1 SAMUELA 7:3 - PATHIAN LEKHABU IRTHIANG C.L. Bible (BSI)

³ Khante Samuela khan Israel mihai kuang khan, “Nin lungrîl taka Rengpa tiang nin irnghat tak takin chu, ram dang pathianhai le Asterothi pathiannuhai millim kha nin lai ata pai ving roi. Nin lungrîl kha Rengpa ta hrangin sinsiam unglân, ama sin vai tho roi; khanchu Filistia-hai kut ata hi nangni a isansuak hrang a ni,” a tia.

1 SAMUELA 7:3 ပူးပေါင်းရင်းမြစ်များ

IRPHUTNA 35:2

Khanchu, Jakoba’n a in mihai kôla omhai kuang khan, “Nin kôla mi dang pathian biakhai kha paihai unglân; irthiang takin nin tukfamhai thûl roi.

1 RÊNGHAI 11:33

Ama’n chu Sidon mihai pathiannu Asterothi hai, Moab mi pathian Khemosa, Amon mi pathian Milkoma hai zômin, ki lampuia irlôiin, le ki mihai mithmua thil dik a tho no sikin,

1 RÊNGHAI 8:48

Kha rama an om sûngin an sual an irleta, irsîr taka an irchibulhai ram ni ipêkhai ram tiang, ni khopui irthiang tiang, nangma hranga ki isin tempil tiang irngaia an chongchaiin chu,

2 RÊNGHAI 17:39

Kei nin Pathian, Rengpa thu hi nin izôm hrang a ni; khanchu nin râlhai ata nangni sansuak ki ti,” a tia.

2 RÊNGHAI 23:15

Israelhai hruai insualtu Nebata nâipa Jeroboama’n bethel khuaa Pathian biakna hranga maichâm a isiamhai khom Josia’n an siatpaia, a lunghai an khoihaia. Aseri irlim khom a hâlpaia.

1 THURCHI SUINA 22:19

Nin lungrîl murdi’n Rengpa nin Pathian sin chu a dik takin sin ta roi. Rengpa Thuthung Bôm le Pathian bêlbûr irthiang siana in sin ta roi,” a tia.

1 THURCHI SUINA 28:9

Solomona kuang khan, “Nang ki nâipa Solomona, ni pa Pathian hi pomin lân, irzuk tak le dik takin a sin tho’n lân, kin ingaitua le kin itumhai hi an hriat ving a ni. Ama hi ni zong photin chu hmu ngêt ni ti, nir ngaitua no’n chu nang pai zôi a ti.

2 THURCHI SUINA 19:3

Kha sûnga khom khan satna viat chu ni nei; mihai ibiak Aseri irlim murdi inboia Pathian nuamlam ni izong hi,” a tia.

2 THURCHI SUINA 20:33

Nam dang pathian biakna, hmun irsânghai insiat zoi maka, mipuihai khomin an irchibulhai Pathian biak uar ok ta mahai.

2 THURCHI SUINA 30:19

Reng Hezekia chu khahai ta hrangin a chongchaia, “O Rengpa, kin irchibulhai Pathian, porche an ni pum khomin lungrîl taka chubai mûkhai chu ni thathai sikin ngaidamhai ro,” a tia.

THUVÂRHAI 16:1

Lungrîla lei ngaitua irfûk hi mihriam sintum a nia, sâmna rêk chu Rengpaa irthokin a ni.

ISAIA 55:7

Mi sualhaiin an omdân chu masanhai sian, mi tukhomin an ngaituana sual mâksanin, Rengpa tiang hong kîrhai sian, len renhai mai a ti; ei Pathian hi mi ngaidam nuam tak a ni.

JEREMIA 24:7

Keima hi Rengpa ki nih ti inhriat theina hrangin, anni chu irzukna pehai ki ta; an lungrîl murdi le ki kuang an hong ikîr hrang a ni sikin.

JEREMIA 36:3

Juda mihaiin an chunga vânduaina irkhêl intungtir hranga ki thiltumhai inhriat pumin, an omdân saloihai an irlet thei duaiin; an irletin chu an tho’nchâina le an sualnahai inzahai ki ti,” a tia.

JEREMIA 4:1

Rengpa’n, “Israel mihaio, a kîr nôk nin nuama ni’n chu, keima kuang hong kîr roi. Millim ki ihnôlhai nin khâipaia, keima hrangin iamomin nin oma ni’n chu,

EZEKIELA 14:6

“Khasikin Israel insûngkuahai kuanga, Rengpa pathian khan hiang hin a ti: Hong kîr unglân, nin sual porinchena murdi chu hong irheisan ta roi.

EZEKIELA 18:31

Nin sintho insualnahai chu pai unglân, ngaituana thar le milung thar irput roi. Israel mihaio, itho mo thi nin ta?

HOSEA 14:1

O Israel, Rengpa ni Pathian tiang khan kîr nôk ro, ni pualoina sika ngei ni itûk tâk a ni.

MATHAIA 15:8

‘Hi mihai hin an bâiin an nin pâka, Khannisian, an lungrîlin chu an ni hla.

MATHAIA 4:10

Jisua’n a kuang, “Setan, rot pat ro, ‘Rengpa ni Pathian chu chubai mûkin lân ama sin vai tho ro,’ ti irziak a ni,” a tia.

MATHAIA 6:24

“Tûte’n hruaitu inhni sin irkop thei no nihai, inkhat hnôlin, inkhat indit an ta; aninole inkhat irngaiinnat an ta, inkhat hmusit an ti. Pathian sin le sum sin irkop thei no chin ni.

LUKA 4:8

Jisua’n, “Rengpa ni Pathian chu chubai mûkin lân, Ama sin vai tho ro, tih irziak a ni,” tiin a sâma.

JOHANA 4:24

Pathian chu Irtha a nia, ama chubai mûktuhaiin Irtha le thu takin chubai an imûk hrang a ni,” a tia.

DÂN INHNINA 10:20

Rengpa nin Pathian kha chi unglân, a sintho unglân, ama kha chel khak roi; inkungna hrangin a’rhming vai sâm ngai roi.

DÂN INHNINA 13:4

Rengpa nin Pathian hnung kha zui unglân, a sin kha tho roi.

DÂN INHNINA 4:29

Khannisianlân, kha ram ata kha Rengpa nin Pathian kha a sân nin chia, lungrîl murdi le ama nin zongin chu hmu nôk nin ti.

DÂN INHNINA 6:13

Rengpa nin Pathian kha chi unglân, ama vai chubai mûk unglân, ama irhming vai sâmin khomâkirsâm ngai roi.

JOSUA 13:31

Gilead bial chimrip, Astarot hai, Edrei hai, Oga ram Basan khopuihai chu a pêk bel sa. Manasea nâipa Makira irchihai kuanga khi ramhai khi a ipêk a ni.

JOSUA 24:14

“Khasikin, Rengpa chu inzâ unglân dik takin a sin tho ngit roi. Mesopotamia ram le Aigupta rama nin pi le puhai ibiak ngai pathian illimhai kha pai zit roi.

JOSUA 24:23

Josua’n, “Khaang khan a ni’n chu, nam dang pathian illim nin idônhai kha pai zit roi duah: Israelhai Pathian Rengpa vai hi pom roi,” a tia.

ROIRÊLTUHAI 10:16

Khanchu, an kôla pathian dang irlimhai chu an paia, Rengpa chu chubai an mûk tâka; Israelhai inriang zia a hmu’n chu a sân lung an khamhaia.

ROIRÊLTUHAI 10:6

Israel mihaiin Rengpa nuam loi lam thilsual an tho nôka; Baalhai, Asterothi-hai, Amona pathianhai, Zidon mi pathianhai, Moab mi pathianhai, Amor mi pathianhai, Filistia mi pathianhai an biak saa.

ROIRÊLTUHAI 2:11

Khanchu, Israelhaiin Rengpa nuamloi lam thilsual an thoa. Baalhai kha an biak zêl tâka.

ROIRÊLTUHAI 2:13

Rengpa irheisanin, Baalhai, Asterte-hai chubai an mûk tâka.

1 SAMUELA 31:10

Khanchu Saula râltukfamhai kha Astoret biak ina an siaa, a ruak kha Beth-san khopui kul banga an târa.