1 SAMUELA 9:16 - PATHIAN LEKHABU IRTHIANG C.L. Bible (BSI)

¹⁶ “Nangtûk hi zoro lai taka hin Benjamina nam ata mi inkhat ni kuang hong tîr hrang ki ni, ki mi Israelhai chunga hruaitu ni hrangin sahriak lei pol ro. Ama khan Filistia mihai kut ata ki mihai inzôk a ti. Ki mihai tuangna kha ki hmu tâka, an khêk irhâi ki kuang a hong itung tâk a ni,” a tia.

1 SAMUELA 9:16 ပူးပေါင်းရင်းမြစ်များ

1 SAMUELA 10:1

Khanchu Samuela’n sahriak bûr kha a lâka, Saula lu chunga khan a buaka, a tuma. Rengpa khan, “A mi Israelhai chunga hruaitu ni hranga sahriak nang a inâl mo ni ma?

INPÂKNA HLAHAI 106:44

Khaang dôra khom khan, an khêkirhai an hriatin chu, An lungzîng kha a uksaka:

INPÂKNA HLAHAI 25:18

Ki intakzia le ki lunginzîngzia hi ngaitua’n lân, Ki sualna murdi ngaidam roh.

1 SAMUELA 15:1

Samuela’n Saula kuang, “Rengpa’n a mi Israelhai rêng hranga sahriak irthûtir hranga a itîr kha ki ni. Atûn hin, Rengpa thu’nsîr kha irngai ro.

1 SAMUELA 16:3

Irbôlna khan Jesaia kha koiin lân, ni tho hrang dân nan hril ki ti. Mi ar hming nang ki ihriltak kha rêng hrangin sahriak ni irthutir hrang a ni,” a tia.

1 SAMUELA 16:1

Rengpa khan Samuela kuang, “Israel mihai rêng hranga ki inuam loi tak hnunga Saula sika hin idôra sôt mo irngaiinsiatin ni iom hrang? Ni sial irki sûnga khan sahriak thun insipin lân, Bethlehem-a mi Jesaia kuang khan fe ro; a nâipasalhai laia mi rêng hrangin ki inthang zoi tâk a ni,” a tia.

2 SAMUELA 3:18

Atûn hin nin tah hrangin zoro inchum a ni. Rengpa’n Davida chungthua khan, ‘A ni zui Davida kutin ki mi Israelhai kha Filistia mihai kut ata le an râlhai murdi kut ata kha saninsuahai ki ti,’ a iti kha inhre mai roi,” a tia.

2 RÊNGHAI 20:5

“Kei Rengpa ni pu Davida Pathian hin ni chongchaina kin hriata, ni mitrithi tâk ki hmua, nan damtir ki ta a vuan ata sûn thum zoia chu tempila fe thei ni ti.

INPÂKNA HLAHAI 102:1

O Rengpa, ki chongchaina hi irngaitua’n lân, Ki khêk irhâi hi ni kuang tung ri se.

JEREMIA 32:8

Khaangin, Rengpa iti lam tak khan, Hananela chu irhuan hrungtu sûnga keima kuang a honga, a loi kha ircho pe hrang a ni tia. Khanchu Rengpa’n a ni iti pe ngêt a nih ti kin hriat tâka.

1 SAMUELA 14:20

Kha hnung chu Saula le a kôla mipui omhai murdi kha an irbûma, Filistia mihai buaia lungzîng taka an binga irdoi, khandaia irthathai doi hrangin irdoina bual panin an suak tâka.

1 SAMUELA 14:23

Bethaven khêl rakin an doihaia, khaang khan Rengpa’n Israelhai a saninzôk a ni.

THUVÂRHAI 16:9

Mi, a lungrîla a sin hrang a ngaitua theia, kalchôi hrang lam chu Rengpa’n a zêk pe ngai.