1 SAMUELA 9:1 - PATHIAN LEKHABU IRTHIANG C.L. Bible (BSI)

¹ Benjamina rama, Benjamina irchia mi inkhat, mi hrât mi huaisen inkhat hi a oma, ar hming chu Kisa a nia, kha mi kha Afia panama mi Bakoratha in sûngkuaa Zerora nâi Abiela nâipa a ni.

1 SAMUELA 9:1 ပူးပေါင်းရင်းမြစ်များ

1 SAMUELA 14:51

Saula pa Kisa le Abnera pa Nera kha Abiela nâipahai an ni.

TÎRTÔNHAI SINTHO 13:21

Khan, kha hnunga khan rêng an nghia, khaang khan, Pathianin Saula, Kisa nâipa, Benjamina irchia mi kha kum sômminli sûnga an rêng hrangin a pêkhai ta.

1 SAMUELA 25:2

Maon khuaa khan Kaleba irchia mi inkhat ar hming Nabala a oma, Karmel kho kôla khan hmun a neia, mi irchong tak a nia, kêlbelra sângthum le kêl sângkhat a neia. A dôngma Abigaili khom nupang bengvâr tak le satak a nia. Khannisianlân Nabala kha chu mi tiksia le lungrîl saloi tak a nia. Nabala khan Karmel tânga khan a kêlbelra mul a epa.

JOBA 1:3

A’rchong lam dân chu hiang hin a ni: kêlbelra sângsari, saringsei sângthum, sehrâtchal a bopin irzaringa, sakuartung a pui irzaringa le siahlo tamtak a neia. Nisua tiang rama khan chu irchongtak a ni.

2 SAMUELA 19:32

Barzilaia kha kum sômriata mi ulian a ni. Mi irchong tak a nia, Mahanaim-a rêng a om sûng khan chu fâk hrang lei enkoltu a ni.

1 SAMUELA 10:23

Khanchu an van tâna, an va hruai suaka, khanchu mipui laia a ngîr suaka ni’n chu mi danghai nêkin a sei uala.

ESTHERI 2:5

Susa khopuia khan Juda mi Zaira nâipa Mordekaia a oma, Benjamina nama Kisa nâipa Simeia irchia mi a ni.