1 SAMUELA 7:4 - PATHIAN LEKHABU IRTHIANG C.L. Bible (BSI)

⁴ Khanchu Israel mihai khan an Baal millimhai le Asterothi millimhai kha an pai vinga, Rengpa sin vai an tho tâka.

1 SAMUELA 7:4 ပူးပေါင်းရင်းမြစ်များ

1 RÊNGHAI 11:33

Ama’n chu Sidon mihai pathiannu Asterothi hai, Moab mi pathian Khemosa, Amon mi pathian Milkoma hai zômin, ki lampuia irlôiin, le ki mihai mithmua thil dik a tho no sikin,

1 RÊNGHAI 11:5

Sidon mihai pathiannu Asterothi le Amon mihai pathian intirom tak Milkoma chu a izui a ni ta.

1 RÊNGHAI 8:48

Kha rama an om sûngin an sual an irleta, irsîr taka an irchibulhai ram ni ipêkhai ram tiang, ni khopui irthiang tiang, nangma hranga ki isin tempil tiang irngaia an chongchaiin chu,

2 RÊNGHAI 23:15

Israelhai hruai insualtu Nebata nâipa Jeroboama’n bethel khuaa Pathian biakna hranga maichâm a isiamhai khom Josia’n an siatpaia, a lunghai an khoihaia. Aseri irlim khom a hâlpaia.

HOSEA 14:3

Assuria khan ni saninhring no nia, sakor chuanghaia chuang no ning; kin kut suakhai kuanga khan, kin Pathian nin ni e, ti ual ta no ni ung. Farahai khan nangmaa hin lungkhamna an hong ihmu ngai a nia.

HOSEA 14:8

Efraima khan millimhai le irnâina imo a inei ta hrang? kei hi a chongchaina sâmtu ki nia, a indingtir hrangtu khom ki ni. Kei meisâr thing hring mur ang ki nia, Ni ra sahai kha keima ata a ni.

ROIRÊLTUHAI 2:11

Khanchu, Israelhaiin Rengpa nuamloi lam thilsual an thoa. Baalhai kha an biak zêl tâka.

ROIRÊLTUHAI 2:13

Rengpa irheisanin, Baalhai, Asterte-hai chubai an mûk tâka.

1 SAMUELA 7:3

Khante Samuela khan Israel mihai kuang khan, “Nin lungrîl taka Rengpa tiang nin irnghat tak takin chu, ram dang pathianhai le Asterothi pathiannuhai millim kha nin lai ata pai ving roi. Nin lungrîl kha Rengpa ta hrangin sinsiam unglân, ama sin vai tho roi; khanchu Filistia-hai kut ata hi nangni a isansuak hrang a ni,” a tia.

1 SAMUELA 7:5

Kha hnung chu Samuela khan, “Israel mi murdihai chu Mizpa khuaa koibûmhai ving unglân, Rengpa kuang nangni chongchai pe ki ti,” a tia.