengpa khan Samuela kuang, “A hmêl satna mani, a dung sei dân mani, en no ro. Ama hi chu ki inuam loi a ni. Keima’n chu mihriam en dân angin ki ien loi a ni. Mihriamin chu pên tianga inlang an en ngaia. Rengpa’n chu lungrîl a ien ngai a ni,” a tia.

1 SAMUELA 17:4

Khan, Filistia-hai omhmuna irthokin an mi hrât, ar hming Goliatha, Gath kho mi, mûk ruk le khâp khata dung sei hi a hong suaka, Israelhai kha a hong saraihaia.

1 SAMUELA 9:3

Saula pa Kisa sakuartung senkhat an irhmanga, khanchu Kisa khan a nâipa Saula kuang khan, “Thoiin lân, ni hnungzui laia mi inkhat hruaiin lân, sakuartunghai va zonghai ro,” a tia.