1 SAMUELA 6:5 - PATHIAN LEKHABU IRTHIANG C.L. Bible (BSI)

⁵ Pangpo millim ringa le nin ram insiattu châichek millim ringa nin isiamhai khan Israelhai Pathian kha chôiindôm roi. Khanchu nangni le nin pathianhai le nin ram kha kuttum nangni a tho ta no khom a ni thei.

1 SAMUELA 6:5 ပူးပေါင်းရင်းမြစ်များ

1 THURCHI SUINA 16:28

Rammuala nam tinrênghaio, Rengpa chu inpâk unglân, Rengpa roiinpuina le hrâtna chu inpâk roi.

1 THURCHI SUINA 16:29

Rengpa irhming roiinpui chu inpâk unglân, thilpêk hrang chôiin a ina hong lût roi. Irthiang le enhoi taka irvoin, Rengpa makunga hong kûn roi.

INPÂKNA HLAHAI 18:44

Ki thurchi an inhriat zoi le ki thu zôm an ti: Mikhualhai kha ki kuang irpe lût an ti.

INPÂKNA HLAHAI 32:4

Rengpa, a sûn a zânin ni ni sepna kutin a ni dela; Kholum misa’n thinghna a inthêmtir chûl ngai ang khan ki hrâtna khom a hong irzal tâk a ni.

INPÂKNA HLAHAI 39:10

Ni ni izêmna hi ki kuang ata ni lâkpai pe’n lân: Ni kut thâknaa inboipai ki ni hi.

INPÂKNA HLAHAI 66:3

Pathian kuang, “Ni sinthohai kha ar khêl bâka! Ni sinthotheina irkhêlzia sikin nang a doituhai chu ni kuang irpelût an ti.

FESUAKNA 12:12

Kha zân ngêta khan Aigupta rama fe ki ta, sa le mihriam an rêngin nâilutîr kai chu that ving ki ta; khante Aigupta rama pathianhai chunga roirêlna intung ki ti. Rengpa’n ki iti a ni.

FESUAKNA 8:17

Khanchu a hong thoa, Arona’n a kuta hmol kha an leka, hnuaia vâiphin kha a vîka, sa le mihriamhai chunga khan phersedîp an hong om tâka.

FESUAKNA 8:24

Khanchu Rengpa’n khaang khan a hong tho tâka. Faroa in sûng le a siahlohai in sûnga khan thoivâi irkhêl takin an hong tama; kha thoivâihai leh khan, Aigupta ram murdi insiatin a hong om tâka.

FESUAKNA 8:5

Khanchu Rengpa’n Mosia kuang, “Arona kuanga ni khianghrol kha tui chunga khan irlekin lân, Aigupta ram sûnga hin uichok hong suak ni ta ri se, va ti ro,” a tia.

ISAIA 19:1

Aigupta ram chungchâng thu: sûm irsâtak laia chuangin Rengpa chu Aigupta ram a pana. A makunga khan Aigupta rama millimhai inthing an ta, Aigupta mihai rot an ti.

ISAIA 42:12

Chômbunga omhaiin Rengpa chu inpâkhai sian, chôiindôm ri sehai.

JEREMIA 13:16

Rengpa nin Pathian chôiirsâng roi, inthim a zuan tunga, tâng tiang nin irthon mân hin; nin itûng ngai vâr kha inthim le a vârro lai takin a hong ni mân hin.

JEREMIA 3:13

Ni itho insual a nih ti le Rengpa ni Pathian chunga ni tehel a nih ti inlang roh. Thingkung hringhai hnuaia nam dang pathianhai lung ni la thung maia, ki thupêk ni izôm loi dânhai irphuang suak ta ro, Keima Rengpa’n ki iti a ni.

JOELA 2:25

Nin laia ki sipai rual tamtak ki tîr, khâihmimse hai, thing irnge hai, longak hai, thing irnge longakhaiin an ifâk zoi kumhai kha nangni thuan nôk ki ti.

JONA 3:9

Kin irhmang loina hrangin, Pathian kha kîrin, lungrîl irheitirin, a ninginmurna irkhêltak ata kha zuang irheikîr no nih ti tu’n mo an hriat?” tiin.

MALAKIA 2:2

Ki’rhming roiinpuitirna hrang nin irngaitua noa, milunga nin vong no’n chu, nin chunga khuasâlna zuang intungtir ki ti, Sipaihai Rengpa’n a ti, nin satvurna donghai kha khuasâlna ki ti: A ni, nin laia milunga vong nin om no sikin khua nangni ki isâl chian tâk a ni.

NAMBAR 33:4

Ferkân kût nî khan Aigupta mihai mithmua, an nâilutîr murdi Rengpa’n a ithat pehai kha an phûm laiin Israel irchihai chu irkhêl takin an suaka. Rengpa’n an pathianhai khom a hrem pehaia.

JOHANA 9:24

Khan, mitcho lei ni ngaitu kha a voi hnina an koi nôka, a kuang, “Pathian makunga thudik hril hrangin inkungna nei ro! Nang indampu kha mi sual a nih ti kin inhriat,” an tia.

JOSUA 7:19

Josua’n Akana kuanga, “Ki nâipa, Israelhai Pathian Rengpa makunga thu diktak hril ro duah. Sual thupha chôi mai roi, imo ni itho, thup loiin nin hril ro,” a tia.

THUPHUANG 11:13

Kha zoro taka khan hnîngnupui an hnînga; khua kha hmun sôma sena hmunkhat chu a chima, mi sâng sari an thi. A la hringhai khan an chi tâka, irvân Pathian an inpâk tâka.

THUPHUANG 14:7

Ama khan hnukirhai inring takin, “Mihriamhai roirêl zoro a hong tung tâk sikin Pathian chu chi unglân, chôiindôm roi! Irvân, irnêng tuikhanglian le tuihnâr hai siamtu kha chubai mûk roi!” a tia.

THUPHUANG 16:9

Mihriamhai kha misa lum taka em inlôngin an om tâka, kha dengintheina chunga irchamneitu Pathian irhming kha khomâk an sâma, an sual ata irletin ama inpâk ual mahai.

1 SAMUELA 5:11

Khanchu Filistia rêng ringahai kha an koibukhai nôka, “Israelhai Thuthung Bôm hin keini le kin in mihai a ni that irhmang zoi loina hrangin a omna hmun ngêta thonpai nôk ni ri se,” an tia. Pathianin natakin kuttum a tho sikin an kho pumpuiin an buai nôk tâka.

1 SAMUELA 5:9

Khannisianlân kha khua kha an van tungin chu Rengpa kut khan Gath khua kha an buai nuai nuai tâka, a kho mihai kha a chîn ata a lian dênin kuttum an tuang nôka, pangpo hripui an lêngtir nôka.

1 SAMUELA 6:8

Rengpa Thuthung Bôm kha la unglân, tâlia khan bâng unglân, siat irbôlna nin inhlan rângachak thil hluhai kha bakot sûnga thunin a kôla khan se roi. Tâli kha a fena hrang lampuia irthok sianlân, a bingin infetir roi.